Isaias 8:8 - Maung A Balita Biblia

⁸ Delapen day intiron Juda, onaralem ya anggad takeb tan tabunan day amin a bengatla.” Say Dios walad sikatayo! Say akabuskag iran payak to iyaagel day dalin tayo.

Maung a Balita Biblia

⁸ Delapen day intiron Juda, onaralem ya anggad takeb tan tabunan day amin a bengatla. Say Dios walad sikatayo! Say akabuskag iran payak to iyaagel day dalin tayo.

Isaias 8:8 Referans Kwoze

Isaias 7:14

Natan, say Katawan itdan to ka na sakey a tanda: walay sakey a marikit a malokun tan mananak na sakey a laki tan ngaranan to na Emmanuel.

Isaias 30:28

Ibabaki toy walad arap ton dagem a singa delap a mangyaanur ed amin a bengatla. Ipapalanas ton deralen iray bansa tan patotondaen to ray maoges a plano ra.

Mateo 1:23

“Manlokun so sakey a birhin, tan mananak na laki a tawagen day Emmanuel” (a say labay ton ibaga: “Say Dios walad sikatayo”).

Ezekiel 17:3

diad pangipaamtam ed sikara na ibabagak ed sikara, siak a Katawan a Dios: Walay sakey a balbaleg ya agila ya akabuskag so balibali tan balbaleg iran payak to. Tinmikyab ed Kapalandeyan na Libano tan inala ton pinoter so toktok na kiew a sidro.

Isaias 7:17

“Say Katawan pairapen to ka, saray totoom, tan amin a kabyangay pamilya na ari. Mapalalo niy iter ton gunigon nen say antokaman a gunigon a sinmabi lad samay impansian na Israel tan Juda—iyakar dia na Katawan so ari na Asiria.

Isaias 8:10

Mamplano kayo, balet ag kayo mampalabo. Tongtong yo lay labay yon tongtongen, balet andi-kakanaan ya amin iray tongtongen yo, lapud walad sikami so Dios.

Isaias 10:6

Imbakik so Asiria ya ondogpa ed sakey a bansan anggapoy Dios to, diad saray totoon amapetang na olok. Imbakik iray taga Asiria a mansamsam, mantakew, tan mangigatin-gatin ed saray totoo a singa ra dotak ed saray dalan.”

Isaias 43:2

No ondalan kad aralem a danum, wala ak ed sika; ag ka natabunan na saray gunigon mo. No ondalan kad apoy, ag ka napoolan; ag ka napasakitan na saray ambelat a subok ya onsabid sika.

Jeremias 47:2

Inkuanto: “Nengneng yo! Onaatagey so danum ed baybay, tan maples ya onagos a singa ilog no delap. Delapen toy dalin tan amin a logan to, saray siudad tan saray totoon manaayam diman. Saray totoo oneyag iran onkerew na tulong; onakis na ampaipait ya amin iray katoowan.

Jeremias 48:40

Say Katawan insipan to a sakey a bansa so onsibar a singa agila ed Moab ya akabuskag iray payak to,

Jeremias 51:42

Sinmapat ed Babilonia so danum na dayat, tan tinabunan to na manungol iran daluyon.

Ezekiel 26:19

Say Katawan a Dios kuanto: “Pagmaliwen ta kan andi-kakanaan a dalin a singa saray siudad ya aderal-deral tan anggapoy manaayam. Delapen ta ka na danum na dayat.

Daniel 11:10

“Mamparaan a mibakal iray lalakin anak na ari na Siria tan mantipon ira na dakerakel a sondalo. Onlan singa delap so sakey ed sikara tan dogpaan toy tirinsira na kalaban.

Mikias 1:9

Ag naabigan iray sugat na Samaria, tan ngalngali la manirap so Juda a singa paniirap na Samaria; asabian lay deral iray puirta na Jerusalem a panaayaman da ray totook.”

Mikias 5:5

tan sikatoy mangyakar na kareenan. No looban na saray taga Asiria so bansa tayo, mangibaki tayo na saray mabisbiskeg a pangulo ya onlaban ed sikara.

2 Saray Arari 17:3

Akibakal ed sikatoy Impirador Salmaneser na Asiria; sinmukoy Oseas ed kinen Salmaneser, kanyan tinaon a nambabayar na buis ed sikato.

2 Saray Awaran 12:4

Adakep to ray aliber na padir a siudad na Juda tan linma ya anggad Jerusalem.