Jeremias 2:27 - Maung A Balita Biblia

²⁷ Nabaingan kayo, sikayon mangibabaga ya ama yoy sakey a kiew tan ina yoy sakey a baton-dampay. Nagawa ya, lapud imbatikan yo ak anta siak komuy singgeran yo. Balet no wala kayod gunigon, kerewen yon asinggeran ta kayon ilaban.

Maung a Balita Biblia

²⁷ Nabaingan kayo, sikayon mangibabaga ya ama yoy sakey a kiew tan ina yoy sakey a baton-dampay. Nagawa ya, lapud imbatikan yo ak anta siak komuy singgeran yo. Balet no wala kayod gunigon, kerewen yon asinggeran ta kayon ilaban.

Jeremias 2:27 Referans Kwoze

Isaias 26:16

Dinusam iray totoom, Katawan, tan diad paniirap da nampikasi rad sika.

Oseas 7:14

Aliwan masimoon so panagpikasi rad siak, no ag ta singa ra paganon mannangis ed dokulan da. No mampikasi ran onkerew na trigo tan alak, singa ra paganon salsalgeren day laman da. Agaylay pananumlang da!

Oseas 5:15

“Ikaindan ko ray totook ya anggad asigsigput so impanirap da, lapud saray kasalanan da tan onsabi ran mananap ed siak. Angangko diad gaway panirap da anapen da ak.”

Ezekiel 23:35

Natan sikato ya so ibabaga na Katawan a Dios: “Lapud nilingwanan tan imbeneg mo ak, manirap ka lapud maoges a kaliktan na laman mo tan say impikaloguran mo.”

Ezekiel 8:16

Kanyan inyakar to ak ed pation walad dalem na Timplo. Diman ed abay na lolooban ed santuario, diad nanleetan na altar tan say balkon, wala ray duamplo tan liman lalaki. Imbeneg day santuario tan ondadakmomo ran akaarap ed bokig a mangigagalang irad agew ya ombubutay.

Jeremias 32:33

Imbeneg da ak; anggaman ya intutuloy koy pambangat ed sikara, ag ira ondengel tan makaaral.

Jeremias 22:23

Maimeng kayon manaayam ed saray abung a ginawad tablan sidro a nanlapud Libano, balet pangaskasiyay kipapasen yo no dapoan kayoy kairapan, a singa kairapan a liliknaen na biin mampapasakit.

Jeremias 18:17

Ikaykayat kod arap na saray kalaban da iray totook, a singa ra dabuk ya insiplug na dagem a nanlapud bokig. Ibeneg ko ra tan ag ko ra tulongan no onsabiy deral.”

Jeremias 10:8

Andi-kalakal tan makulang-kulang ira yan amin a totoo. Antoy naaral da ed saray kiew a talintaoy diriyos?

Jeremias 2:24

maples ya oonlad kalawakan. No manmamaya, siopay makapareen ed sikato? Ag manirap so dinan man a kalakyan a malabay ya onkabayod sikato; mainomay a kabayoan no panagmaya to.

Jeremias 3:9

tan ag to ibabaing yan gagawaen to. Dinotakan to so dalin, tan akilawanan diad panamegley na impangigalang tod saray bato tan saray kiew.

Jeremias 30:7

Onsasabi so sakey a makapataktakot ya agew; anggapoy agew a makapipara ed sikato— sikatoy panaon a kagunigon na saray totook, balet nayarian dan agwantaan.”

Jeremias 37:3

Si Ari Sedekias imbaki tod siak si Jucal a lakin anak nen Selemias tan say pari a si Sofonias a lakin anak nen Maasias, ta kerewen dan ipikasik ed Katawan a Dios tayo so bansa.

Daniel 9:7

O Katawan, matonung lawas so gagawaen mo, balet impelag miy sikamin dili ed kababaingan. Tua ya ed amin min manaayam ed Juda tan diad Jerusalem; tua met ya ed amin da ray Israelitan inkakayat mod saray bansan walad arawi odino asingger lapud aliwa ran matoor ed sika.

Oseas 4:12

Onkekerew ira na puyan a manlapud sakey a poter na kiew! Sasalitaen na sakey bastun so labay dan amtaen. Inkaindan da ak. Aliling day sakey a biin mikakaloguran, diad impanlilingkur da ed arum a diriyos.

2 Saray Awaran 29:6

Aliwan matoor ed Katawan a Dios tayo iray lalaki tayo, ta ginagawa ray aliwan makapaliket ed sikato. Inkaindan da tan imbeneg day pasen a panaayaman to.

Jeremias 42:2

tan kuanda, “Gawam pay kerewen mid sika! Ipikasi mo kami pa ed Katawan a Dios tayo. Ipikasi mo kami pa ran atilak dian mabilay. Amayamay kami ni nen saman balet dagdaiset kami la natan, a singa nanenengneng mo.