Jeremias 18:21 - Maung A Balita Biblia

²¹ Balet natan, Katawan, gawam pan ompatey ed eras iray anak da; ipapatey mo pa rad bakal. Iyabuloy mo pan nabalo ray bibii tan naandid mundo ray anak da; gawam pan ompatey ed salot iray lalaki, tan diad bakal iray lalakin walad kalangweran.

Maung a Balita Biblia

²¹ Balet natan, Katawan, gawam pan ompatey ed eras iray anak da; ipapatey mo pa rad bakal. Iyabuloy mo pan nabalo ray bibii tan naandid mundo ray anak da; gawam pan ompatey ed salot iray lalaki, tan diad bakal iray lalakin walad kalangweran.

Jeremias 18:21 Referans Kwoze

Amos 4:10

“Angyakar ak ed sikayo na salot a singa samay salot ya inyakar kod Egipto. Pinatey kod bakal iray lalakin tobun-balo yo tan inaalak iray kabayo yo. Banget na saray bangkay ed saray kampo yo so impapasingob kod sikayo. Balet siansia nin ag kayo pinmawil ed siak.

Saray Tagleey 5:3

Pinapatey na kalaban iray kaamaan mi; balo la natan iray kainaan mi.

Jeremias 15:8

Ginawak a dakel nen saray buer ed gilig na dayat iray bibiin balo a kadalaan yo. Pinatey ko ray anak yo nen kabisbiskegan da; impanliknak na kairapan iray kainaan da. Bengatbengat ko ran pinaermen tan pinatakot.

Jeremias 9:21

Linmoob ed saray bintana tayo so patey tan nilooban to ray palasio tayo; pinagit tod saray dalan iray ogogaw tan saray lalakin tobun-balo diad saray tindaan.

Deuteronomio 32:25

Dakel iray ompatey ed daladalan lapud bakal; onsabiy takot ed dalem na kaabungan. Ompatey iray tobun-balon lalaki tan bibii; ag makapaliis ed patey iray mansusoson ogogaw tan saray mamasiken.

Exodo 22:24

tan mampasnuk ak tan pateyen ta kayo ed bakal. Nabalo ray kaasawaan yo tan naolila ed ama iray anak yo.

2 Timoteo 4:14

Agaylay kaogsan na ginawad siak nen Alejandro a panday na gansa. Akaoley lay Katawan a manusad sikato, onung na ginawa to.

Jeremias 12:3

Balet, Katawan, kabat mo ak; nanenengneng moy gagawaen ko, tan say ontan lan panangarok ed sika. Igayugoy mo pan singa karniron papateyen ira yan totoo; bantayan mo pa ra ya anggad panaon a sikara lay patasen.

2 Saray Awaran 36:17

Kanyan imbaki na Katawan so ari na Babilonia ya ondogpad sikara. Pinapatey na ari iray tobun-balon lalaki a taga Juda, anggan diad Timplo. Anggapoy panangasi to ed anggan siopa, malangwer may matakken, laki may bii, mansasakit may maksil so laman. Say Dios impalima to ran amin ed sikato.

1 Samuel 15:33

Inkuanen Samuel, “Say ispadam impagmaliw ton anggapoy anak iray amayamay ya ina; ontan met a magmaliw ya anggapoy anak so inam.” Insan tinartar toy Agag diad arap na altar ed Gilgal.

Saray Salmo 63:10

Napatey irad bakal, tan buagen na saray asod katakelan iray bangkay da.

Isaias 9:17

Ag yabuloy sirin na Katawan a makabatik so siopaman ed saray tobun-balo, tan ag to kasian so siopaman ed saray balo tan saray olila, lapud anggapoy Dios da ray amin a totoo tan maoges ira tan kaogsan ya amin so sasalitaen da. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Isaias 13:18

Pateyen dad pana iray tobun-balon lalaki. Ag da kasian iray ogogaw.

Jeremias 14:16

Saray totoon angibagaan dad sarayan bengatla et napatey met ira ed panamegley na bakal tan eras. Nibantak ed saray dalan na Jerusalem iray bangkay da, tan anggapoy toon mangipompon ed sikara. Nagawa ya ed sikaran amin—pati saray kaasawaan da, saray lalakin anak da, tan saray bibiin anak da. Pambayaren ko rad saray kaogsan da.”

Jeremias 15:7

Diad kapag baley ed bansa, imbantak ta kayod tagey a singa taep. Dineral ta kayo, totook, pinapatey ko ray anak yo lapud ag yo tinondaan so maoges a kabibilay yo.

Jeremias 50:30

Napatey ed saray dalan na siudad iray tobun-balo ton lalaki, tan naderal ya amin iray sondalo to ed satan ya agew. Siak, say Katawan, so nansalita.

Saray Tagleey 1:15

“Inelekan na Katawan ya amin iray makapanyarin sondalok; Angibaki na saray sondalon ondogpa ed siak tan maneral ed saray lalakin tobun-balo. Minekmek to ray sankaabigan a totook a singa kapepespes na saray ubas ed panagpespesan.

Ezekiel 16:38

Dusaen ta ka lapud pikakaloguran mo tan lapud panagpatey moy too, tan diad mapalalon pasnuk ko dusaen ta ka na patey.

Ezekiel 22:25

Saray pangulo et singa ra saray lion a mangwam diad impakapatey da na saray ayayep. Papateyen da ray totoo, aalaen da ray amin a naala ran kuarta tan kayaryan tan lapud saray panagpatey da, amayamay iray abalo.

Saray Salmo 63:11

Manliket so ari lapud impanalo na Dios. Idayew day Dios iray mangisisipan ed ngaran to, balet napepetan so kasangiyan da ray matitila.

Isaias 9:16

Saray mangiwawanwan ed sarayan totoo et imbalang da ra tan sigput da ran ginewgew.