Jeremias 16:17 - Maung A Balita Biblia

¹⁷ Nanenengneng koy amin a gagawaen da. Anggapoy antokaman ya akaamut ed siak; ag makapaliis ed pakanengneng ko iray kasalanan da.

Maung a Balita Biblia

¹⁷ Nanenengneng koy amin a gagawaen da. Anggapoy antokaman ya akaamut ed siak; ag makapaliis ed pakanengneng ko iray kasalanan da.

Jeremias 16:17 Referans Kwoze

Probirbio 15:3

Sankanengneng na Katawan iray nagagawa ed inerman a pasen; bambantayan to itayo, maung man o maoges so gagawaen tayo.

Jeremias 23:24

Anggapoy toon makaamut ed pasen ya ag kod man nanengneng. Ag yo ta amta a kawalaan koy amin a pasen ed tawen tan diad dalin?

Probirbio 5:21

Sankanengneng na Katawan ya amin iray gagawaen mo. Bambantayan to ka ed inermay laen mo.

Saray Salmo 90:8

Iiyan mod arap mo iray kasalanan mi, diad pasen a nanengneng mo ra iray maamut a kasalanan mi.

Saray Hebreo 4:13

Anggapoy niamut ed Dios. Diad pakanengneng to, lokas tan malinew ya amin iray pinalsa, tan sikato so pangebatan tayod kabibilay tayo.

1 CORINTO 4:5

Kanyan ag kayo manisintinsia no aliwa nin panaon to. Manalagar kayo ya anggad isabiy Katawan. Ipalinew tod satan iray bengatlan niamut ed kabilongetan tan ipaamta to ray niamut a getma na katoowan. Diad satan ya oras, naawat na balang sakey so kanepegan ton dayew a manlapud Dios.

Jeremias 32:19

Manggagawa ka ray planon napnoy kakabatan tan saray matalonggaring a bengatla; sankanengneng mo ray amin a kabibilay na saray totoo, tan tutumangan mo ra onung na gawgawa ra.

2 Saray Awaran 16:9

Iimanoen a maung na Katawan so sankamundoan, pian naitdan to na pakayari iray totoon matoor ed sikato so kapusoan da. Kakulang-kulangan so ginawam, kanyan manlapud natan lawas kan mibakal.”

Ezekiel 9:9

Inmebat so Dios, “Baleg a tuloy so kasalanan na saray totood Israel tan Juda. Nampapatey irad inerman a pasen na dalin na Israel tan pinano ray Jerusalem na amin a kaogsan. Ibabaga ra a siak a Katawan et inkaindan koy bansa ra tan ag ko ra nanenengneng.

Isaias 29:15

Pangaskasiyan iray totoon mangyaamut ed Katawan na saray plano ra! Maamut a gagawaen da ray getma ra, tan abaloan da ya anggapoy makanengneng ed sikara o makaamta na saray gagawaen da.

Saray Salmo 139:3

Nanenengneng mo ak, anggan mankikimey odino mampapainawa ak; amtam ya amin so kiwas ko.

Ezekiel 8:12

Tinepet na Dios ed siak, “Sika a toon ompatey, nanenengneng moy maamut a gagawaen da ray pangulo na saray Israelita? Mangigagalang iran amin ed sakey a kuarton napnoy imahin. Inkuanda ya ibabaraan: ‘Ag itayo nanenengneng na Katawan! Inkaindan to so bansa.’”

Saray Salmo 51:9

Ag mo pa nenengnengen iray kasalanan ko, tan ponasan mo pan amin so kaogsan ko.

Saray Salmo 109:15

Say Katawan nanunotan ton naynay komun iray kasalanan da, balet sikaran dili et sigput komun a nalingwanan ira diad tapew na dalin.

Jeremias 2:22

Anggaman a mansabon ka na sanka-bayanian a sabon ed panames mo, nanengneng ko nin siansiay mansay kasalanan mo.

Jeremias 29:23

Onyay nagawad sikara, lapud ambelabelat so ginagawa ran kasalanan—akikaloguran irad asaway kapara ran too, tan nantila rad ngaray Katawan. Sumpa yad linaway Katawan; amta to ray ginagawa ra, tan sikatoy tasi sumpad sikara. Say Katawan so nansalita.”

Sofonias 1:12

“Diad satan a panaon mangala ak na lamparaan, ta sokimaten koy Jerusalem. Dusaen ko ray totoon singa ag ompatepatey tan mataletalek a kuandad sikaran dili, ‘Ag manggawa na maung odino maoges so Katawan.’

Say Libro nen Job 10:14

Babantayan mo ak ta nengnengen mo no mankasalanan ak, pian walay makasengeg na ag mo pamirdonad siak.

Say Libro nen Job 31:4

Amta na Dios iray amin a gagawaen ko; sankanengneng toy balang kutdang ko.

Saray Salmo 33:15

Sikatoy panlalapwan na amin a kanunotan da, tan iimanoen ton amin iray gawgawa ra.

Isaias 66:18

Amtak iray kanunotan tan saray gawgawa ra. Onsabi ak a manipon ed saray totood amin a bansa. No mantitipon ira, nanengneng da no antoy nagawaan na pakayarik

Jeremias 7:11

Abaloan yo amon amutan na saray tulisan so Timplok? Anengneng koy gagawaen yo.