Jeremias 16:13 - Maung A Balita Biblia

¹³ Kanyan ibantak ta kayod dalin ya ag yon balut kabat tan saray lalaki yo. Diad agew tan labi, diman kayo manlingkur ed saray arum a diriyos, tan ag ta kayo kasian.’”

Maung a Balita Biblia

¹³ Kanyan ibantak ta kayod dalin ya ag yon balut kabat tan saray lalaki yo. Diad agew tan labi, diman kayo manlingkur ed saray arum a diriyos, tan ag ta kayo kasian.

Jeremias 16:13 Referans Kwoze

Deuteronomio 28:36

“Say Katawan iyakar to kayo tan say ari yo ed sakey a bansa ya ag yo ni nanayaman nen saman, sikayo o saray lalaki yo; manlingkur kayod man ed saray diriyos a kiew tan saray diriyos a bato.

Jeremias 15:14

Gawaen ko ran aripen na saray kalaban da diad dalin ya ag da kabat, lapud singa apoy so pasnuk ko tan ondalang ya anggad angga.”

Jeremias 17:4

Napasoot kayon mangikban na dalin ya inter kod sikayo. Pagmaliwen ta kayon aripen na saray kalaban yo diad dalin ya ag yo kabat, lapud say pasnuk ko et singa apoy, tan ondalang ya anggad angga.”

2 Saray Awaran 7:20

ekalen ta kayod dalin ya inter kod sikayo, tan ikaindan ko yan pinasantok a Timplo a sikatoy pangigalangan ed siak. Balawen tan melag-melagen na saray totoo ed inerman a pasen so bansan Israel.

Jeremias 22:28

Inkuanko, “Nagmaliw ta lan singa nabtag a banga si Joakin, nibantak tan anggapo lay malabay? Sikato tan so makasengeg no akin et sikato tan saray anak to et nibantak irad dalin ya ag dan balut amta?

Jeremias 15:4

Pagmaliwen kon pakataktakotan ira na saray amin a katoowan ed intiron mundo, lapud samay ginagawad Jerusalem nen Manases a lakin anak nen Ezekias sanen sikatoy ari na Juda.”

Jeremias 14:8

Sika labat so ilalo na Israel, sika so mangilalaban ed sikami ed kaderalan. Akin et singa ka sangkaili ed dalin mi, singa biahiron sanlabi labat so pipundo to?

Jeremias 6:15

Ambaing ira kasi lapud ginagawa da ra yan makapaingungot a bengatla? Andi! Anggapon balut so baing da; ag anggan ombabalangay lupa ra. Kanyan natumba ra a singa impakatumbay arum; no dusaen ko ra, samput da la. Siak, say Katawan, so nansalita.”

Jeremias 5:19

No tepeten da no akin et ginawak ira yan amin a bengatla, ibagam ed sikara, Jeremias, a no kaonungay impangikaindan dad Katawan tan impanlingkur dad saray diriyos da ray arum a bansa, ontan met so panlingkur dad saray totoo na bansa ya ag da dalin.”

Saray Salmo 81:12

Kanyan inabuloyan kon mansiansiay awet na kapusoan da, tan manggawa ray labay dan dili.

Deuteronomio 29:28

Nagmaliw a mapalaloy pasnuk na Katawan, tan diad gaway pasnuk to binagut to rad dalin da tan imbantak to rad sananey a dalin, et wadman ira natan.’

Jeremias 15:1

Insan inkuan na Katawan ed siak, “Anggan manalagey ira di Moises tan Samuel diad arap ko a mikasi ed siak, ag ko kasian ira yan totoo. Paekal mo ra tan pataynan mo rad pakanengneng ko.

Jeremias 22:26

Ibantak ta ka tan say inam diad ag mo nianakan a bansa, tan diman kayon dua ompatey.

2 Saray Arari 25:21

diad dalin na Hamat. Impapairap irad man na ari, insan to ra impapatey. Kanyan saray totood Juda et nakal irad dalin da tan niakar irad arum a bansa.

Jeremias 10:18

Say Katawan pataynanen to kayo lad sayan dalin; pasegsegangen to kayo ya anggad anggapoy natilak ed sikayo. Say Katawan so nansalita.

Jeremias 16:5

“Ag ka onloloob ed abung a walay maneermen. Ag mo paneermenan so siopaman. Ag ko la bindisionan na kareenan iray totook, odino aroen tan kasian.