Jeremias 12:6 - Maung A Balita Biblia

⁶ Anggan saray agagim a lalaki, saray kabyangay boleg mo et nantraidoran da ka; manggagampi rad idogpa rad sika. Ag mo ra panmamatalkan, anggaman a maabig so panagsalita rad sika.”

Maung a Balita Biblia

⁶ Anggan saray agagim a lalaki, saray kabyangay boleg mo et nantraidoran da ka; manggagampi rad idogpa rad sika. Ag mo ra panmamatalkan, anggaman a maabig so panagsalita rad sika.

Jeremias 12:6 Referans Kwoze

Probirbio 26:25

Nayarin marakep so panagsalita to, balet ag mo sisigsiaen, ta ontan lay bosul a popokoken tod puso to.

Jeremias 9:4

Say balang sakey nepeg a manalwar ed anggan kaaro to, tan ag napampiaan na anggan siopa so agi to; ta managpalikdon singa si Jacob so balang agi, tan papaogesen na balang sakey iray kakaaro to.

Saray Salmo 12:2

Mantitilaan la ray totoo; manlolokowan tan mampapalikdowan ira.

Mateo 10:21

“Papatey na saray totoo iray agagi ran dili. Papatey na saray kaamaan iray anak da; ontan met a labanan tan papatey na saray anak iray atateng da.

Jeremias 11:21

Labay na saray totood Anatot a pateyen da ak, kanyan imbaga rad siak a pateyen da ak no ituloy koy pampulong kod ngaran na Katawan.

Jeremias 11:19

Singa ak mauyuyamon kordiro a tetengtengen ed panagpateyan, tan ag ko amtad saman a mamplaplano ray maoges a bengatla. Inkukuanda, “Ibatang tayoy kiew legan a mabona-bona ni; pateyen tayo pian anggapo lay makanunot ed sikato.”

Saray Gawgawa 18:12

Nen si Galion so gobirnador na Acaya, nankakasakeyan da ray Judio ya inerel si Pablo tan inyakar dad korti.

Jeremias 20:10

Narerengel koy paneesaesan na saray karaklan, “Makapataktakot ed anggan iner a pasen! Kanyan idalem tayod saray makankanepegan!” Anggan saray kakaarok a malet aalagden day kapelag ko. “Angangko nayarin palikdoen,” kuanda; “naerel tayo sirin tan makabawi tayo.”

Saray Salmo 69:8

Singa ak sangkaili ed saray dilin agagik, singa ak toon nanlapud arum a bansa ed dilin pamilyak.

Say Libro nen Job 6:15

Balet sikayo ran kakaarok, papalikdoen yo ak singa saray kolus a naekatan no anggapoy oran.

Juan 7:5

(Ta anggan saray lalakin agagi nen Jesus et ag ira manisiad sikato.)

Marcos 12:12

Sinali na saray manonan Judio ya erelen si Jesus lapud atebek dan nipaakar ed sikaray sasalitaen to ed sayan alimbawa. Balet antakot irad saray karaklan, kanyan pinaolyan da la tan tinmaynan la ra.

Isaias 31:4

Inkuan na Katawan ed siak, “Anggan panon so paningal tan paneyag na saray pastol, ag da napatakot so lion pian arawian toy pinatey ton ayep; ontan met, anggapoy makabanod siak ed pangyagel kod Palandey na Sion, siak a Katawan a Makapanyarin-amin.

Saray Gawgawa 16:22

Saray totoo et akibabali ran angakusad sikara. Ginabyas tan inekal na saray opisyal iray kawes di Pablo tan Silas, insan da ra impapalewet.

Jeremias 9:2

Wala komuy pasen a napanayaman kod kalawakan, pian niarawian ko ray totook. Aliwa ran matoor; olup iray traidor.

Jeremias 9:5

Papalikdoen na amin iray kakaaro ra, tan anggapoy mangibabagay katwaan; impasal dan mantila iray dila ra tan ag da tondaay mankasalanan. Mantotombukan lay inkaruksa a gagawaen da, tan say pampapalikdo ra. Ibabaga na Katawan a sikatoy ipopolisay na saray totoo to.

Saray Salmo 12:3

Patondam pa lan amin iray managpalikdon dila, Katawan! Pepetan mo ray mapasirayew a sangi a kuanda,

Probirbio 23:8

Iyotam so antokaman a nakan mo, tan nadarak ya amin so pangidayew mod sikato.

Jeremias 9:3

Sipaparaan ira lawas a mantila; katilaan, aliwan katwaan, so manooley ed intiron bansa. Say Katawan kuanto, “Mansosoblayan a kaogsan so gagawaen na saray totook, tan ag da ak bibirbiren a Dios da.”