Jeremias 17:25 - Maung A Balita Biblia

²⁵ No onuren da ra ya, onloob ed puirta na Jerusalem iray arari tan saray pangulo ra tan walay pakayari ran singa samay pakayari nen Ari David. Kaiba da ray totood Juda tan Jerusalem, a mankarwahi tan mankabayo ra, tan nawalaan lawas na saray totoo so siudad na Jerusalem.

Maung a Balita Biblia

²⁵ No onuren da ra ya, onloob ed puirta na Jerusalem iray arari tan saray pangulo ra tan walay pakayari ran singa samay pakayari nen Ari David. Kaiba da ray totood Juda tan Jerusalem, a mankarwahi tan mankabayo ra, tan nawalaan lawas na saray totoo so siudad na Jerusalem.

Jeremias 17:25 Referans Kwoze

Jeremias 22:4

No sumpalen yo ray ingganggan kod sikayo, mansiansian ari iray kabyangay boleg nen David. Sikarad satan, saray opisyal da tan saray totoo ra et ituloy day ondalan ed saray puirta na sayan palasio ya akakarwahi tan akakabayo ra.

Isaias 9:7

Onlaknab lan onlaknab so pakaoley ton ari, mansiansian mareen so panarian to, Manoley a kasalat nen Ari David, tan iletneg tod kaptekan tan katonungan so pakayari to, manlapud natan ya anggad angga. Andi-saew a sumpalen ya amin na Makapanyarin-amin a Katawan.

Saray Hebreo 12:22

Balet say sininggeran yo say Palandey na Sion tan say siudad na Dios a mabilay, say mangatatawen a Jerusalem, a kawalaay libo-libo ran anghil.

Jeremias 33:21

Ontan met akisipanan ak ed aripen kon David pian nawalaan lawas na kabyangay boleg a manari, tan akisipanan ak ed saray papari a kabyangay tribu nen Levi pian manlingkur ira lawas ed siak; et ag ira yan balut naderal a sipanan.

Jeremias 33:17

Siak, say Katawan, isisipan ko a wala lawas so manarid Israel a kabyangay boleg nen David,

Jeremias 33:15

Diad satan a panaon mamili ak na sakey ya ari a kabyangay boleg nen David. Manoley ed intiron dalin onung na kaptekan tan katonungan.

2 Samuel 7:16

Nawalaan ka lawas na saray kabyangay boleg mo, tan pansiansiaen ko ya anggad angga so nanarian mo.’”

Jeremias 22:30

“Sayan laki et asintinsiaan lan nabalang to ray anak to, sakey a lakin ag balut onaligwas. Anggapo ray kabyangay boleg ton manoley ed Juda a kasalat nen David. Siak, say Katawan, so nansalita.”

Jeremias 13:13

Insan ibagam ed sikara a siak, say Katawan, pansawaen ko na alak iray totood sayan dalin anggad nabuek ira: saray ari a kabyangan iray boleg nen David, saray papari, saray propita, tan amin a totood Jerusalem.

2 Samuel 8:4

Adakep nen David so sanlibo tan piton lasus a kumakabayo to tan duamplon libon arum a sondalo to. Angikera na saray kabayon para sanlasus a karwahi, insan to nilolopuy iray arum.

1 Samuel 8:11

Impaliwawa to, “Onyay panoley ed sikayo na ari yo: Pagmaliwen ton sondalo ray anak yon lalaki; manlogan iray arum ed saray karwahi ton para bakal, mankabayo ray arum, tan mambatik iray arum diad onaan da ray karwahi to.

Deuteronomio 17:16

Say ari ag nepeg ya amayamay iray kabayo ton para saray sondalo to, tan ag to nepeg ya ibaki ray totoo to a manaliw ed Egipto na saray kabayo, ta imbaga la na Katawan ya ag lan balut ompawil diman iray totoo to.

Exodo 12:14

Nepeg yo yan silibraan ya agew tan sikatoy pakanudnunotan yo ed ginawak, siak a Katawan. Silibraan yo ed anggan kapigan a panaon.”

Jeremias 25:5

Imbabaga rad sikayo a benegan yo ray maoges a panagbilay yo tan kaindanan yo ray maoges a gagawaen yo, pian nayarian yoy manayam ya ando lan ando ed dalin ya inter na Katawan ed sikayo tan saray lalaki yo.

Jeremias 7:7

No sumpalen yo ra ya, abuloyan ta kayon manayam ed sayan dalin ya inter kon magnayon a kayaryan na saray lalaki yo.