Jeremias 1:11 - Maung A Balita Biblia

¹¹ Tinepet na Katawan ed siak, “Jeremias, antoy nanenengneng mo?” Inmebat ak, “Sakey a sangay kiew ya almindra.”

Maung a Balita Biblia

¹¹ Tinepet na Katawan ed siak, Jeremias, antoy nanenengneng mo? Inmebat ak, Sakey a sangay kiew ya almindra.

Jeremias 1:11 Referans Kwoze

Amos 7:8

Tinepet tod siak, “Amos, antoy sankanengneng mo?” “Sakey a patawin,” ebat ko. Insan inkuantod siak, “Ikakanak yan patawin ta labay kon ipanengneng ed saray totook a singa ra sakey a padir ya aliway patawin to. Ag ko la omanen lamet so kanunotan ko diad panusak ed sikara.

Amos 8:2

Tinepet na Katawan, “Amos, antoy nanenengneng mo?” “Sakey a baskit a napno na saray prutas.” ebat ko. Say Katawan kuantod siak, “Sinmabi la so anggaan da ray totook ed Israel. Ag ko la omanen so kanunotan ko nipaakar ed panusak ed sikara.

Zacarias 5:2

Tinepet na samay anghil no antoy anengneng ko. Inmebat ak, “Sakey a nilokut a babasaen ya ontitikyab ed tagey; siamiran mitroy karokey to tan apatira tan kapalduan mitroy kaawang to.”

Zacarias 4:2

Tinepet ko, “Antoy nanenengneng mo?” Inmebat ak, “Balituk a panangipatoonan na lamparaan. Diad tapew to walay sakey a yaung a pananginay larak. Walay pitoran lamparaan ed samay panangipatoonan, tan balang sakey et walay pitoran pananginay pabilo.

Jeremias 24:3

Insan inkuan ed siak an Katawan, “Jeremias, antoy nanenengneng mo?” Inmebat ak, “Bungay igos. Saray balibali et mapalalon balibali, tan saray aliwaliwa et mapalalon aliwaliwa, kanyan ag nayarin kanen.”

Saray Bilang 17:8

Diad ontombuk ya agew, nen linmay Moises ed dalem na Tulda, anengneng ton nansanga may baston nen Aaron a mangilalaman na tribu nen Levi. Nansimit, nanrosas, tan nambunga na aloton almindras!

Ezekiel 7:10

Onsasabi lay agew na kaderal yo. Ondarakel so panagduksa. Mapalalo lay panagpaatagey da ray totoo.

Genesis 30:37

Angalay Jacob na saray sanga na estoraki, almindra, tan platano, insan to inobakan iray arum a partiy sanga pian singa walay gulis dan ampoti.

Isaias 55:11

Ontan met so pagmaliwan na salitan ibabalikas ko— ag ompawil ed siak ya anggapoy agawaan to; sumpalen toy antokaman a ginetmak tan gawaen toy angibakian kon gawaen to.

Ezekiel 12:25

Siak a Katawan misalita ak ed sikara, tan no antoy sinalitak sikatoy nasumpal. Anggapo lay nagawan abala. Diad legay pambilay yo, sikayon totoon mananumpa, sumpalen koy impasakbay kon nagawa. Siak so nansalita,” kuay Katawan a Dios.

Ezekiel 12:28

Kanyan ibagam ed sikara so sayan ibabagak, siak a Katawan a Dios: Anggapo la so nagawan abala. No anto so imbagak, sikato so nasumpal. Siak a Katawan a Dios so nansalita!”