Isaias 65:6 - Maung A Balita Biblia

⁶ “Asumpal ko lan ninunot so dusa ra tan nisulat la so sintinsia ra. Ag ko palabasen so ginawa ra, no ag ingen singilen ko ra

Maung a Balita Biblia

⁶ Asumpal ko lan ninunot so dusa ra tan nisulat la so sintinsia ra. Ag ko palabasen so ginawa ra, no ag ingen singilen ko ra

Isaias 65:6 Referans Kwoze

Saray Salmo 50:3

Onsasabiy Dios tayo, balet aliwan mareen; walay manliub ya apoy ed arap to tan mabiskeg a bagyo ed kaliber-liber to.

Jeremias 16:18

Mamidway belat so dusan iter kod sikara, lapud kasalanan tan kaogsan da; dinotakan day dalin ko na saray talintaon anggapoy bilay a singa bangkay, tan pinano ra na saray tila-tilan diriyos.”

Saray Salmo 79:12

Katawan, bales mo pan mamimpito iray arum a bansa, lapud saray impanpapabaing dad sika.

Isaias 64:12

Katawan, ag natenyeg so pusom lapud saraya? Anggapoy gawaen mo tan panirapen mo kami na mapalalo?

Isaias 42:14

Say Dios kuanto, “Abayag a panaon ya ag ak inmeseesel; ag ko inebetan iray totook. Balet natan sinmabi lay oras na igalaw ko; oneeyag ak a singa biin mampapasakit.

Saray Salmo 50:21

Ginagawa yo ira yan amin, et anggapoy ibabagak, kanyan abaloan yon singa ak sikayo. Balet natan pamapasnukan ta kayo la, tan ipapalinew ko la yan pamaakaran ed sikayo.

Puyan 20:12

Anengneng ko met a manalalagey ed arap na trono iray inaatey, atagey man o abeba ed kipapasen. Alokasan iray libro, insan alokasan niy sakey a libro—say libro na bilay. Saray inaatey asintinsiaan ira onung ed saray ginagawa ra a nisulat ed saramay libro.

Malakias 3:16

Insan nantotongtong iray totoon walay takot dad Katawan. Dinmengel so Katawan ed sikara, et nadngel toy imbabaga ra. Diad arap to nisulat so sakey a libro a nipaakar ed saray tinmakot ed Katawan tan angigagalang ed sikato.

Joel 3:4

“Antoy gagawaen yod siak, sikayo ran taga Tiro, Sidon, tan amin a dalin a sakop na Filistia? Babayaran yo ak, lapud sakey a bengatla? No ontan so gagawaen yo, bayaran ta kayon tampol!

Ezekiel 22:31

Lapud saya, idapok ed sikara so pasnuk ko, tan singa panagderal na apoy so panderal kod sikara lapud saray ginagawa ra.” Say Katawan a Dios so nansalita.

Ezekiel 11:21

Balet dusaen ko ray totoon maliket a mangigalang ed saray marotak tan makapaingungot a talintao. Dusaen ko ra lapud saray ginagawa ra.” Say Katawan a Dios so nansalita.

Saray Salmo 56:8

Kabat mo so ontan lan kagugunigon ko; susukaten moy karakel na luak tan ililistam ira ed libro.

Deuteronomio 32:34

“Ag nalingwanan na Katawan so ginagawa na saray kalaban da; aalagaren toy manepeg a panaon a panusa tod sikara.

Exodo 17:14

Insan say Katawan kuantod kinen Moises, “Isulat mo yan impanalo, pian ag nalingwanan. Ibagam ed kinen Josue a sigput kon deralen iray Amalecita.”

Lucas 6:38

Mangiter kayod kapara yon too, pian mangiter met so Dios ed sikayo. Say iter na Dios ed sikayo et singa salup a pinatuk, pinerper tan mantampuwag. Ta no panoy panukat yod arum a too, ontan met so panukat na Dios ed sikayo.”

Saray Salmo 107:17

Saray arum a totoo et makulangkulang ira; maniirap ira lapud saray kasalanan da tan saray kaogsan da;

Saray Salmo 109:14

Nanunotan komun na Katawan iray kasalanay lalaki to, tan ag to pirdonaen iray kasalanay ina to.

Isaias 3:11

Balet pangaskasiyay kipapasen da ray totoon maoges; nagawad sikara so ginagawa rad arum a totoo.

Isaias 26:21

Say Katawan et onsasabin manlalapud mangatatawen a pasen ya ayaman to tan dusaen to ray totood mundo lapud saray kasalanan da. Nipaamta iray maamut ya impamatey diad tapew na dalin, tan say dalin ag to la iyamut iray apatey-patey.

Isaias 59:18

Dusaen to ray kalaban to onung ed saray ginawa ra, pati saray manaayam ed saray arawin dalin.

Isaias 66:6

Dengel kayo! Saman a baleg a tanul ed siudad, saman ya eyag ed Timplo et eyag na Katawan a manudusa ed saray kalaban to!

Ezekiel 9:10

Balet ag ko ra kasian; gawaen kod sikaray ginawa rad arum a totoo.”