Jeremias 17:16 - Maung A Balita Biblia

¹⁶ Balet, Katawan, ag ta kan balut tinanggoyur a mangyakar na deral ed sikara; ag ko anggan nampilalekan ya onsabiy panaon na gunigon ed sikara. Katawan, kabat mo ya; amtam no antoy imbagak.

Maung a Balita Biblia

¹⁶ Balet, Katawan, ag ta kan balut tinanggoyur a mangyakar na deral ed sikara; ag ko anggan nampilalekan ya onsabiy panaon na gunigon ed sikara. Katawan, kabat mo ya; amtam no antoy imbagak.

Jeremias 17:16 Referans Kwoze

Saray Gawgawa 20:27

Ta imbagak ed sikayoy amin a linaway Dios.

Saray Gawgawa 20:20

Amta yo ya anggapoy ag ko imbaga a makatulong ed sikayo diad impambabangat tan impanpupulong kod sikayo, diad arap na karaklan man odino diad kaabungan yo.

Santiago 3:1

Agagik, ag nepeg a magmaliw a bumabangat iray karaklan ed sikayo, bangta amta yon sikami ran bumabangat et mapeget so panintinsiad sikami nen saray arum.

Santiago 1:19

Tandaan yo ya, inararok iran agagi! Nepeg a masiglat ya ondengel so balang sakey, mapalnad panagsalita, tan aliwan maipapasnuk.

2 CORINTO 2:17

Aliwa kamin singa saray amayamay a totoon panninigosioan day salitay Dios. Ingen, lapud imbaki kamiy Dios tan aripen kami nen Cristo, matoor kamin mansalita diad arap na Dios.

2 CORINTO 1:12

Sikato yay nayarian mi ya ikinon: paneknekan na konsinsia mi a masanto tan anggapoy pankonkonwari so pipiolup mid sankamundoan, lautlad pipiolup mid sikayo. Onyay pambibilay mi, lapud baleg a panangaroy Dios, aliwan lapud kakabatay too.

Jeremias 20:9

Balet no kuanko, “Lingwanan koy Katawan, tan ag ak la mansalita ed ngaran to,” say salitam ed satan singa apoy ya ondadalang ed pusok; kinmetket la rad saray pokel ko. Gagawaen koy anggaay nayarian kon pokpokan, balet ag ko la nayarian.

Jeremias 18:20

Kaogsan ta so tumang na kamaungan? Balet angotkot iray abut a kapelagan ko. Nunot mo a sinmingger ak ed sika tan insalitaan ko ra nipaakar ed sikara, pian onkepa so pasnuk mod sikara.

Jeremias 13:17

No ag kayo ondengel, maamut a manakis ak lapud panagpaatagey yo. Manakis ak na ampaipait, tan onagos so luak lapud nalan adakep iray totoo na Katawan.

Jeremias 9:1

Bobun na danum la komun yay olok, tan sobul na lua iray matak, pian makapanakis ak ed agew tan labi lapud saray totood bansak ya apatey-patey.

Jeremias 12:3

Balet, Katawan, kabat mo ak; nanenengneng moy gagawaen ko, tan say ontan lan panangarok ed sika. Igayugoy mo pan singa karniron papateyen ira yan totoo; bantayan mo pa ra ya anggad panaon a sikara lay patasen.

Amos 5:10

Sikayo ran totoo et kabosul yoy siopaman ya onsusumpa ed kaogsan tan sasalitaen tod korti so intiron katwaan.

Jeremias 15:15

Insan inkuanko, “Katawan, natatalusan mo. Nunot mo ak pa tan tulongan mo ak. Sika pa lay ombales ed saray mamapairap ed siak. Ag mo la ra aanosan, pian ag da ak napatey. Nunot mo a sikay makasengeg na panaakok na kababaingan.

Jeremias 20:7

Katawan, pinalikdo mo ak, tan siak so apalikdo. Mabiskeg ka ni nen say siak, kanyan tinalo mo ak. Luludlureyen ak na balang sakey; eelek-elekan da ak lawas.