Jeremias 13:1 - Maung A Balita Biblia

¹ Imbagad siak na Katawan a manaliw ak na linen a pantalon a potut, insan ko isolung; balet binilin to ak ya ag ko iiyan ed danum.

Maung a Balita Biblia

¹ Imbagad siak na Katawan a manaliw ak na linen a pantalon a potut, insan ko isolung; balet binilin to ak ya ag ko iiyan ed danum.

Jeremias 13:1 Referans Kwoze

Saray Hebreo 1:1

Nen saman, nansalitay Dios ed saray lalaki tayo diad panamegley da ray propita. Amimpiga-piga to yan ginagawa, tan diad nandoroman pamaakaran.

Jeremias 13:11

Kanyan no panoy kaelet ed awak yan potut a pantalon, ontan met so kaelet a labay kon nepeg ya ipeket ed siak na amin a totood Israel tan Juda. Onyay ginawak pian magmaliw iran totook, tan mangiter iray dayew tan galang ed ngaran ko; balet ag da ak inonur.”

Jeremias 27:2

a manggawa ak na pako, singeran ko na katat tan iyan kod beklew ko.

Jeremias 19:1

Imbagad siak na Katawan ya onla ak a manaliw na banga. Imbaga tod siak a manawag ak na pigaran mamasiken na saray totoo tan pigaran mamatakken a papari,

Saray Gawgawa 21:11

Linmad sikami, inala toy balkes nen Pablo, tan binalur to ray dilin sali tan lima to, insan inkuanto, “Niay ibabaga na Ispiritu Santo: Say makanbalkes ed saya baluren a singa onya na saray Judio ed Jerusalem, tan ipalima rad saray Hintil.”

Isaias 20:3

Nen adakep so Asdod, inkuan na Katawan, “Diad loob na taloy taon, si aripen kon Isaias et nanakar-akar a labus-lakseb tan kasali-sali. Sikato yay tanda na nagawa ed Egipto tan Sudan.

Jeremias 18:2

“Lakad abung na manggaway banga, ta iparengel kod man ed sikay salitak.”

Jeremias 43:9

“Mangala ka na pigaran ankakabaleg a bato tan ikotkot mod dalan diad arap na lolooban na paalagey na gobirno diad sayan siudad, tan abuloyan mo ray pigaran Judio ya onnengneng ed gagawaen mo.