Isaias 7:19 - Maung A Balita Biblia

¹⁹ Manayam irad saray patar a kawalaan na ankakabaleg a bato tan diad saray ongib ed kapalandeyan. Panatan da met ya amin iray masabit ya abeban kiew tan amin iray pastolan.

Maung a Balita Biblia

¹⁹ Manayam irad saray patar a kawalaan na ankakabaleg a bato tan diad saray ongib ed kapalandeyan. Panatan da met ya amin iray masabit ya abeban kiew tan amin iray pastolan.

Isaias 7:19 Referans Kwoze

Isaias 2:19

Onamut iray totood saray ongib na kapokdulan odino diad saray abut ed dalem na dalin, pian napaliisan day pasnuk na Katawan tan niamutan day pakayari tan kagalangan to, no sikatoy onsabi a manyegyeg ed mundo.

Jeremias 16:16

Say Katawan kuanto, “Mangibaki ak na saray amayamay a sumisigay a mangerel ed sarayan totoo. Insan mangibaki ak na saray amayamay ya umaanup a manganup ed sikara diad palandey tan pokdul, tan anggan diad saray abut ed saray ankakabaleg a bato.

Mikias 7:17

Manilos irad dabuk a singa oleg; ompaway irad saray tirinsira ra, manggiwgiw tan natatakot ira. Ondago ran sitatakot ed Katawan a Dios mi.

Isaias 2:21

No onsabiy Katawan a yegyegen toy dalin, saray onamut ed saray abut tan diad saray ongib ed kapokdulan iray totoo, pian napaliisan day pasnuk to tan niamutan day pakayari tan kagalangan to.

2 Saray Awaran 33:11

Kanyan inabuloyan na Katawan a looban na saray pangulo da ray sondalo na Asiria so Juda. Adakep day Manases, kinawetan da, binalur da na gansan golunggolung, insan da inawit ed Babilonia.

Mateo 7:16

Nabirbir yo rad panamegley na gawgawa ra. Ta say ubas ag naborbor ed kasabitan, tan say igos ag naborbor ed kiew ya aliwan igos.

Isaias 5:6

Paolyan kon natuboan na saray dika. Ag ko potut-potutay sanga to odino bukalkalen so dalin, no ag ingen paolyan kon kobutan na ambabaing tan arum nin masabit a dika. Iganggan ko ni ingen iray lorem ya ag da terteran na oran.”

Isaias 7:24

Saray totoo a sankaawit day pana ra et mananup irad man. On, magmaliw a kasabitan so intiron bansa.

Isaias 7:25

Amin da ray kapokdulan ya ataneman nen saman na saray tanaman et natuboan na amayamay a masabit a dika, kanyan anggapoy onlad man. Magmaliw lan pasen a panagpastolan na saray baka tan karniro.”

Isaias 55:13

Ontubo ray kiew a sipris ed pasen a kawalaan da ray sabitan natan; ontubo ray kiew a mirtil ed pasen a totobuan natan na saray ambabaing. Sikato yay tanda a mansiansia lawas, sakey a tanda a mangipanunot ed ginawak, siak a Katawan.”

Zacarias 10:8

“Tawagen ko ray totook tan pantitiponen ko ra. Ilaban ko ra tan pagmaliwen ko ran dakerakel a singa samay gendat a karakel da.