Jeremias 15:10 - Maung A Balita Biblia

¹⁰ Pangaskasiyay kipapasen ko! Akin et impaway ak ni na inak ed sayan mundo? Akin et nianak ak a mikolkol tan misangsangan ed balang sakey diad bansa? Ag ak mampapabayes na kuarta odino ombabayes ed siopaman; balet isasamba ak na balang sakey.

Maung a Balita Biblia

¹⁰ Pangaskasiyay kipapasen ko! Akin et impaway ak ni na inak ed sayan mundo? Akin et nianak ak a mikolkol tan misangsangan ed balang sakey diad bansa? Ag ak mampapabayes na kuarta odino ombabayes ed siopaman; balet isasamba ak na balang sakey.

Jeremias 15:10 Referans Kwoze

Lucas 6:22

“Maliket kayo no bosul-bosulen, ipolpolisay, pabpabaingan, tan pagpaogesen da kayo, lapud Anak na Too!

Exodo 22:25

“No mampabayes kayo na kuarta ed siopaman a took a mairap so bilay to, ag yo ipapasey sikayon dili a managpaabang tan ag yo pangaabangen.

Lucas 2:34

Binindisionan nen Simeon, tan inkuantod Maria ya ina nen Jesus, “Pinili na Dios yan ogaw a kaderalan o kilabanan na dakel a totood Israel. Sikatoy sakey a tandan manlapud Dios, balet sumpaen na amayamay a totoo,

Mateo 24:9

“Erelen da kayon pairapen, insan da kayo ni pateyen. Bosulen kayoy amin a totoo lapud siak.

Mateo 5:44

Balet ibagak ed sikayo natan: Aro yo ray kalaban yo tan pikasi yo ray mamapairap ed sikayo,

Jeremias 15:20

Diad sarayan totoo pagmaliwen ta kan singa puron gansan padir. Labanan da ka, balet ag da ka natalo. Wala ak a mangyagel ed sika tan mangyarawid sikad kaatapan.

Probirbio 26:2

Ag ka napasakitan na saray samba no ag mo ra kanepegan. Singa ra manok ed tagey ya ontitikyab balet ta ag ondapo.

Saray Salmo 109:28

Nayarin isamba da ak, balet bindisionan mo ak. Natalo komun iray mamapairap ed siak, tan siak a managlingkur mo et manliket ak komun.

Saray Salmo 15:5

Mampapautang ya anggapoy abang tan ag napasoksokan a mantasi sumpad toon anggapoy kasalanan. Siopamay toon manusumpal ed sarayan amin et maligen lawas so bilay to.

1 Saray Arari 22:8

Inmebat si Acab, “Wala niy sananey, si Micaya a lakin anak nen Imla. Balet kabosul ko, ta ag balut mampropropisiya na pankaabigan ko; pakaderalan kon amin.” “Ag mo nepeg ya ibaga tan!” ebat nen Josafat.

1 Saray Arari 21:20

Nen anengneng nen Acab si Elias inkuanto, “Nalmo mo ak lamet, kalaban ko?” “On, nalmo ta ka lamet,” ebat nen Elias. “Sigput so panggagawam na kaogsan ed arap na Katawan.

Levitico 25:36

Ag yo pangaabangen; ingen toluk yoy Dios tan abuloyan yon manayam ed abay yo so kapara yon Israelita.

Saray Gawgawa 28:22

Anggaman ontan, labay mi kan narengel, ta kabat min anggan iner a pasen, sumpad sayan sikta so sasalitaen na saray totoo.”

Levitico 25:37

Ag yo pangaabangen ed kuartan ipabayes yod sikato, tan ag yo panotoboan ed kakanen ya ilako yod sikato.

Saray Salmo 69:4

Saray mamobosul ed siak ya anggapoy makasengeg et amayamay ira nen saray buek na olok. Saray kabosul ko et mantitila ra sumpad siak; mabiskeg ira tan labay da ak a pateyen. Pinasoot dan ipawil ko ray bengatlan ag ko tinakew.

Habacuc 1:3

Akin et inabuloyan mon nanengneng koy ontan a gunigon? Panon mon nitepel so onnengneng ed satan a maoges a nagagawa? Panagderal tan inkaruksa so nagagawa ed kaliber-liber ko, tan walay kolkolan tan panlalaban ed anggan iner a pasen.