Isaias 64:4 - Maung A Balita Biblia

⁴ Anggapo niy akanengneng odino akadngel na nipaakar ed Dios a singa sika, a manggagawa na onman iran gawa para saray maniilalod sika.

Maung a Balita Biblia

⁴ Anggapoy niy akanengneng odino akadngel na nipaakar ed Dios a singa sika, a manggagawa na onman iran gawa para saray maniilalod sika.

Isaias 64:4 Referans Kwoze

Saray Salmo 31:19

Makapakelaw a tuloy so kamaungan ya igaganam ed saray mangigagalang ed sika! Kabat na amin a totoo so ontan lan kamaungan mo, say ontan lan panangyagel mod kaatapan ed saray manmamatalek ed sika.

Santiago 5:7

Kanyan, agagik, mananos kayo anggad isabiy Katawan. Imano yoy dumaralus. Aanosan ton maung ya alagdey mabmabli ran bungay dalin a daralusan to, tan say iterter na onaan tan kaonuran ya oran.

Isaias 25:9

No nagawa la ya, say balang too ikuanto, “Sikatoy Dios mi! Nanmatalek kami ed sikato, kanyan inyagel to kami. Sikato so Katawan! Nanmatalek kami ed sikato, et natan maliket tan magayaga kami lapud inyagel to kami.”

Saray Salmo 130:5

Ontan lay panaalagar koy tulong na Katawan, tan manmamatalek ak ed salita to.

Genesis 49:18

“Manalagar ak na panangilaban mo, Katawan.

Juan 14:3

Kayariy iyakar ko tan pangiparaan koy panayaman yo, ompawil ak dia, tan awiten ta kayo pian manayam kayo ed kawalaan ko.

Saray Hebreo 11:16

Balet say pampipilalekan da say magmaung a bansa—say mangatatawen a bansa. Kanyan ag imbaing na Dios a sikatoy tawagen da a Dios da, ta imparaanan to ray sakey a siudad.

1 Timoteo 3:16

Anggapoy makapangibori no panoy kabaleg na niamut a katwaan na rilihion tayo. Sikatoy pinmanengneng a sakey a too, pinaneknekan na Ispiritu a sayan too et maptek, tan anengneng na saray anghil. Nipulong ed nandoroman bansa, sinisia na saray katoowan, tan niatagey ed tawen.

Mateo 25:34

Insan ikuay Ari ed saramay walad nikawanan, ‘Gali dia, sikayo ran binindisionay Amak! Tawir yoy panarian a niparaan a para sikayo, nanlapu lad inkiletneg na mundo.

Isaias 30:18

Anggaman ontan, manaalagar so Katawan a mangasid sikayo. Sipaparaan a mangasid sikayo lapud matonung lawas so gagawaen to. Maliket iray totoon manmamatalek ed Katawan.

Saray Taga Roma 8:19

Pampilpilalekay amin a pinalsa so pangipatnag na Dios ed saray anak to.

Saray Salmo 62:1

Aanosan kon aalagarey pangilaban na Dios ed siak; sikato labat so panmamatalkan ko.

1 Juan 4:10

Sayay labay kon ibaga a panangaro: aliwan say panangaro tayod Dios, no ag ta say panangaro na Dios ed sikatayo nen imbaki toy Anak ton nibagat a makapaandi na kasalanan tayo.

1 CORINTO 1:7

kanyan amin a bindision aawaten yo, legan ya aalagden yon ompanengneng so Katawan tin Jesu-Cristo.

Lucas 2:25

Walay lakin manaayam ed Jerusalem a say ngaran to et Simeon. Matonung tan maasingger ed Dios yan too, tan aalagaren to a nilaban so Israel. Walad sikatoy Ispiritu Santo

1 TESALONICA 1:10

Tan natan aalagaren yo ya onsabi a manlapud tawen so Anak to, a si Jesus a pinaoli tod bilay, tan sayan Jesus so mangilalaban ed sikatayo ed onsabin pasnuk na Dios.

Isaias 40:31

Balet napasimbalo so biskeg na saray manmamatalek ed Katawan. Onalagey iran nampayak a singa agila; mambatik ira, et ag ira napunaw; manakar ira, et ag ira onkapoy.

Isaias 66:8

Wala ta lay akanengneng o akadngel na nipaakar ed sayan inkagawa? Nianak kasi ed sanagew so sakey a bansa? Ag la nepeg a manirap a mabayag so Sion, kasakbayan a niletneg so bansa.

Esdras 9:7

Nanlapu lad panaon na saray lalaki mi ya anggad natan, ontan la so impankakasalanan da ray totoom. Lapud saray kasalanan mi, sikami, saray arari mi tan saray papari mi et naplag kamid lima da ray ararid arum a bansa, tan pinapatey, tinatakewan, tan inyaakar da kami ed arum a bansa. Asigsigput kamin naplag ed kababaingan a singa kipapasen mi nin anggad natan.

Saray Salmo 103:18

diad saray matoor ed impisipanan to tan mangoonur na saray ganggan to.

Isaias 59:12

“Katawan, amayamay iray kaogsan a ginagawa mi sumpad sika. Aakusaen kami na saray kasalanan mi. Malinew so pakaamta mid saray kasalanan mi.

Daniel 9:5

“Nankasalanan kami, maoges kami, makapoy iray ginagawa mi. Sinumlang tan impolisay mi ray ganggan mo tan saray bilin mod sikami.

Daniel 9:8

Makapabaing so ginagawa na saray arari mi, saray manoley mi, tan saray lalaki mi; nankasalanan irad sika, O Katawan.

Daniel 9:15

“O Katawan a Dios mi, lapud pakayarim impaway mod Egipto iray totoom, tan ag nalingwanan ya anggad natan so pakayarim. Nankakasalanan kami; maoges iray ginagawa mi.

Oseas 7:7

“Diad inliub na petang na olo ra pinatey da ray manoley da. Impansosoblayan dan pinapatey iray arari ra, et anggapoy kinmerew ed siak na tulong.”

Zacarias 10:9

Anggaman ya intaytayak ko ra ed saray bansa, nanunotan da ak diman ed arawin lugar. Sikara tan saray anak da et makapaliis irad patey tan mambabansag iran ompawil ed bansa ra.