Jeremias 11:10 - Maung A Balita Biblia

¹⁰ Pinawil da ray kasalanan na saray lalaki ran ag tinmoluk ed saray ingganggan kod sikara; angigalang irad saray arum a diriyos. Dineral na saray totood Israel tan Juda so impisipanan kod saray lalaki ra.

Maung a Balita Biblia

¹⁰ Pinawil da ray kasalanan na saray lalaki ran ag tinmoluk ed saray ingganggan kod sikara; angigalang irad saray arum a diriyos. Dineral na saray totood Israel tan Juda so impisipanan kod saray lalaki ra.

Jeremias 11:10 Referans Kwoze

Deuteronomio 31:16

Say Katawan kuantod kinen Moises, “Magano lay ipatey mo, et kapatey mo magmaliw iran malamang ed siak iray totoo tan deralen day impisipanan kod sikara. Ikaindan da ak tan mangigalang irad saray paganon diriyos na dalin a ngalngali da lan looban.

Ezekiel 16:59

Say Katawan a Dios kuanto, “Gawaen kod sika so kapetekan na saray ginagawam, ta ag mo sinumpal iray sipan mo tan dineral moy sipanan.

1 Samuel 15:11

“Magbabawi ak a ginawak ya ari si Saul; imbeneg to ak tan ag to inonur iray ganggan ko.” Apasnukay Samuel, tan sanlabin akikasi ed Katawan.

Saray Huis 2:19

Balet kapatey na pangulo, saray totoo ompawil irad gendat a kabibilay da tan mapalalo niy kaogsan da nen say kaogsan na imbeneg a kailalakan. Nanlilingkur tan angigagalang irad saray arum a diriyos, tan diad gaway awet na olo ra intuloy day maoges a kabibilay da.

Saray Huis 2:17

Balet ag da dinengel ira yan pangulo ra. Aliwan matoor iray Israelita ed Katawan tan angigalang ira ed saray arum a diriyos. Inmonur ed saray ganggan na Katawan iray atateng da, balet tinondaan na sayan balon kailalakan so tinmoluk ed Katawan.

Saray Hebreo 8:9

Aliwan singa saya may impisipanan kod saray lalaki ra, nen agew ya intabin ko ran impaway ed Egipto. Aliwa ran matoor ed impisipanan kod sikara, kanyan pinaolyan ko ra.

Sofonias 1:6

Pateyen ko ray angibeneg ed siak, tan ag da ak la totombuken, saray ag onsisingger ed siak odino papaiwanwan ed siak.”

Oseas 6:7

“Balet kaloob da ed dalin diad Adam, dineral da so impisipanan kod sikara.

Ezekiel 44:7

Dinotakan da so Timplok diad impangyabuloy dad saray totoon ag asegat a sangkaili, saray totoon ag mangoonur ed siak, ya onloob ed Timplo no ibabagat ed siak iray taba tan dala na saray ayayep ya ibagat. Kanyan saray totook dineral day impisipanan ko lapud amin a makapaingungot a ginagawa ra.

Saray Salmo 78:57

balet mananumpa ra tan aliwa ran matoor a singa saray lalaki ra, tan ag ira napampiaan a singa panan pikewet.

Deuteronomio 9:7

“Ag yon balut lilingwanan imay ginawa yon makasengeg na impanpasnuk na Katawan a Dios yo nen wala kayod kalawakan. Nanlapud samay agew na impanaynan yod Egipto ya anggad sayan agew na impakasabi yo dia, sinusumlang yoy Katawan.

Levitico 26:15

No ag yo onuren iray ganggan tan saray bilin ko tan deralen yoy impisipanan kod sikayo,

Zacarias 1:4

Ag yo aaligen iray lalaki yo. Nen saman saray propita sinalita ra so impaikuankod saray totoo a magbabawi rad saray kaogsan da. Balet ag ira dinmengel odino inmonur ed siak.

Oseas 7:16

Itutuloy day onsingger ed sakey a dios ya anggapoy pakayari. Ag ira napanmatalkan a singa pikewet a pana. Lapud mapaatagey ed panagsalita iray pangulo ra ompatey irad ispada. Diad ontan elekan ira na saray Egipsio.”

Oseas 6:4

Balet say Katawan kuanto, “Israel tan Juda, antoy gawaen kod sikayo? Say panangaro yod siak et nanaandipat a singa kakaandipat na kelpad kabwasan; singa linaew a nanaandipat ed kabkabwasan.

Jeremias 31:32

Aliwan singa samay impisipanan kod saray lalaki ra nen intabin ko ran impaway ed Egipto. Aliwa ran matoor ed saman a sipanan, anggaman ya alimbawak so sakey ya asawan laki ed sikara.

Saray Huis 2:11

Insan nankasalanan ed Katawan iray totood Israel tan nanlingkur ira ed saray Baal.

Jeremias 7:28

Ibagam ed sikara a say bansa ra et ag onoonur ed siak, say Dios dan Katawan; ag ira makakaaral ed panametek ko. Inatey lay katooran da; ag da la anggan sasalitaen.”

Jeremias 13:10

Sarayan totoon maoges et ag ira inmonur ed siak, tan lawas anawet so puso ra tan maoges ira tan inggalang tan nanlingkur irad arum a diriyos. Kanyan sirin, magmaliw iran singa sayan potut a pantalon ya anggapo lay kana to.

Jeremias 17:23

Ag dinmengel odino angasikaso ed siak iray lalaki ra. Ingen nagmaliw iran anawet a puso; ag ira ononur ed siak odino manaral ed siak.

Jeremias 44:5

Balet ag kayo ondengel odino mangasikaso. Ag yo tondaan iray maoges a panangibagat yod saray arum a diriyos.

Jeremias 44:16

“Ag mi labay a dengelen iray salitam, saray salitan imbagam ed ngaran na Katawan.

Ezekiel 5:6

Balet sinumpa na Jerusalem iray ganggan ko tan impanengneng to a lalon maoges ni nen saray arum a bansa, lalon aliwan maonur nen saray bansan walad kaliber-liber to. Impolisay to ray ganggan ko tan ag to binirbir iray bilin ko.

Zacarias 7:11

“Balet anawet so olo da ray totook; ag ira dinmengel. Kinaputan day isip da.

Zacarias 7:13

Lapud ag ira dinmengel nen nansalita ak, ag ko ra inebatan nen nampikasi ra.

Isaias 24:5

Dinotakan na saray totoo so mundo diad insusumlang dad saray ganggan na Dios tan diad impandederal dad andi-anggaan a sipanan.

Jeremias 22:9

Insan onebat ira a say makasengeg et say impangikaindan yoy impisipanan yod siak a Dios yo, tan say impangigalang tan say impanlingkur yod saray arum a diriyos.”