Isaias 9:18 - Maung A Balita Biblia

¹⁸ Say kaogsan na saray totoo et ondadalang a singa apoy a manemek na abeba ran kiew tan saray masabit a dika. Ondadalang a singa pool ed takel a mangipapaatagey na makapal ya asewek.

Maung a Balita Biblia

¹⁸ Say kaogsan na saray totoo et ondadalang a singa apoy a manemek na abeba ran kiew tan saray masabit a dika. Ondadalang a singa pool ed takel a mangipapaatagey na makapal ya asewek.

Isaias 9:18 Referans Kwoze

Malakias 4:1

Say Katawan kuanto, “Onsabiy agew a napoolan a singa dayami iray mapaatagey tan maoges a totoo. Diad satan ya agew napoolan ira tan anggapoy nakeraan ed sikara.

Saray Salmo 83:14

No panoy pamopool na apoy ed katakelan, singa panisinit na dalang ed kapokdulan,

Nahum 1:10

Napoolan kayo a singa kapoolan na saray alokut-lokut a sabitan tan amagaan a dayami!

Isaias 5:24

Kanyan natan, no panon a napoolan so dayami tan amagan dika, ontan met a naboluk iray lamut yo tan namagaan iray rosas yo, insan ira itikyab na dagem, lapud impolisay yoy imbangat ed sikatayo na Katawan a Makapanyarin-amin a masanton Dios na Israel.

Puyan 14:11

Say asewek na apoy a mamairap ed sikara mampapaatagey lan mampapaatagey ya anggapoy angga. Agew-labin anggapoy painawa da ray mangigalang ed samay ayep tan say talintao to, tan saray amarkaan na ngaran to.”

Saray Hebreo 6:8

Balet no satan a dalin et patutuboen to ray tantanaman a masabit tan saray dikarika, anggapoy kana to; kanyan asingger ya isamba na Dios tan napoolan.

Mateo 25:41

“Insan ikuantod saray walad nikawigi to, ‘Arawi kayod siak, sikayo ran insambay Dios! Lakayod apoy ya andi-anggaan a niparaan ed Diablo tan saray anghil to!

Nahum 1:6

No mamapasnuk so Katawan, siopay makapaliis ed patey? Siopay makatepel na ontan lan sanuk to? Iibung toy manliub a pasnuk to; diad arap to nakukusbo tan ondadabuk iray baton-dampay.

Amos 7:4

Walay sananey ya impasingayew ed siak na Katawan a Dios. Diad sayan pasingayew anengneng koy Dios a mampaparaan a dusaen tod pool iray totoo to. Pinoolan la na apoy so baleg a dayat ed dalem na dalin tan ginapwan to lan poolan so dalin.

Joel 2:20

Ekalen ko ray amayamay a dorun a nanlapud baybay tan paonlaen ko rad kabueran. Saray walad onaan ya olup et naablug irad Inatey a Dayat, tan saray walad bandad onur, diad Dayat na Mediteraneo. Ombanget iray inaatey a laman da. Deralen ko ra, lapud saray ginagawa rad sikayo.

Oseas 13:3

Kanyan naandipat a singa kelpa ed kabwasan ira yan totoo; singa ra linaew a naandipat ed kabkabwasan. Magmaliw iran singa saray taep ed ilikan ya ipapalir ira na dagem, tan naandipat iran singa asewek ya ompapaway ed pasngawan.

Isaias 33:12

Nabuyak kayon singa saray baton-dampay a pinoolan a gawaen a dena; natemek kayon singa saray sabit a pinoolan a padapolen.

Isaias 30:33

Abaybayag la a niparaan so sakey a pasen a walay baleg ya apoy a mamool ed ari na Asiria. Aralem yan pasen tan maawang tan atagtagey so nibonton a kiew. Isibuk na Katawan so singa onaagos ya apoy a mamool ed samay kiew.

Isaias 30:30

Iparengel na Katawan ed balang sakey so mapagalang a bosis to tan ipalikna tod sikaray biskeg na pasnuk to. Wala ed satan so manliub ya apoy, ompelag iray makapal a lorem, oran a kristal, tan mapalalon nepnep.

Isaias 27:4

Ag ak la mamapasnuk ed kaubasan. No wala bilang iray ambabaing tan sabitan ya eekalen, sigput ko ran poolan.

Isaias 1:31

No panon a napadalang na anggan melmelag ya apoy so amagan dayami, ontan met a naderal iray makapanyarin totoo diad panamegley na saray dilin maoges a gawgawa ra tan anggapoy makapatonda na kaderal da.

Saray Salmo 37:20

Balet ompatey iray totoon maoges, naandipat a singa rosas a balang iray kalaban na Katawan; naandipat iran singa asewek.

Deuteronomio 32:22

Onliub a singa apoy so pasnuk ko tan poolan toy amin a bengatlan walad tapew na dalin. Sabien toy daledalem na pasen a panaayaman da ray inaatey tan padapolen toy anggan saray letnegan na kapalandeyan.

Saray Salmo 68:2

No panoy ititikyab na asewek, ontan met so pamapagit tod sikara; no panoy katotonaw na ispirma ed abay na apoy, ontan met so ipapatey na saray totoon maoges ed arap na Dios.

Isaias 1:7

Nagmaliw ya apaolyan so bansa yo tan tinemek na apoy iray siudad yo. Sankanengneng yon sasakopen na saray taga arum a bansa so dalin yo tan dederalen day amin a bengatla.

Isaias 26:11

Ag amta na saray kalaban mo a dusaen mo ra. Katawan, ipelag mo pa rad kababaingan tan panliknam pa ray kairapan; ipaliknam ed sikaray dusan imparaan mo. Ipanengneng mo pad sikara so ontan lan panangarom ed saray totoom.

Isaias 33:14

Manggiwgiw ed takot iray makasalanan a totood Sion. Kuanda, “Singa apoy a mandarlang ed anggad angga so panagsintinsia na Dios. Wala kasid sikatayoy makapangitepel ed onyan dalang?”

Isaias 50:11

Sikayon mankokomplut a maneral ed saray arum et naderal kayo ed saray dilin komplut yo. Say dilin Katawan so mangyabuloy ya onyay nagawa; makapasinagem so pansumpalan yon kairapan.

Joel 2:3

Singa panagtemek na apoy so pangan dad saray tanaman. Singa Tanamanan na Eden so dalin a walad arap da, balet sakey a begtebegtew a kabueran so dalin ed beneg da. Anggapon balut so nalabsanan dan tanaman.

Obadias 1:18

Saray totoon kabyangay boleg nen Jacob tan Jose et magmaliw iran singa apoy; deralen da ray totoon kabyangay boleg nen Esau a singa pamool na apoy ed dayami. Anggapoy makaliktar a kabyangay boleg nen Esau. Siak, say Katawan, so nansalita.

1 Saray Arari 16:21

Apaldua so totood Israel: say kapalduad sikara labay et dan manari si Tibni a lakin anak nen Ginat, balet say kapaldua labay day Omri.

Isaias 3:5

Mampapairapan tan manlalamesan so balang sakey ed sikara. Saray tobun-balo ag da pagalangan iray pangulowan da, tan saray andi-kakanaan a totoo ag da italtalek iray walad pakaoley.

Jeremias 9:3

Sipaparaan ira lawas a mantila; katilaan, aliwan katwaan, so manooley ed intiron bansa. Say Katawan kuanto, “Mansosoblayan a kaogsan so gagawaen na saray totook, tan ag da ak bibirbiren a Dios da.”