Isaias 8:10 - Maung A Balita Biblia

¹⁰ Mamplano kayo, balet ag kayo mampalabo. Tongtong yo lay labay yon tongtongen, balet andi-kakanaan ya amin iray tongtongen yo, lapud walad sikami so Dios.

Maung a Balita Biblia

¹⁰ Mamplano kayo, balet ag kayo mampalabo. Tongtong yo lay labay yon tongtongen, balet andi-kakanaan ya amin iray tongtongen yo, lapud walad sikami so Dios.

Isaias 8:10 Referans Kwoze

Saray Tagleey 3:37

Say linawa labat na Katawan so nasusumpal.

Saray Taga Roma 8:31

Anto niy nibaga tayo nipaakar ed saya? No say Dios et kaiba tayo, siopay makasumlang ed sikatayo?

Say Libro nen Job 5:12

Deralen to ray plano na saray totoon masilib, tan erelen tod kasiliban da iray totoon makabat, pian ag onaligwas so antokaman a gagawaen da;

Probirbio 21:30

Anggapoy kakanaay kakabatan, pakatalus, tan say pakaamta na too, no sumpa so Katawan ed sika.

Saray Salmo 46:11

Walad sikatayoy Katawan a Makapanyarin-amin; say Dios nen Jacob so salimbeng tayo.

2 Samuel 15:31

Nen nibagad kinen David a si Ahitofel et akikomplut ed kinen Absalom, nampikasi, “Pikasik ed sika, Katawan, a pagmaliw mon andi-kakanaan so simbawa nen Ahitofel!”

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Saray Salmo 46:7

Walad sikatayoy Katawan a Makapanyarin-amin; say Dios nen Jacob so salimbeng tayo.

2 Saray Awaran 13:12

Say Dios a dili so pangulo mi, tan wadya ray papari to ya akaparaan lan mamaknul na saray trumpita diad panawag dad sikamin mibakal. Totood Israel, ag yo komun lalabanan so Katawan a Dios na saray lalaki yo! Ag kayo manalo!”

Deuteronomio 20:1

“No ompaway kayon mibakal ed saray kalaban yo et nanengneng yo ray karwahi tan saray kabayo tan saray sondalon amayamay ni ra nen say sikayo, ag yo ra tatakotan. Say Katawan a Dios yo ya angipaway ed sikayo ed Egipto et kaolup yo.

2 Samuel 17:23

Nen anengneng nen Ahitofel ya ag atombuk so simbawa to, kinabayoan toy asno to, insan pinmawil ed dilin baley to. Kayari ton inapiger so kipapasey kayaryan to, imbitay toy laman to. Nipompon ed lobuk na pamilya to.

Josue 1:5

Josue, anggapoy manalod sika legan mon mambilay. Olupen ta ka a singa impangolup kod kinen Moises. Olupen ta ka lawas; ag ta kan balut ikaindan.

Saray Salmo 46:1

Say Dios so salimbeng tan say biskeg tayo; sipaparaan lawas ya ontulong no panaon na gunigon.

Saray Taga Roma 8:13

Ta ompatey kayo no mambilay kayo onung ed inkanatural na too, balet mambilay kayo no diad tulong na Ispiritu et pateyen yoy maoges iran gaway laman.

1 Juan 4:4

Anak, kayaryan kayoy Dios tan tinalo yo ray tila-tilan propita, ta say Ispiritu a walad sikayo et makapanyari nen say ispiritu a walad mundo.

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

Isaias 7:14

Natan, say Katawan itdan to ka na sakey a tanda: walay sakey a marikit a malokun tan mananak na sakey a laki tan ngaranan to na Emmanuel.

Mateo 1:23

“Manlokun so sakey a birhin, tan mananak na laki a tawagen day Emmanuel” (a say labay ton ibaga: “Say Dios walad sikatayo”).

Isaias 9:6

Dadi sikatayo nianak so sakey ya ogaw! Niiter ed sikatayo so sakey ya anak a laki! Sikatoy magmaliw a manoley tayo. Natawag a “Makapakelaw a Mananimbawa,” “Makapanyarin Dios,” “Andi-anggaan ya Ama,” “Prinsipi na Kareenan.”

Isaias 8:8

Delapen day intiron Juda, onaralem ya anggad takeb tan tabunan day amin a bengatla.” Say Dios walad sikatayo! Say akabuskag iran payak to iyaagel day dalin tayo.

2 Samuel 17:4

Akaliket si Absalom tan amin da ray pangulo na Israel ed sayan simbawa.

Genesis 21:22

Diad saman a panaon inawit nen Abimelec si Ficol a pangulo na saray sondalo to, linma rad kinen Abraham tan inkuanen Abimelec, “Walad sikay Dios ed antokaman a gagawaen mo.

Isaias 28:18

Magmaliw ya andi-kana so impisipanan yod patey, tan naderal so impipaknaan yod pasen a panaayaman da ray inaatey. Natumba kayon nibasig, no ondalan ed sikayoy deral.

Isaias 43:5

Ag ka natatakot—wala ak ed sika! “Manlapud bokig tan sagur pasempeten ko ray totoom.

Jeremias 42:11

Ag kayo la ontatakot ed ari na Babilonia. Ag yo tatakotan, ta wala ak ed sikayo; iyagel ta kayod pakayari to.

Jeremias 46:28

Dagoen ta kayo, ta iyagel ta kayo. Deralen koy amin a bansa ya angikaykayatan kod sikayo, balet ag ta kayo deralen. Andi-saew ya abuloyan kon nadusa kayo; balet no dusaen ta kayo, gawaen ko onung ed katonungan. Siak, say Katawan, so nansalita.”

Joel 3:9

“Ibawag yo ya ed saray bansa: ‘Mamparaan kayon mibakal; tawag yo ray bumabakal yo; pantitipon yo ray amin a sondalo yo tan mankurang kayo.

Saray Bilang 14:9

Ag kayo onsusumlang ed Katawan tan ag kayo ontatakot ed saray totoon manaayam diman. Mainomay tayo ran dakepen. Say Katawan kaolup to itayo tan tinalo to ray diriyos ya angyagel ed sikara; kanyan ag kayo natatakot.”

2 Saray Arari 6:12

Inmebat so sakey ed sikara, “Ang-gapod sikami, Kagalang ya Ari. Ibabaga nen propita Eliseo ed ari na Israel so anggan say ibabagam ed dalem na dilin kuartom.”

Saray Salmo 21:12

Panaen to ra; papoliktaren tan pabatiken to ra.

Saray Salmo 46:8

Gali dia, ta nengneng yoy ginagaway Katawan. Nengneng yo ray makapakelaw a ginagawa to diad tapew na dalin.

Isaias 14:27

Say Katawan a Makapanyarin-amin et ginetma to la yan gawaen; akaonat la so taklay ton manusa tan anggapoy makapatondad sikato.

Aggeo 1:13

Insan sinalita nen Aggeo ed saray totoo so impaibagad sikato na Katawan: “Siak so nakaiba yo—satan so sipan ko.”