Jeremias 18:7 - Maung A Balita Biblia

⁷ No diad anggan anton panaon ikuankon baguten, ibasig, odino deralen koy dinanman a bansa o nanarian,

Maung a Balita Biblia

⁷ No diad anggan anton panaon ikuankon baguten, ibasig, odino deralen koy dinanman a bansa o nanarian,

Jeremias 18:7 Referans Kwoze

Jeremias 1:10

Natad sayan agew iiter kod sikay pakaoley ed saray bansa tan saray nanarian, pian sikay mamagut tan mangigeba, maneral tan manalo, mamaalagey tan mangiletneg.”

Jeremias 45:4

“Balet siak a Katawan, babagbagen ko so impaalagey ko tan babaguten ko so intanem ko. Gawaen ko ya ed intiron mundo.

Jonas 3:4

Ginapwan nen Jonas so nanakar ed siudad tan kalabas na sanagew ya impanakar to, imbawag to, “Naderal so Ninive kalabas na apataplon agew manlapud natan!”

Amos 9:8

Siak, say Katawan a Dios, et babantayan ko yan makasalanan a nanarian na Israel, tan deralen kod tapew na dalin. Balet ag ko deralen ya amin iray kabyangay boleg nen Jacob.

Genesis 6:6

naermenan ed impamalsa tod totoo tan diad impangipasen tod sikara ed tapew na dalin. Diad ontan lan pagbabawi to,

Jeremias 31:28

Onung na impangasikasok ed impamagut, impangibalsak, impangipatalo, impaneral, tan impamataynan kod sikara, ontan met so pangasikasok ed pangiletneg tan pamasimbaloy kipapasen da.

Jeremias 42:10

‘No labay yoy mansiansian manayam ed sayan dalin, iletneg ta kayo; ag ta kayo deralen; itanem ta kayo ya aliwan baguten. Akapaermen na mapalalo ed siak so deral ya inyakar kod sikayo.

Ezekiel 33:14

Nayarin pasakbayan koy toon maoges a sikatoy ompatey, balet no ontondan mankasalanan tan gawaen toy kaptekan tan kamaungan—

Daniel 11:4

Balet diad kabisbiskegay pakayari to nabuyak so impirio to tan napangkapat. Onsalat ed sikatoy ararin aliwan sikatoy sengeg da, balet ag da naparaay pakayari to.

Jeremias 26:3

Ag la pigan ondengel iray totoo tan ikaindan day maoges a panagbilay da. No onyay gawaen da, mangoman ak ed kanunotan nipaakar ed ginetmak lan panderal ed sikara lapud saray maoges a gawgawa ra.”

Jonas 3:10

Anengneng na Dios so ginawa ra; anengneng ton imbebeneg da ray maoges a kagagawa ra. Kanyan angoman na kanunotan, et ag to la intuloy imay imbaga ton panusa tod sikara.