Jeremias 15:5 - Maung A Balita Biblia

⁵ Say Katawan kuanto, “Siopay mangasid sikayo, totood Jerusalem, tan siopay manermen ed sikayo? Siopay mambayag ya onsamar a manepet no antoy kipapasen yo?

Maung a Balita Biblia

⁵ Say Katawan kuanto, Siopay mangasid sikayo, totood Jerusalem, tan siopay manermen ed sikayo? Siopay mambayag ya onsamar a manepet no antoy kipapasen yo?

Jeremias 15:5 Referans Kwoze

Isaias 51:19

Duaran deral so dinmalan ed sika: dineral na bakal so dalin mo tan naerasan iray totoom. Anggapoy siopaman a mangabagey ed sika.

Nahum 3:7

Arawian ka na amin a makanengneng ed sika. Ikuanda, ‘Aderal-deral so Ninive. Siopay mangakasi ed sikato? Siopay malabay a manligliwad sikato?’”

Jeremias 21:7

Balet sika, saray opisyal mo, tan saray totoon ag inatey ed bakal, eras, tan salot et ipadakep ta kayon amin ed Ari Nabucodonosor tan saray kalaban yo a malabay a mamatey ed sikayo. Papatey to kayo nen Nabucodonosor. Anggapoy ikera tod sikayo; ag to kasian odino abageyen so siopaman ed sikayo. Siak, say Katawan, so nansalita.”

Saray Salmo 69:20

Mapalaloy kaermenan ko lapud panagpabaing dad siak, tan nanaandian ak na ilalo. Nananap ak na mangasid siak, balet anggapo; nananap ak na manligliwad siak, balet anggapo.

Jeremias 16:5

“Ag ka onloloob ed abung a walay maneermen. Ag mo paneermenan so siopaman. Ag ko la bindisionan na kareenan iray totook, odino aroen tan kasian.

Jeremias 13:14

Insan ko ra panbabasigan a singa saray garapon, matakken may malangwer. Ag nabaat na abagey, panangaro, odino panangasi so pamatey kod sikara.”

Say Libro nen Job 19:21

Kakaaro ta kayo! Kasian yo ak! Tinomba ak la na Dios.

1 Samuel 25:5

Kanyan angibakid Carmel na samploran balolaki; binilin to ran anapen day Nabal, tan ipasabi ray panangilugay to.

1 Samuel 17:22

Intilak nen David ed opisyal a managasikasoy abasto so awit to, linmad saray nandarasig a sondalon mibakal, dinago to ray kuya to, tan tinepet toy kipapasen da.

1 Samuel 10:4

Ilugay da ka tan itdan da kay duaran tinapay; awat mo ra.

Saray Huis 18:15

Kanyan linma rad abung nen Micaya a panaayaman na samay tobun-balon Levita, tan tinepet da no antoy kipapasen na panagbilay to.

Exodo 18:7

kanyan pinmaway si Moises tan inabet to, dinmakmomod arap to, insan to inanguban. Nantepetan ira no antoy kipapasen na bilay na balang sakey ed sikaran dua, insan linmoob ed tulda nen Moises si Jetro.

Saray Tagleey 1:17

“Inyonat ko ray limak, balet anggapoy ontulong ed siak. Anawag ed kaliber-liber so Katawan na saray onlaban ed siak. Marotak a bengatla so pangipapasen dad siak.