Jeremias 13:14 - Maung A Balita Biblia

¹⁴ Insan ko ra panbabasigan a singa saray garapon, matakken may malangwer. Ag nabaat na abagey, panangaro, odino panangasi so pamatey kod sikara.”

Maung a Balita Biblia

¹⁴ Insan ko ra panbabasigan a singa saray garapon, matakken may malangwer. Ag nabaat na abagey, panangaro, odino panangasi so pamatey kod sikara.

Jeremias 13:14 Referans Kwoze

Deuteronomio 29:20

Say Katawan ag to pirdonaen itan a too. Ingen say mandarlang a pasnuk na Katawan et onliub a sumpad sikato, tan amin a samba a nisulat ed sayan libro et ompelag ed sikato ya anggad sigput a naoput na Katawan.

Saray Salmo 2:9

Diad panamegley na bastun a balatyang betagen mo ra; mekmeken mo ran singa banga.’”

Jeremias 21:7

Balet sika, saray opisyal mo, tan saray totoon ag inatey ed bakal, eras, tan salot et ipadakep ta kayon amin ed Ari Nabucodonosor tan saray kalaban yo a malabay a mamatey ed sikayo. Papatey to kayo nen Nabucodonosor. Anggapoy ikera tod sikayo; ag to kasian odino abageyen so siopaman ed sikayo. Siak, say Katawan, so nansalita.”

Jeremias 6:21

Kanyan, siak, say Katawan, mangyan ak na pakatiroran pian natumba ra yan totoo. Ompatey iray ama tan saray anak; ontan met ed saray kakaaro tan saray kakaabay.”

Isaias 27:11

Amagaan iray sanga na saray kiew tan apoter-poter ira; saray bibii aalaen da ra yan itongo. Lapud anggapoy atalusan na saray totoo, ag ira abageyen o kasian na Dios a Manamalsa ra.

Marcos 13:12

Saray totoo papatey da naani ray agagi ra. Ontan met so gawaen da ray atateng ed saray anak da. Saray anak labanan da ray atateng da tan papatey da ni ra.

Mateo 10:21

“Papatey na saray totoo iray agagi ran dili. Papatey na saray kaamaan iray anak da; ontan met a labanan tan papatey na saray anak iray atateng da.

Ezekiel 24:14

Siak a Katawan so nansalita. Sinmabiy oras a siak so onggalaw. Ag ko palabasen iray kasalanan mo odino kasian odino abageyen ta ka. Nadusa ka lapud saray ginagawam.” Say Katawan a Dios so nansalita.

Ezekiel 9:10

Balet ag ko ra kasian; gawaen kod sikaray ginawa rad arum a totoo.”

Ezekiel 9:5

Insan nadngel kon inkuan na Dios ed saramay arum a lalaki, “Tombuk yod siudad tan mampatey kayo. Anggapoy pipirdonaen yo; ag yo kakasiay siopaman.

Ezekiel 8:18

Nalikna ra so biskeg na pasnuk ko. Ag ko ra pirdonaen odino kasian. Anggan oneyaeyag iran onkerew ed siak na tulong, ag ko ra dengelen.”

Ezekiel 7:9

Ag ta kayo pirdonaen odino kasian. Dusaen ta kayo lapud saray makapaingungot a ginagawa yo, pian naamtaan yo a siak so Katawan tan siak so manudusad sikayo.”

Ezekiel 7:4

Ag ta ka pirdonaen odino kasian. Dusaen ta ka lapud saray makapaingungot a ginagawam, pian naamtaan mo a siak so Katawan.”

Jeremias 48:12

“Kanyan sirin, onsabiy oras a mangibaki ak na saray totoon mangibung ed Moab a singa alak. Paekatan da ray pasig ton pananginay alak, insan da ra mekmeken.

Jeremias 47:3

Narengel da ray kutdang na saray kabayo, say pampanaspas na saray karwahi, say tanul na pantetlek da ray dalig. Ag la pawilen na saray ama iray anak da; laoylaoy iray taklay da.

Jeremias 16:5

“Ag ka onloloob ed abung a walay maneermen. Ag mo paneermenan so siopaman. Ag ko la bindisionan na kareenan iray totook, odino aroen tan kasian.

2 Saray Awaran 20:23

Saray Ammonita tan saray Moabita et dinogpaan da ray sondalon Edomita tan pinapatey da ran amin. Kayari to ya sikaran diliy nanlalaban na pinasya.

1 Samuel 14:16

Saray bantay a totoo nen Saul a wala rad Gabaa, a sakop na dalin nen Benjamin, anengneng da ray Filisteon kibatiktik ed anggan iner.

Say Libro nen Job 27:22

onsiplug ed sikato ya andi-panangasi, legan a gagawaen toy anggaay nayarian ton onarawi.

Jeremias 15:5

Say Katawan kuanto, “Siopay mangasid sikayo, totood Jerusalem, tan siopay manermen ed sikayo? Siopay mambayag ya onsamar a manepet no antoy kipapasen yo?

Saray Tagleey 2:21

Malangwer may matakken, kibalatar iran bangkay ed saray dalan. Apatey-patey na ispada na saray kalaban iray mamalangwer a bibii tan lalaki. Andi-panangasin pinapatey mo ra nen agew na pasnuk mo.

Oseas 2:4

Ag ko kasian iray anak tod paway; anak ira na anggapoy baing a managkaloguran a bii. Sikaton dili kuanto, “Onla ak ed saray kainarowan ko—mangiiter ira na taganok tan inomen ko, say lana tan linen a kawes ko, say larak na oliba tan say alak.”

Zacarias 11:6

Say Katawan kuanto, “Ag ko la kasian so siopaman a too ed tapew na dalin. Paoleyan kod saray manoley da iray amin a totoo. Deralen na sarayan manoley so mundo, tan ag ko iyagel ed pakayari ra.”)

Jeremias 15:6

Impolisay yo ak, sikayon totoo; imbeneg yo ak. Kanyan inyonat ko ray limak, tan kinabil ta kayo, lapud naoputan ak lay anos ed sikayo.

Jeremias 25:16

No inomen da, mandongilngil ira tan naderal so olo ra lapud bakal a padalanen kod sikara.”

Ezekiel 7:3

“Israel, sinmabi lay anggaan mo. Ondapod sikay pasnuk ko, lapud sisintinsiaan ta kad saray ginagawam. Singilen ta kad amin a makapaingungot a kagagawam.