Isaias 65:12 - Maung A Balita Biblia

¹² Makapataktakot ya ipapatey so pansumpalan yo, lapud ag kayo inmebat nen tinawag ta kayo odino dinmengel nen nansalita ak ed sikayo. Nilabay yoy onsumpad siak tan say panggaway kaogsan.

Maung a Balita Biblia

¹² Makapataktakot ya ipapatey so pansumpalan yo, lapud ag kayo inmebat nen tinawag ta kayo odino dinmengel nen nansalita ak ed sikayo. Nilabay yoy onsumpad siak tan say panggaway kaogsan.

Isaias 65:12 Referans Kwoze

Jeremias 7:13

Ginagawa yo ra yay kasalanan a binitlak. Anggaman ya akisalita ak ed sikayon amimpiga-piga, ag kayo dinmengel. Ag kayo inmebat nen tinawag ta kayo.

Isaias 50:2

“Akin et ag inmebat iray totook nen linma ak a mangilaban ed sikara? Akin et ag ira inmebat nen tinmawag ak? Makapoy ak ta a mangilaban ed sikara? Diad sakey a ganggan ko napaekat koy dayat tan magmaliw a kalawakan iray ilog, et ompatey iray sirad man lapud kakulangay danum.

Juan 1:11

Linmad dilin bansa to, balet ag inawat na saray dilin totoo to.

Mateo 22:7

Mapalaloy pasnuk to may ari. Imbaki to ray sondalo to tan pinatey da met iray amatey ed saramay aripen, insan da pinoolay siudad da.

Mateo 22:3

Imbaki to ray aripen to a tawagen da ray totoon naimbitaan, balet ag da labay so ondago.

Zacarias 7:7

Sikato yay imbaga na saray inmonan propita sanen maaligwas so Jerusalem tan sikatoy napno na saray totoo tan sanen amayamay iray totoo a manaayam ed saray baley a kaliber-liber na siudad tan diad bandad abalaten tan diad alusadsar na kapokdulan ed bandad sagur.

Jeremias 34:17

Kanyan natan, siak, say Katawan, kuanko ya ag yo ak inonur; ag yo initdan na kawayangan iray kapara yon Israelita. Sigi sirin, itdan ta kayoy kawayangan: say kawayangan ya ompatey ed bakal, salot tan eras. Gawaen koy amin a bansa ed intiron mundo a nataktakot lapud gawaen kod sikayo.

Jeremias 18:21

Balet natan, Katawan, gawam pan ompatey ed eras iray anak da; ipapatey mo pa rad bakal. Iyabuloy mo pan nabalo ray bibii tan naandid mundo ray anak da; gawam pan ompatey ed salot iray lalaki, tan diad bakal iray lalakin walad kalangweran.

Jeremias 16:17

Nanenengneng koy amin a gagawaen da. Anggapoy antokaman ya akaamut ed siak; ag makapaliis ed pakanengneng ko iray kasalanan da.

Isaias 65:3

Anggapoy baing dan mamapapetang na olok. Mangisasaklang iray bagat ed saray masanton tanamanan tan mampopool iray insinso ed tapew na saray altar a panangigalangan na saray pagano.

Isaias 41:28

Nen nananap ak ed saray diriyos, anggapoy nibaga na anggan siopad sikara; anggapod sikaray makaebat ed saray tinepet ko.

Isaias 27:1

Diad satan ya agew ipakana na Katawan so makapanyari tan makapatey ya ispada to a panusa ed Libiatan, say mambalbalikerker tan mampoppotipot a dragon, tan pamatey ed dragon a manaayam ed dayat.

Isaias 10:4

Napatey kayo ed bakal odino naala kayon priso. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Isaias 3:25

Saray lalakid siudad, anggan antoy biskeg da et napatey irad bakal.

Isaias 1:16

Orasan yoy sikayon dili. Tondaan yoy amin a kaogsan a nanenengneng kon gagawaen yo. On, tondaan yo lay panggagawa yoy kaogsan

Deuteronomio 32:25

Dakel iray ompatey ed daladalan lapud bakal; onsabiy takot ed dalem na kaabungan. Ompatey iray tobun-balon lalaki tan bibii; ag makapaliis ed patey iray mansusoson ogogaw tan saray mamasiken.

Levitico 26:25

Ipadalan kod sikayoy bakal a panusak ed sikayo lapud impaneral yo ed impisipanan kod sikayo, tan no mamtitipon kayon onamut ed dalem na saray siudad yo ipadalan kod sikayoy salot, et napasoot kayon onsuko ed saray kalaban yo.

Isaias 1:20

Balet no ipolisay tan labanan yo ak, andi-duaruwan ompatey kayo. Siak, say Katawan, so nansalita.”

Isaias 34:2

Mamapasnuk so Katawan ed amin da ray bansa tan amin a sondalo ra. Sinintinsiaan to la ran napatey.

Isaias 34:5

Say Katawan imparaan tod tawen so ispada to, tan natan nitipas ed Edom, diad saray totoon sinintinsiaan ton ompatey.

Isaias 34:6

Naames so ispada to na dala tan taba ra a singa dala tan taba na saray nibagat a kordiro tan kanding. Mangibagat so Katawan ed siudad na Bosra; gawaen to ya a pamatey na dakerakel a totoo ed dalin na Edom.

Isaias 63:6

Diad pasnuk ko ginagatinan ko ray amin a bansa tan tinetemek ko ra. Imbung kod dalin so dala ra.”

Isaias 66:16

Diad panamegley na apoy tan ispada dusaen to ray amin a totood mundo a narumog ton walay kasalanan—amayamay ed sikaray napatey.

Jeremias 7:27

“Kanyan, Jeremias, salitaen mo ra yad saray totook, balet ag da ka dengelen; tawagen mo ra, balet ag da ka ebatan.

Jeremias 35:17

Kanyan, siak, say Katawan a Makapanyarin-amin a Dios na Israel, iyakar kon amin iray insipan kon deral ed sikayo ran totood Juda tan Jerusalem. Gawaen ko ya, ta ag kayo dinmengel nen akisalita ak ed sikayo, tan ag yo ak inebatan nen tinawag ta kayo.”

Mikias 5:15

Lapud mapalalon pasnuk ko ombawi ak ed amin da ray bansa ya ag inmonur ed siak.”

Isaias 59:15

Nanaandipat lay amin ya inkatoor kanyan siopamay ontondan manggaway kaogsan et sikato so panggawaan day kaogsan.” Anengneng ya na Katawan, et naermenan lapud inkaandi na inkatonung.