Jeremias 16:6 - Maung A Balita Biblia

⁶ Ompatey ed sayan dalin iray mamayaman tan saray mairap-bilay, balet anggapoy manermen odino mangipompon ed sikara. Anggapoy manggerger na laman odino mangiskis na olo to a pangipanengneng toy paneermen to.

Maung a Balita Biblia

⁶ Ompatey ed sayan dalin iray mamayaman tan saray mairap-bilay, balet anggapoy manermen odino mangipompon ed sikara. Anggapoy manggerger na laman odino mangiskis na olo to a pangipanengneng toy paneermen to.

Jeremias 16:6 Referans Kwoze

Deuteronomio 14:1

“Sikayo ray totoo na Katawan a Dios yo. Kanyan no manermen kayod inatey, ag yo sasalgeren so laman yo o kikiskisan so arap na olo yo.

Jeremias 47:5

Sinmabiy baleg a kaermenan ed saray totood Gaza, tan ag oneseesel iray totood Ascalon. Kapigan ontonda so panermen na saray arum a Filisteo?

Jeremias 41:5

wala ray walomplon lalakin sinmabi a nanlapud Sikem, Silo, tan Samaria. Inekal da ray balbas da, pinipilat da ray kawes da, tan sinasalger day laman da. Sankaawit da ray trigo tan say insinso ya ibagat da ed dalem na Timplo.

Levitico 19:28

ni tatatakan so laman yo odino salsalgeran so laman yo lapud panermen yod inatey yo. Siak so Katawan.

Jeremias 48:37

Kinikiskisan dan amin so olo ra tan pinopotut day balbas da. Sinasalger day kalimaan da tan nankakawes na sako so balang sakey ed sikara.

Isaias 22:12

Diad saman, say Katawan a Dios a Makapanyarin-amin et tinatangguyor to kayon manakis tan manermen, mangiskis na kaoloan yo tan mankawes na sako.

Puyan 6:15

Insan inmaamut ed ongiongib tan diad silong na saray ankakabaleg a batod palandey iray ararid tapew na dalin, saray manoley, saray opisyal na sondalo, saray mayayaman, saray makapanyari, tan amin da ray arum a totoo—aripen man ira o andi.

Jeremias 16:4

Ompatey irad ambelat a sakit. Anggapoy manermen ed ipatey da, tan ag ira nipompon. Magmaliw a singa taiy ayep ya abunton ed dalin iray bangkay da. Napatey irad bakal, odino ompatey irad eras, tan buagen na saray manok tan saray ayayep ed katakelan iray bangkay da.

Jeremias 13:13

Insan ibagam ed sikara a siak, say Katawan, pansawaen ko na alak iray totood sayan dalin anggad nabuek ira: saray ari a kabyangan iray boleg nen David, saray papari, saray propita, tan amin a totood Jerusalem.

Jeremias 7:29

“Manermen kayo, sikayo ran totood Jerusalem; potut yoy buek yo, insan yo ibantak. Manogtog kayod toktok na kapok-dulan na makapaermen, ta siak, say Katawan, impolisay tan inkaindan ko ra yan totoo a pamapasnukan ko.

Isaias 24:2

Nampaparay pansumpalan na amin a totoo—saray papari tan saray totoo, saray aripen tan saray amo, saray sumasaliw tan saray lumalako, saray managpabayes tan saray bumabayes, saray mayaman tan saray mairap-bilay.

Puyan 20:12

Anengneng ko met a manalalagey ed arap na trono iray inaatey, atagey man o abeba ed kipapasen. Alokasan iray libro, insan alokasan niy sakey a libro—say libro na bilay. Saray inaatey asintinsiaan ira onung ed saray ginagawa ra a nisulat ed saramay libro.

Amos 6:11

No mangganggan lay Katawan, nagaygaygay iray kaabungan, ankabaleg may ankelag ira.

Mateo 9:23

Nen sinmabiy Jesus ed abung to may opisyal, anengneng to ray musikon managtogtog ed pompon tan saray totoon kingalangal.

2 Saray Awaran 36:17

Kanyan imbaki na Katawan so ari na Babilonia ya ondogpad sikara. Pinapatey na ari iray tobun-balon lalaki a taga Juda, anggan diad Timplo. Anggapoy panangasi to ed anggan siopa, malangwer may matakken, laki may bii, mansasakit may maksil so laman. Say Dios impalima to ran amin ed sikato.

Levitico 19:27

Ag yo kakatlian so buek ed saray diking na olo yo, ni popotutan so balbas yo,

Jeremias 8:2

Natipon tan nipompon ira komun, balet magmaliw iran singa saray taiy ayayep ya ataytayak ed dalin. Nitayak irad arap na agew, bulan, tan saray bitewen ya inaro tan nanlingkuran na sarayan totoo; angipanonan tan angigalangan da ra.