Jeremias 18:23 - Maung A Balita Biblia

²³ Balet, Katawan, amtam so pankokomplut dan pamatey ed siak. Ag mo pa pipirdonaen so kaogsan da; ag mo poponasen so kasalanan da. Ipatombam ira diad katalo ra; dusam ira legan a mamapasnuk ka.”

Maung a Balita Biblia

²³ Balet, Katawan, amtam so pankokomplut dan pamatey ed siak. Ag mo pa pipirdonaen so kaogsan da; ag mo poponasen so kasalanan da. Ipatombam ira diad katalo ra; dusam ira legan a mamapasnuk ka.

Jeremias 18:23 Referans Kwoze

Saray Salmo 35:4

Natalo tan napelag komun ed kababaingan iray malabay a mamatey ed siak! Napapoliktar tan nagewgew komun iray mankokomplut sumpad siak!

Isaias 2:9

Napaabeba tan napelag ed kababaingan so balang sakey ed sikara. Ag mo pa ra pipirdonaen, O Katawan!

Saray Taga Roma 2:5

Balet lapud benger ka tan anawet so pusom, pabebelaten moy dusan niiter ed sika no Agew ya ompatnag lay sanuk na Dios tan say maptek a panagsintinsia to.

Lucas 21:22

Ta saraya lay ‘Agew na Dusa,’ pian ontuay amin ya ibabagay Masanton Sulat.

Jeremias 18:18

Insan inkuan na saray totoo, “Pankokomplutan tayo lay Jeremias! Wala ray paparin mangibangat ed sikatayo, saray makabat a totoon manimbawad sikatayo, tan saray propitan mangibaga na salitay Katawan. Akusaen tayo, tan tondaan tayo lay ondengel ed ibabaga to.”

Jeremias 15:15

Insan inkuanko, “Katawan, natatalusan mo. Nunot mo ak pa tan tulongan mo ak. Sika pa lay ombales ed saray mamapairap ed siak. Ag mo la ra aanosan, pian ag da ak napatey. Nunot mo a sikay makasengeg na panaakok na kababaingan.

Jeremias 11:23

Anggapod sikaray nakeraan no onsabiy panaon ya inggetar kon panusak ed saray totood Anatot.”

Jeremias 8:12

Totook, ambaing kayo kasi lapud ginagawa yo ra yan makapaingungot a bengatla? Andi! Anggapon balut so baing yo; ag anggan ombabalangay lupa yo! Kanyan natumba kayo a singa impakatumbay arum; no dusaen ta kayo, samput yo la. Siak, say Katawan, so nansalita.

Isaias 10:3

Antoy gawaen yo no dusaen kayo na Dios? Antoy gawaen yo no iyakar tod sikayoy deral a manlapud arawin bansa? Iner so batikan yon kereway tulong? Iner so pangyamutan yo na saray kayamanan yo?

Saray Salmo 59:5

Liing ka pa, Katawan a Dios a Makapanyarin-amin, ta dago mo ak a tulongan; sikan dili so onnengneng, O Dios na Israel! Bangon ka pa, ta dusam ya amin iray bansa; ag mo pa kakasian iray traidor!

Saray Salmo 119:126

Katawan, natan lay pangipanengneng moy pakayarim, tan saray totoo susumlangen day ganggan mo!

Jeremias 6:15

Ambaing ira kasi lapud ginagawa da ra yan makapaingungot a bengatla? Andi! Anggapon balut so baing da; ag anggan ombabalangay lupa ra. Kanyan natumba ra a singa impakatumbay arum; no dusaen ko ra, samput da la. Siak, say Katawan, so nansalita.”

Jeremias 6:21

Kanyan, siak, say Katawan, mangyan ak na pakatiroran pian natumba ra yan totoo. Ompatey iray ama tan saray anak; ontan met ed saray kakaaro tan saray kakaabay.”

Jeremias 7:20

Kanyan siak, say Katawan a Dios, idapok ed sayan Timplo so ontan lan pasnuk ko. Idapok ed saray totoo, saray ayayep, tan anggan diad saray kakiewan tan saray tanaman. Say pasnuk ko singa pool ya anggapoy makadepdep.

Jeremias 17:4

Napasoot kayon mangikban na dalin ya inter kod sikayo. Pagmaliwen ta kayon aripen na saray kalaban yo diad dalin ya ag yo kabat, lapud say pasnuk ko et singa apoy, tan ondalang ya anggad angga.”

Jeremias 26:8

tan kapangibagak ed saray amin ya ingganggan na Katawan a salitaen ko, siningkat da ak tan ineeyag da, “Nepeg moy pateyen lapud saya!

Jeremias 26:11

Insan saray papari tan saray propita kuandad saray pangulo tan saray totoo, “Sayan too kanepegan toy pateyen lapud nansalita sumpad siudad tayo. Sikayon dili so akadngel ed sikato.”

Jeremias 37:15

Mapalaloy pasnuk dad siak; sinisiplatan da ak, insan da ak impokuk ed abung nen Jonatan a sikritarioy ari, a nagmaliw a prisowan so abung to.

Jeremias 38:4

Insan inkuan na saray opisyal ed ari, “Nepeg a pateyen yan too. Diad pansasalita toy onya pakakapoyen toy linawa da ray sondalo tan saray arum a totoon walad dalem na siudad. Aliwan pankaabigan na karaklan so aanapen na sayan too, no ag say pakaderalan da.”

Saray Salmo 56:8

Kabat mo so ontan lan kagugunigon ko; susukaten moy karakel na luak tan ililistam ira ed libro.

Jeremias 17:18

Ipelag mo pad kababaingan iray mamapairap ed siak, balet ipaliis mo ak pa, Katawan. Patakot mo pa ra, balet ag mo ak tataktakoten. Iyakar mo pad sikaray deral tan mekmek mo ra.

Saray Tagleey 3:60

Amtam so pamobosul ed siak na saray kalaban ko, tan say pankokomplut da sumpad siak.

Saray Tagleey 3:61

“Nadngel moy panamabaing dad siak, O Katawan; amtam iray pankokomplut da sumpad siak.