Jeremias 15:9 - Maung A Balita Biblia

⁹ Nalmay so inan naandi so pitoran anak to, abot-aboten toy linawa to. Nagmaliw a kabilongetan so liwawan walad sikato; napnoy kababaingan tan kinmapoy so liknaan to. Papatey kod saray kalaban yo iray akeraan nid sikayon mabilay. Siak, say Katawan, so nansalita.”

Maung a Balita Biblia

⁹ Nalmay so inan naandi so pitoran anak to, abot-aboten toy linawa to. Nagmaliw a kabilongetan so liwawan walad sikato; napnoy kababaingan tan kinmapoy so liknaan to. Papatey kod saray kalaban yo iray akeraan nid sikayon mabilay. Siak, say Katawan, so nansalita.

Jeremias 15:9 Referans Kwoze

1 Samuel 2:5

Saray totoon daakan so kakanen da nen saman miuupa la ra natan a mananap na nakan, balet aliwa lan narasan iray anggapoy nakan nen saman. Say biin lepes nananak na pitora, balet anggapoy nakdaan ya anak na biin maanak.

Isaias 47:9

Balet diad sakey a bekta, diad sakey ya agew, nagawa ra yan dua ed sika. Anggan antoy panggawam na amin a salamangka, nabalang moy asawam tan saray anak mo.

Saray Tagleey 1:1

Agaylay ermen na Jerusalem a gendat a napnoy totoo! Gagalangen na sankamundoan nen saman, balet singa biin balo so kipapasen to natan; Sankarakpan nen saman ed saray siudad, balet aripen so nagmaliwan to.

Ezekiel 5:12

Ompatey ed sakit tan eras so kakatlo na totoom ed siudad; napatey ed paway na siudad diad panamegley na ispada so kakatlo na totoom; tan itaytayak ko rad inerman a pasen, insan ko osilan na ispada so arum a kakatlo na totoom.

Saray Tagleey 4:10

Makapataktakot so intaruk na desyang a sinmabi ed saray totook; inlalambung na saray maaron ina iray dilin anak da.

Jeremias 44:27

Ag ta kayon balut paaligwasen; ingen, naderal kayo. Amin yon taga Juda a manaayam ed Egipto et ompatey ed bakal o diad salot, anggad anggapoy anggan sakey a nakeraan ed sikayo.

Jeremias 21:7

Balet sika, saray opisyal mo, tan saray totoon ag inatey ed bakal, eras, tan salot et ipadakep ta kayon amin ed Ari Nabucodonosor tan saray kalaban yo a malabay a mamatey ed sikayo. Papatey to kayo nen Nabucodonosor. Anggapoy ikera tod sikayo; ag to kasian odino abageyen so siopaman ed sikayo. Siak, say Katawan, so nansalita.”

Jeremias 6:4

Ikuanda, “Mamparaan kayon ondogpa ed Jerusalem! Mamparaan kayo! Ondogpa tayo no kaagewan!” Balet insan ikuandad satan, “Anggapo lay oras tayo; onseselek lay agew tan onsisironget la.

Jeremias 7:19

Balet siak kasiy napapasakitan da? Andi, say sikaran dili so papasakitan da, tan ipepelag day sikaran dili ed kababaingan.

Jeremias 19:7

Diad sayan pasen deralen kon amin iray plano na saray totood Juda tan Jerusalem. Panaloen kod sikara iray kalaban da tan pateyen ko rad bakal. Iter kon buagen na saray manok tan saray ayayep ed katakelan iray bangkay da.

Jeremias 50:12

say bansa yo et napelag ed kababaingan tan kabandayan. Magmaliw a sankaabebaan a pasen so Babilonia ed amin da ray bansa; magmaliw ya amaga-maga tan anggapoy danum a kalawakan.

Ezekiel 5:13

“Nalikna yod satan so biskeg na pasnuk tan sanuk kod sikayo ya anggad siak so napenek. No nagawa ra yan amin, manisia ki la a siak a Katawan so nansalita lapud ampetang so olok ed inkalamang yod siak.