Jeremias 19:2 - Maung A Balita Biblia

² ta itagar ko rad patar na Ben-hinnom diad kapaway na Puirta na Langa. Diman ko ipulong so salita na Katawan ya iter tod siak.

Maung a Balita Biblia

² ta itagar ko rad patar na Ben-hinnom diad kapaway na Puirta na Langa. Diman ko ipulong so salita na Katawan ya iter tod siak.

Jeremias 19:2 Referans Kwoze

Josue 15:8

tan mampatatdang ed Patar na Hinom diad niabalaten a dapag na pokdul a kawalaan na Jerusalem a siudad na saray Jebuseo. Say ketegan ontuloy ya anggad toktok na pokdul ed nisagur a dapag na Patar na Hinom, diad nibaybay a samput na Patar na Refaim.

2 Saray Arari 23:10

Ginawa met nen Ari Josias ya andi-kabaliksan so Tofet, say pasen na panangigalangan na saray pagano diad Patar na Hinom, pian anggapo lay makapangisaklang ed dios a Molec na anak ton laki o bii.

Jeremias 32:35

Nanggagawa ra na saray altar a para Baal diad Patar na Hinnom, a pangibagatan dad dios a Moloc na saray anak dan lalaki tan bibii. Ag ko ingganggan ed sikara a gawaen day onya, tan ag anggan sinmebang ed kanunotan ko a gawaen da man a makapaingungot a bengatla, pian pankasalananen da ray totood Juda.”

2 Saray Awaran 33:6

Insaklang ton bagat a popoolan ed Patar na Hinom iray lalakin anak to. Nambubuyon tan nansasalamangka; nampapanon ed saray managpalar tan saray manangipanon ed saray ispiritu na inaatey. Mapalaloy impankasalanan tod Katawan, kanyan impanpasnuk to.

2 Saray Awaran 28:3

nampopool na insinso ed Patar na Hinom; tan insaklang ton bagat a popoolan ed saray talintaoy diriyos so anggan saray dilin anak ton lalaki, ta inalig toy makapaingungot a kaogaliyan na saray totoon pinataynan na Katawan legan a mankukurang iray Israelita.

Saray Gawgawa 20:27

Ta imbagak ed sikayoy amin a linaway Dios.

Saray Gawgawa 5:20

“Laka yod Timplo tan ipulong yod may nipaakar ed sayan balon panagbilay.”

Mateo 10:27

Say ibabagak ed sikayod ambilonget, olit yon maliwawa; tan say iyeesaes kod sikayo, ibando yon manlapud toktok na saray abung.

Jonas 3:2

Inkuanto, “Lakad Ninive, say baleg a siudad, ta ibagam ed saray totood man so sinalitak ed sika.”

Jeremias 26:2

say Katawan inkuantod siak, “Manalagey kad patio na Timplo tan ibawag mo ray ingganggan kon salitaen mod saray totoon nanlapud saray baley na Juda a mangigalang diman. Ibagam ya amiy bengatla.

Jeremias 11:6

Insan inkuan na Katawan ed siak, “Lakad saray siudad na Juda tan diad saray dalan na Jerusalem. Ibawag mod man iray salitak, tan ibagam ed saray totood man ya ondengel irad ibabagay sipanan tan onuren da.

Jeremias 3:12

Imbaga to nid siak ya onla ak a mangikuan ed Israel, “Aliwan matoor ya Israel, pawil kad siak. Lapud mapangasi ak, ag ta ka la pampasnukan; aliwan ando lan ando so petang na olok ed sika.

Jeremias 1:7

Balet inkuan na Katawan ed siak, “Ag mo ibabagan ogaogaw ka; ingen, lakad saray totoon pangibakian kod sika, ta ibagam ed sikaray amin ya igaganggan kod sika.

Nehemias 3:29

Impaalagey nen Sadoc a lakin anak nen Imer so onsoblay a soldung na padir a walad arap na abung to. Impaalagey nen Semaya a lakin anak nen Secanias tan managasikasoy Puirta na Bokig so onsoblay a soldung na Padir.

Jeremias 18:2

“Lakad abung na manggaway banga, ta iparengel kod man ed sikay salitak.”