Jeremias 17:9 - Maung A Balita Biblia

⁹ “Siopay makatalus ed puso na too? Anggapoy ontalona ed panamalikdo to; ag onabig so sakit to.

Maung a Balita Biblia

⁹ Siopay makatalus ed puso na too? Anggapoy ontalona ed panamalikdo to; ag onabig so sakit to.

Jeremias 17:9 Referans Kwoze

Mateo 15:19

Ta manlapud pusoy too iray maoges a kanunotan, panagpatey, pikakaloguran, pilalawanan, panagtakew, panagtila, tan panagpaoges ed kaparan too.

Ecclesiastes 9:3

Nampapara so nagagawa ed amin a too, et sikato yay makapoy a nagagawa, a singa amin a nagagawa diad mundo. Legan a mambibilay iray totoo, mannununot ira lawas na kaogsan tan kambagelan, et kabebekta ompatey ira.

Probirbio 28:26

Inkakulang-kulang so panmatalek ed dilin pakatalus mo. Arawian moy kaatapan, tan tombuk mo ray bangat na saray totoon lalon makabat.

Saray Hebreo 3:12

Agagik ira, manalwar kayo ya anggapo komud sikayoy maoges so puso to tan naandiay pananisia a mansumpal ed pangibeneg tod Dios a mabilay.

Genesis 6:5

Nen anengneng na Katawan so ontan lan kaogsan na amin a totoo ed tapew na dalin, say ontan lan kinaoges lawas na kanunotan da,

Genesis 8:21

Akapaliket ed Katawan so naangub ton balingit na samay bagat, kanyan inkuantod sikaton dili, “Ag ko lan balut isambay dalin lapud saray gagawaey too; amtak a manlapud ogaw ni, maoges lay kanunotan to. Ag ko lan balut deralen ya amin iray pinalsan mabilay a singa ginawak.

Mateo 13:15

ta inmawet so olo ra yan totoo, saray layag da nakar dan pinepetan, tan inkopit day mata ra. Lapud ag da labay a makanengneng, o makadngel, o makatalus ira, ta ompan lagi ompawil irad siak a mabolbolus, et paabigen ko ra, kuay Dios.’

Jeremias 16:12

Balet mapalalo nin maoges so ginawa yo nen saray lalaki yo. Amin yo et anawet so puso yo tan maoges kayo, tan ag kayo ontoluk ed siak.

Saray Salmo 51:5

Nen nianak ak maoges ak la; nen inlokun ak nen inak makasalanan ak la.

Marcos 2:17

Nadngel ira nen Jesus kanyan sikatoy inmebat, “Aliwan saray maksil so laman da so mankaukolan na doktor, no ag ingen saray mansasakit. Ag ak dia linman manawag ed saray matonung, no ag ingen linma ak dian manawag ed saray makasalanan.”

Saray Taga Roma 1:21

Anggaman a kabat da lay Dios, ag da inggalang a Dios odino akisalamatan. Ingen, andikakanaan so kanunotan da tan abilongetan so ag makatalus ya otek da.

Saray Taga Roma 7:11

Ta inkana na kasalanan so ganggan a pamalingo tan pamatey ed siak.

TAGA-EFESO 4:22

Ibeneg yo lay gendat a panagbilay yo. Paolyan yo lay daan ya inkatoo yo a nadederal lapud saray maoges a pilalek.

2 Samuel 11:15

Insulat to: “Ipasen moy Urias ed arap na kawalaay pinasyan laban, insan kayo onsoner tan paolyan yon napatey.”

Isaias 1:5

Akin et itutuloy moy onsumpa? Labay mon ompalaloy pakadusam? Israel, asugat-sugat lay olom, tan wala lay sakit na pusom tan say kanunotan mo.

Isaias 1:6

Maletey so intiron laman mo. Aliber so laman mo na saray sugat, giri, tan saray tinmeterak a larag. Ag alinisan o aberber iray sugat mo. Ag ira anggan nainan na tambal.

Isaias 6:10

Insan inkuantod siak, “Pagmaliw mon anawet so olo na sarayan totoo, telek iray layag da, tan bulag iray mata ra, pian ag ira makatalus o makanengneng o makadngel. Ta no makatalus, makadngel, odino makanengneng ira, nayarin ompawil irad siak tan naabigan ira.”

Saray Salmo 64:7

Balet papanaen iray Dios, et bigla ran nasusugatan.

Jeremias 7:24

Balet ag ira inmonur odino dinmengel. Ingen inonur day imbaga na anawet tan maoges a puso ra, kanyan onmaung ira komun, linmoor lalaingen so kaogsan da.