Jeremias 10:19 - Maung A Balita Biblia

¹⁹ Inmeyag iray totood Jerusalem, “Mapalaloy inkasugat mi! ag onabig iray sugat mi. Abaloan mi no nayarian mi yan itepel!

Maung a Balita Biblia

¹⁹ Inmeyag iray totood Jerusalem, Mapalaloy inkasugat mi! ag onabig iray sugat mi. Abaloan mi no nayarian mi yan itepel!

Jeremias 10:19 Referans Kwoze

Mikias 7:9

Nankasalanan kamid Katawan, kanyan nepeg min itepel a magano so pasnuk to. Balet diad kaonuran iyagel to kami tan pagmaliwen ton pankaabigan mi so maoges ya agawad sikami. Agwaten to kami ed liwawa; mambilay kamin nanengneng mi so panangilaban to.

Jeremias 14:17

Ingganggan ak na Katawan ya ibagak ed sikaray nipaakar ed kaermenan ko. Ikuanko, “Onagos komun ed agew tan labi so luak, ag ak komun ontondan onakis, lapud mapalaloy inkasugat na saray totook, tan ontan lay inkasakitan da.

Jeremias 4:31

Akadngel ak na akis na singa biin mampapasakit lan mananak, eyag na sakey a biin mangibubuknak na pangulowan ton anak. Akis na Jerusalem ya abot-aboten toy linawa to, iyoonat toy lima to tan kuanto, “Pangaskasiyan ak! Onsasabi la ran mamatey ed siak!”

Saray Salmo 39:9

Mandeen ak, ag ak mangibalikas na anggan anton salita, ta sikay nanlapwan na sayan paniirap ko.

Saray Tagleey 3:48

Singa ilog ya onaagos so luak lapud inkaderal na saray totook.

Saray Tagleey 1:2

Mannangnangis lawas; managagos ed aping toy lua. Diad amin da ray angaaro ed sikato nen saman, anggapoy manligliwa ed sikato ya anggan sakey ed sikara. Nantraidoran na saray kagampi to tan kalaban to ran amin natan.

Jeremias 17:13

Katawan, sika so ilalo na Israel; nabaingan ya amin iray mangikaindan ed sika. Naandipat iran singa saray ngaran a nisulat ed dabuk, lapud inkaindan da ka, say Katawan, say sobul na ambetebetel a danum.

Jeremias 9:1

Bobun na danum la komun yay olok, tan sobul na lua iray matak, pian makapanakis ak ed agew tan labi lapud saray totood bansak ya apatey-patey.

Jeremias 8:21

Asugat so pusok lapud asugat iray totook. Maneermen ak; sigput a nakalan ak na biskeg na linawa.

Jeremias 4:19

Ag ko la nayarian ya itepel yan sakit! Say panotut! Mampokal a maung so pusok! Say pusok! Ag ak makareen; Narerengel koy tanul na saray trumpita, tan say eyag na bakal.

Isaias 8:17

Inyamutan na Katawan iray totoo to, balet manmamatalek ak ed sikato tan sikatoy paniilaloan ko.

Saray Salmo 77:10

Insan inkuanko, “Say paneermenan kon tuloy et saya: aliwa lan makapanyari so Dios.”

Jeremias 14:7

Ontatawag ed siak iray totook, ‘Anggaman ya aakusaen kami na saray kasalanan mi, tulongan mo kami pa, Katawan, onung na insipan mo. Amimpiga kamin inmarawid sika; nankasalanan kamid sika.