Jeremias 1:6 - Maung A Balita Biblia

⁶ Insan ko inkuan, “Katawan a Dios, ag ko amtay mansalita; ogaogaw ak ni.”

Maung a Balita Biblia

⁶ Insan ko inkuan, Katawan a Dios, ag ko amtay mansalita; ogaogaw ak ni.

Jeremias 1:6 Referans Kwoze

Exodo 6:12

Balet inmebat si Moises, “Panoy idengel ed siak na ari, anta ag ak dengelen na anggan saray Israelita? Makapoy ak ni met a mansalita.”

Jeremias 32:17

“Katawan a Dios, lapud baleg a pakayarim tan biskeg mo, ginawam so tawen tan dalin; mainomay mon gawaey antokaman a bengatla.

Exodo 6:30

Balet inmebat si Moises, “Amtam so kakapoyan kon mansalita. Panoy idengel na ari ed siak?”

Jeremias 14:13

Insan inkuanko, “Katawan a Dios, amtam ya ibabaga da ray propita ed saray totoo ya anggapoy ondalan a bakal odino eras, ta kuandan insipan mo a manari labat so kareenan ed dalin tayo.”

Exodo 4:1

Insan inmebat si Moises ed Katawan, “Balet no ag ak bilang sisiaen na saray Israelita, tan ag da dengelen so ibagak, tan supyaten da ak a kuanda, ‘Andi, ag pinmatnag ed sika so Katawan,’ antoy gawaen ko?”

Jeremias 4:10

Insan inkuanko, “Katawan a Dios sigput mon pinalikdo ray totood Jerusalem! Imbagam a kareenan so niwalad saray totoo, anta manaya akatotub ed sikaray ispada.”

Isaias 6:5

Inkuanko, “Pakaskasi ak la! Anggapo lay ilalok! Maoges ya amin so sasalitaen na dilak, tan manaayam ak ed kawalaan da ray totoon maoges so sasalitaen da. Naamtaan ko ya, lapud say Ari a Katawan a Makapanyarin-amin so anengneng na saray dilin matak.”

Ezekiel 4:14

Balet inmebat ak, “Andi, Katawan a Dios! Ag ko ni dinotakan so siak a dili onung ed Ganggan. Nanlapu lad impanogaw ko ag ak nin balut angan na karniy ayep a basta inatey odino pinatey na ayep ed katakelan. Ag ak nin balut angan na kakanen a marotak onung ed Ganggan.”

Zacarias 2:4

Kuantod samay inmabet, “Batik ka, ta ibagam ed samay lakin tobun-balo a sankaawit toy panagsukat, a nawalaan na amayamay a totoo tan baka so Jerusalem, kanyan diad gaway kaawang to ag nayarin paliberay padir.

Jeremias 34:6

Insan imbagak ira yan salita ed kinen Ari Sedekias diad Jerusalem,