Jeremias 2:14 - Maung A Balita Biblia

¹⁴ “Aliwan aripen so Israel; akin sirin et oosilan ya erelen na saray kalaban to?

Maung a Balita Biblia

¹⁴ Aliwan aripen so Israel; akin sirin et oosilan ya erelen na saray kalaban to?

Jeremias 2:14 Referans Kwoze

Exodo 4:22

Diad satan ibagam ed ari: Onya so kuan na Katawan ed sika, ‘Si Israel so pangulowan ya anak ko.

Isaias 50:1

Say Katawan kuanto, “Abaloan yo amon pinataynan ko ray totook a singa sakey a lakin angisian na asawa to? Kawalaan sirin na saray kasulatan na impansian? Abaloan yo amon inlako ta kayo ed inkadakep a singa sakey a too ya inlako ton aripen iray anak to? Andi, adakep kayod arawi lapud saray kasalanan yo; apataynan kayod arawi lapud saray kaogsan a ginagawa yo.

Ecclesiastes 2:7

Angaliw ak na amayamay ya aripen, tan wala ray aripen a nianak ed abung ko. Dakerakel ni ray ayayep ko nen say anggan siopan too a nanayam ed Jerusalem.

Genesis 15:3

Ag mo ak initday anak, kanyan say sakey ed saray aripen ko so manawir ed saray kayaryan ko.”

Exodo 12:49

Nampapara ray totontonen a nepeg a tombuken na saray nianak ya Israelita tan saray sangkailin manaayam ed bansa yo.”

Jeremias 5:19

No tepeten da no akin et ginawak ira yan amin a bengatla, ibagam ed sikara, Jeremias, a no kaonungay impangikaindan dad Katawan tan impanlingkur dad saray diriyos da ray arum a bansa, ontan met so panlingkur dad saray totoo na bansa ya ag da dalin.”

Jeremias 17:4

Napasoot kayon mangikban na dalin ya inter kod sikayo. Pagmaliwen ta kayon aripen na saray kalaban yo diad dalin ya ag yo kabat, lapud say pasnuk ko et singa apoy, tan ondalang ya anggad angga.”