Isaias 65:23 - Maung A Balita Biblia

²³ Onaligwas so antokaman a kimeyan da, tan ag nadalan na segsegang iray anak da. Bindisionan ko ra tan amin da ray kabyangay boleg da ed amin a panaon ya onsabi.

Maung a Balita Biblia

²³ Onaligwas so antokaman a kimeyan da, tan ag nadalan na segsegang iray anak da. Bindisionan ko ra tan amin da ray kabyangay boleg da ed amin a panaon ya onsabi.

Isaias 65:23 Referans Kwoze

Isaias 61:9

Ombantug irad saray bansa; Nakabatan na balang sakey a makanengneng ed sikara A sikaray totoon binindisionan ko.”

Saray Gawgawa 2:39

Ta insipay Dios yad sikayo tan saray anak yo, tan diad saray amin a walad arawi—amin a tatawagen na Dios a Katawan tayo.”

Isaias 55:2

Akin et gagastosen yoy kuarta yo ed antokaman ya ag makapenek? Akin et gagastosen yoy suildo yo, et siansian narasan kayo? Dengel yo ak tan gawa yoy ibabagak, et manliket kayo ed sankananaman iran kakanen.

Isaias 49:4

Inkuanko, “Nankimey ak, et anggapoy kabaliksan so impansagput ko! Inoput koy amin a biskeg ko, balet anggapoy agawaan ko.” Anggaman ontan napanmatalkan koy Katawan a mangyaalagey na kanepegan ko; tumangan to ak lapud saray gagawaen ko.

Aggeo 2:19

Anggaman ya anggapoy atilak ya ilik na trigo, tan ag ni nambunga iray ubas, igos, granada, tan oliba, balet bindisionan ta kayo.”

Genesis 17:7

“Tooren koy impisipanan kod sika tan saray kabyangay boleg mo diad arapen iran panaon, tan ipasen kon sakey ya andi-anggaan a sipanan. Siak so Dios mo tan siak so Dios na saray kabyangay boleg mo.

Genesis 12:2

Itdan ta kay amayamay a kabyangay boleg mo, tan magmaliw iran sakey a bansan matalonggaring. Bindisionan ta ka tan pagmaliwen kon bantug so ngaran mo, pian sikay pakabindisionan na arum a totoo.

1 CORINTO 15:58

Kanyan, inararok iran agagi, mansiansia kayon malet tan ag nagiing. Mankoli kayod panagkimey a para Katawan, ta amta yon ag nadarak so pansasagput yod Katawan.

Saray Taga Roma 4:16

No ontan sirin, say sipan niletneg ed pananisia, pian magmaliw a panangaroy Dios yan sipan tan andi-saew a nagamuran na amin a kabyangan na saray boleg nen Abraham aliwa labat a saray manangonur na Ganggan, no ag pati amin da ray mananisian singa si Abraham. Ta si Abraham so maispiritun ama tayon amin.

Malakias 3:10

Iyakar yod Timplo iray amin a kakaplo yo, pian walay daakan a pantaganod man. Subok yo ak, et nanengneng yon lokasan koy puirtay tawen tan ikalbok ed sikayo so daakan a bindision.

Aggeo 1:6

Nantanem kayoy dakerakel, balet dagdaiset so naani yo. Walay nanaakan yo, balet ag kayo napepesel. Walay nanainom yon alak, balet ag kayo napepenek! Walay ikakawes yo, balet ag napepetangan so laman yo. Ag makagenap a pambilay so nanaanap da ray kumikimey a miuupa.

Levitico 26:29

Mapalaloy kaerasan yo kanyan kanen yo lay anggan saray dilin anak yo.

Levitico 26:22

Mangibaki ak ed sikayo na saray masebeg ya ayayep ed takel, tan pateyen da ray anak yo, deralen da ray baka yo, tan lapud dagdaiset ed sikayo so ikera ra magmaliw a begtebegtew iray dalan yo.

Levitico 26:20

Anggapoy nagonggona yod pinasian pansagput yo, lapud ag mangiter na bunga so dalin yo tan ag mambunga so kakiewan yo.

TAGA GALACIA 3:29

No kayaryan kayo nen Cristo, kabyangan ki sirin na saray apo nen Abraham, tan tumatawir kayoy insipay Dios.

Isaias 44:3

“Itdan ko na danum so amagamagan dalin tan paagosen ko so kinmelang a dalin na sobul na danum. Ikalbok ed saray anak mo so ispirituk; iter kod saray kabyangay boleg mo so bindision ko.

Isaias 66:22

“No panon a say balon mundo tan say balon katawenan et mansiansia ra lapud pakayarik, ontan met a mansiansia ray kabyangay boleg yo tan say ngaran yo.

Say Libro nen Job 21:8

Naimatonan dan ombabaleg iray anak da tan saray apo ra.

Ezekiel 36:29

Iyagel ta kayod antokaman a pakadotakan yo. Iganggan ko ray trigo a mamparakel ira, pian ag kayo la nadalan na eras.