Jeremias 16:20 - Maung A Balita Biblia

²⁰ Makagawa kasi na saray dili ton diriyos so sakey a too? Andi! Say nagawa to aliwa ran peteg a diriyos.”

Maung a Balita Biblia

²⁰ Makagawa kasi na saray dili ton diriyos so sakey a too? Andi! Say nagawa to aliwa ran peteg a diriyos.

Jeremias 16:20 Referans Kwoze

Isaias 37:19

tan pinopoolan da ray diriyos da—ta aliwa ran tuan diriyos; talintaon kiew odino bato ra labat a ginagawa na limay too.

TAGA GALACIA 4:8

Nen ag yo ni kabat so Dios, aripen kayo ni na saray aliwan diriyos.

Jeremias 2:11

Wala tay bansan sinalatan to ray diriyos to, anggaman ya aliwan petepeteg iray diriyos da? Balet insalat ak na saray totook, say Dios ya angiter ed sikara na kagalangan; insalat da ak ed saray diriyos ya anggapoy nagawaan dan para sikara.

TAGA GALACIA 1:8

Ta anggan sikami ni ingen, o sakey ya anghil a nanlapud tawen, so mangipulong ed sikayo na doma ed samay Maung a Balita ya impulong mi lad sikayo, nisamba komun!

Saray Gawgawa 19:26

Nanenengneng tan narerengel yo met so gagawaen to man a Pablo. Ibabaga ton saray diriyos a gagawaey totoo et aliwa ran tuan diriyos. Amayamay la ray apanisia to, diad Efeso tan diad ngalngali intiron Asia.

Isaias 36:19

Iner la natan so kawalaan da ray diriyos na Hamat tan Arpad? Iner so kawalaan da ray diriyos na Sefarvaim? Wala tad sikaray angyagel ed Samaria?

Jeremias 5:7

Tinepet na Katawan, “Akin et pirdonaen ko ray kasalanan na saray totook? Inkaindan da ak tan angigalang ira ed saray tila-tilan diriyos. Pinakan ko ray totook ya anggad napsel ira, balet akikalugoran ira, tan akiamung irad saray marotak a bibii o lalaki.

Daniel 3:1

Nampagawa si Ari Nabucodonosor na balituk a talintao, a duamplo tan walon mitro so kaatagey to tan ngalngali taloran mitro so kalapar to, insan to impaalagey ed patar na Dura diad luyag na Babilonia.

2 Saray Arari 19:18

tan pinopoolan da ray diriyos da—ya aliwa ran tuan diriyos, no ag ta talintao ran kiew labat odino bato a ginagawa na limay too.