Isaias 8:21 - Maung A Balita Biblia

²¹ Saray totoo et nakalan iray ilalo tan narasan iran manakar-akar ed intiron dalin. Diad eras tan pasnuk da, ayewen day ari ra tan say Dios da. Nayarin ontangay irad tawen

Maung a Balita Biblia

²¹ Saray totoo et nakalan iray ilalo tan narasan iran manakar-akar ed intiron dalin. Diad eras tan pasnuk da, ayewen day ari ra tan say Dios da. Nayarin ontangay irad tawen

Isaias 8:21 Referans Kwoze

Isaias 9:20

Diad intiron bansa saray totoo alaen tan kanen day antokaman a naakan da, balet ag iran balut napesel. Kanen day anggan saray dilin anak da!

Probirbio 19:3

Wala ray totoon nadederal lapud inkakulang-kulang da, insan da tetetelen so Katawan.

Jeremias 52:6

Diad kumasiam ya agew na kumapat a bulan na saman lamlamang a taon nen mapalaloy eras ya anggapo lay naakan na saray totoo,

Jeremias 14:18

No ompaway ak ed saray kaalogan, nanengneng ko ray bangkay na saray totoon inaatey ed bakal; no onla ak ed saray baley, nanengneng ko ray totoon ompapatey ed eras. Itutuloy na saray propita tan saray papari so kimey da, balet ag da amta so gagawaen da.”

Say Libro nen Job 2:9

Inkuan ed sikato na asawa to, “Matoor ka nin siansia, anto? Akin et ag mo la isambay Dios, pian ompatey ka la?”

Say Libro nen Job 2:5

Balet natan, salim a pasakitan so laman to, et nengneng mo no ag to ka inayew ed dilin arap mo!”

Say Libro nen Job 1:11

Balet natan, salim a paadien iray amin a walad sikato, et nengneng mo no ag to ka inayew ed dilin arap mo!”

2 Saray Arari 25:3

Nen kumasyam ya agew na kumapat a bulan na saman lamlamang a taon, nen mapalaloy eras tan anggapo lay nakan na saray totoo,

Exodo 22:28

“Ag kayo mansasalita na maoges sumpad Dios, tan ag yo isasamba so pangulo na saray totoo yo.

2 Saray Arari 6:33

Ag to ni asumpal so ibabaga to nen sinmabiy ari tan kuanto, “Say Katawan so angiter ed sikatayo na sayan gunigon! Akin et manalagar ak niy antokaman a gawaen to?”

1 Samuel 8:18

No onsabi yan panaon, onakis kayon manriklamo lapud ari yo—et sikayon diliy nanlabay a nawalaan kayoy ari—balet ag kayo dengelen na Katawan.”

Say Libro nen Job 18:12

Mayaman nen saman, balet natan nanaerasan; manaalagar ed abay to so deral.

Isaias 9:21

Saray totood Manases tan saray totood Efraim et manlalaban ira, tan mammomoyung iran ondogpa ed Juda. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Isaias 14:30

Say Katawan magmaliw a sakey a pumapastol ed saray mairap-bilay a totoo to tan pambilayen to ran arawid kaatapan. Balet mangipadalan na eras ed sikayon Filistio tan anggapoy ikera ton mabilay ed sikayo.

Isaias 51:19

Duaran deral so dinmalan ed sika: dineral na bakal so dalin mo tan naerasan iray totoom. Anggapoy siopaman a mangabagey ed sika.

Isaias 59:9

Saray totoo kuanda, “Amta tayo la natan no akin et ag itayo iyagel na Dios ed saray mamapairap ed sikatayo. Pampipilalekan tayoy liwawan pankurangan, balet bilonget labat ya amin so wala,

Isaias 65:13

Kanyan ibagak ed sikayo a saray mangigagalang tan mangoonur ed siak et nawalaan ira na daakan a nakan tan nainom, balet naerasan tan naapgaan kayo. Manliket ira, balet napelag kayod kababaingan.