Jeremias 18:12 - Maung A Balita Biblia

¹² Say iyebat da, ‘Andi! Akin ey? Paaweten mi so puso mi tan gawaen miy maoges onung na kaliktan mi!’”

Maung a Balita Biblia

¹² Say iyebat da, Andi! Akin ey? Paaweten mi so puso mi tan gawaen miy maoges onung na kaliktan mi!

Jeremias 18:12 Referans Kwoze

Jeremias 2:25

Israel, ag mo la paniirapen so salim odino pamamagaan so kolokolong mo diad iyosil mod saray diriyos. Balet kuanmo, ‘Andi! Ag ko la nababawi. Inarok iray diriyos na saray arum a bansa tan sikaray tombuken ko.’”

Deuteronomio 29:19

Pampelengan yo ya anggapo diay anggan sakey ed sikayo ya onderengel ed sarayan pagagawa na Dios, a sisiaen tod sikaton dili a maung lawas so kipapasen to, anggaman a diad gaway awet na olo to et gawaen toy labay to. Pateyen kayo na satan a nagawa, sikayon amin, maung may maoges.

Jeremias 16:12

Balet mapalalo nin maoges so ginawa yo nen saray lalaki yo. Amin yo et anawet so puso yo tan maoges kayo, tan ag kayo ontoluk ed siak.

Jeremias 7:24

Balet ag ira inmonur odino dinmengel. Ingen inonur day imbaga na anawet tan maoges a puso ra, kanyan onmaung ira komun, linmoor lalaingen so kaogsan da.

Isaias 57:10

Pakekesawen yoy sikayon dili diad panaanap yo na arum a diriyos, balet ag yo totondaan so mananap. Nununoten yo a pabibiskegen kayo na saray mabambanday a talintao yo, kanyan ag kayon balut nakekesawan.

Lucas 1:51

Impakana toy biskeg da ray taklay to, binuybuyak to ray mapaatagey tan saray getma ra.

Jeremias 3:17

No nasabiy tan a panaon, natawag so Jerusalem a ‘Say Trono na Katawan,’ tan amin a bansa mantitipon irad man a mangigalang ed siak. Ag da la gawaen so ibagad sikara na anawet tan maoges a puso ra.

Genesis 8:21

Akapaliket ed Katawan so naangub ton balingit na samay bagat, kanyan inkuantod sikaton dili, “Ag ko lan balut isambay dalin lapud saray gagawaey too; amtak a manlapud ogaw ni, maoges lay kanunotan to. Ag ko lan balut deralen ya amin iray pinalsan mabilay a singa ginawak.

Ezekiel 37:11

Inkuan na Dios ed siak, “Sika a toon ompatey, saray totood Israel et singa sarayan pokepokel. Ibabaga ra ya amagaan ira, naandian la ray ilalo tan anggapoy kabaliksan na arapen da.

Jeremias 44:17

Sumpalen mi ray amin ya imbaga min gawaen. Mangibagat kamid diosa mi, say Riyna na Tawen tan mangisaklang kamid sikato na bagat ya alak, a singa samay ginagawa mid saray baley na Juda tan diad saray dalan ed Jerusalem, ta onya met so ginagawa na lalaki mi, saray arari tan saray pangulo mi. Daakan ed saman a panaon iray kakanen mi, maaligwas kami, tan anggapo ray gunigon mi.

Jeremias 23:17

Ibabaga ra lawas ed saray totoo ya ag ondedengel na saray salitak, a maung ya amin so pansumpalan da. Ibabaga rad balang sakey ya anawet so puso to ya ag balut nadiwit na deral.”

Jeremias 11:8

Balet ag ira dinmengel o inmonur. Ingen, balang sakey nansiansian anawet so puso to tan maoges. Ingganggan ko ran ontoluk ed sipanan, balet ag da labay so ontoluk. Kanyan inter kod sikaray amin a dusan nibagad saman a sipanan.”

2 Saray Arari 6:33

Ag to ni asumpal so ibabaga to nen sinmabiy ari tan kuanto, “Say Katawan so angiter ed sikatayo na sayan gunigon! Akin et manalagar ak niy antokaman a gawaen to?”

Genesis 6:5

Nen anengneng na Katawan so ontan lan kaogsan na amin a totoo ed tapew na dalin, say ontan lan kinaoges lawas na kanunotan da,

Malakias 3:14

Inkuanyo, ‘Andi-kakanaan so manlingkur ed Dios. Antoy kana na panumpal na saray salita to odino say pangipanengneng tayod Katawan a Makapanyarin-amin a sikatayoy maermen lapud saray ginagawa tayo?

Isaias 65:2

Sipaparaan ak lawas a mangawat ed saray totook ya anawet so olo ra tan itutuloy day manggaway makapoy tan mangonur ed dilin labay da.

Jeremias 6:17

Anoro so Katawan na saray totoon managbantay a mandengel ed pasakbay na tanul na trumpita. Balet inkuanda, “Ag kami ondengel.”