Jeremias 14:20 - Maung A Balita Biblia

²⁰ Katawan, nankasalanan kamid sika; ipatwa mi ray kasalanan mi tan saray kasalanan da ray lalaki mi.

Maung a Balita Biblia

²⁰ Katawan, nankasalanan kamid sika; ipatwa mi ray kasalanan mi tan saray kasalanan da ray lalaki mi.

Jeremias 14:20 Referans Kwoze

Jeremias 3:25

Nepeg miy onlereg ed kababaingan tan tabunan kamiy kabandayan. Nanlapu lad impanogaw mi, saray lalaki mi tan sikami et nankasalanan ed Katawan a Dios mi; ag mi inonur iray ganggan to.”

Saray Salmo 32:5

Insan impatwak iray kasalanan kod sika; ag ko inyamut iray maoges a ginagawak. Ginetmak ya ipatwak irad sika, et pinirdonam ya amin iray kasalanan ko.

Jeremias 3:13

Birbir mo labat a nankasalanan ka, tan sinmumpa ka ed Katawan a Dios mo. Ipatwam a diad silong na balang mabonan kiew, inter moy panangarom ed diriyos da ray arum a bansa, tan ag mo inonur iray ganggan ko. Siak, say Katawan, so nansalita.

Say Libro nen Job 33:27

Ibaga tod arap na saray totoo, ‘Nankasalanan ak. Maoges iray ginagawak, balet pinirdona ak na Dios.

2 Samuel 24:10

Balet kayariy impakabilang nen David ed saray totood Israel, ag pareenen na konsinsia to, kanyan kuantod Katawan, “Ambelat so kasalanan ko lapud sayan ginawak! Pirdona mo ak pa. Inaambagel so ginawak.”

2 Samuel 12:13

“Nankasalanan ak ed Katawan,” kuanen David ed kinen Natan. Inmebat si Natan, “Pinirdona ka na Katawan; ag ka ompatey.

Jeremias 8:14

“Akin et wadya itayon manyodyorung ya ag onggalaw?” tepet na saray totooy Dios. “Onla itayo la, ta ombatik itayod saray siudad a pinaliberay padir, tan diman ti la ompatey. Say Katawan a Dios tayo sinintinsiaan to itayon ompatey; initdan to tayo na samal ya inomen, lapud nankasalanan itayod sikato.

Jeremias 14:7

Ontatawag ed siak iray totook, ‘Anggaman ya aakusaen kami na saray kasalanan mi, tulongan mo kami pa, Katawan, onung na insipan mo. Amimpiga kamin inmarawid sika; nankasalanan kamid sika.

Saray Tagleey 1:20

“Nengneng mo ak pa, O Katawan, ta nagugunigon ak; maguloy kamarerwak! Ngalngali ombetag so pagew kod ermen lapud nankakasalanan ak. Wala ray pateyan ed daladalan, tan anggan diad dalem na kaabungan walay patey.

Saray Tagleey 3:42

“Nankasalanan tan linmaban kami, et ag mo kami pinirdona, O Katawan.

Saray Tagleey 5:7

Nankasalanan iray lalaki mi tan inaatey la ra, balet maniirap kami lapud saray kasalanan da.

Amos 7:2

Anengneng kon inaakan na saray dorun iray amin a dikan tinmutubo ed dalin. Insan inkuanko, “Katawan a Dios, pirdonam pa ray totoom! Panoy kilaban da? Makapoy tan daiset ira!”

Daniel 9:15

“O Katawan a Dios mi, lapud pakayarim impaway mod Egipto iray totoom, tan ag nalingwanan ya anggad natan so pakayarim. Nankakasalanan kami; maoges iray ginagawa mi.