Jeremias 12:15 - Maung A Balita Biblia

¹⁵ Balet kayarik iran pataynanen, kasian ko ra; ipawil koy balang too ed dilin baley to tan diad dilin bansa to.

Maung a Balita Biblia

¹⁵ Balet kayarik iran pataynanen, kasian ko ra; ipawil koy balang too ed dilin baley to tan diad dilin bansa to.

Jeremias 12:15 Referans Kwoze

Jeremias 49:6

“Balet, ag mabayag, paaligwasen ko lamet so Ammon. Siak, say Katawan, so nansalita.”

Jeremias 48:47

Balet diad saray agew ya arapen say Katawan pagmaliwen ton maaligwas lamet so Moab. Sikato yay sintinsia ya inter na Katawan ed Moab.

Jeremias 49:39

Balet ag mabayag paaligwasen ko lamet iray totoo ed Elam. Siak, say Katawan, so nansalita.”

Amos 9:14

Ipawil kod dalin da iray totook. Pasimbaloen dan ipaalagey iray aderal-deral a siudad da tan manayam irad man; mantanem ira na saray ubas tan inomen da ray alak da; mantanem ira na saray tanaman tan kanen da ray bunga ra.

Deuteronomio 30:3

say Katawan a Dios yod satan et kasian to kayo. Papawilen to kayod dalin yo manlapud saray bansan angikayatan tod sikayo, tan paaligwasen to kayo lamet.

Deuteronomio 3:20

Tulongan yo ray kapara yon Israelita ya anggad nasakop da lay dalin ya iter ed sikara na Katawan diad sagur na Jordan tan anggad napanayam la rad man na Katawan ya anggapo lay manigensigen ed sikara, a singa ginawa to la diad sikayo. Kayari to ya, nayarian yo lay ompawil ed sayan dalin ya impabetang kod sikayo.’

Saray Bilang 32:18

Ag kami dia ompawil ya anggad saray arum ya Israelita et nakayaryan da so dalin a nipabetang ed sikara.

Saray Gawgawa 15:16

‘Kasumpal to ya, ompawil ak, kuay Katawan tan ipaalagey ko lamet so nanarian nen David. Pasimbaloen kon ipaalagey iray deral-deral to tan pabiskegen ko lamet.

Jeremias 3:12

Imbaga to nid siak ya onla ak a mangikuan ed Israel, “Aliwan matoor ya Israel, pawil kad siak. Lapud mapangasi ak, ag ta ka la pampasnukan; aliwan ando lan ando so petang na olok ed sika.

Jeremias 3:17

No nasabiy tan a panaon, natawag so Jerusalem a ‘Say Trono na Katawan,’ tan amin a bansa mantitipon irad man a mangigalang ed siak. Ag da la gawaen so ibagad sikara na anawet tan maoges a puso ra.

Jeremias 4:2

Diad satan, matwa, matonung, tan maptek so pansamba yo ed ngaran ko. Insan kerewen na amin a bansa a bindisionan ko ra, tan dayewen da ak.”

Jeremias 24:6

Asikasoen ko ra tan ipawil ko rad sayan dalin. Iletneg, aliwan temeken, ko ra; itanem, aliwan baguten, ko ra.

Jeremias 29:14

On, kuankod sikayo, narumog yo ak, insan papawilen ta kayod dalin yo. Tiponen ta kayo manlapud balang bansa tan balang lugar ya angikayatan kod sikayo, insan papawilen ta kayo ed dalin yo a dimay amadakepan kod sikayo. Siak, say Katawan, so nansalita.’

Daniel 11:4

Balet diad kabisbiskegay pakayari to nabuyak so impirio to tan napangkapat. Onsalat ed sikatoy ararin aliwan sikatoy sengeg da, balet ag da naparaay pakayari to.

Jeremias 16:15

Ingen mansamba rad siak a mabilay a Dios ya angipaway ed saray totood Israel manlapud dalin ed baybay tan manlapud amin a bansan angikaykayatan kod sikara. Ipawil ko rad dilin bansa ra, say dalin ya inter kod saray lalaki ra. Siak, say Katawan, so nansalita.”