Isaias 63:19 - Maung A Balita Biblia

¹⁹ Ipapasen mon singa ag mo kami inoleyan a balut, singa ag kamin balut totoom.

Maung a Balita Biblia

¹⁹ Ipapasen mon singa ag mo kami inoleyan a balut, singa ag kamin balut totoom.

Isaias 63:19 Referans Kwoze

TAGA-EFESO 2:12

Nunot yon asian kid Cristo ed saman a panaon, aliwa kayon kabyangay baley na Israel, tan anggapoy pinanabang yod saray sipanan a niletneg ed saray sipay Dios ed saray totoo to. Mambibilay kid saman ya anggapoy ilalo tan anggapoy Dios.

Saray Taga Roma 9:4

Israelita ra tan pinili na Dios iran totoo to. Ginawa to ran anak to tan impinabang to rad kagalangan to. Akisipanan ya amimpiga so Dios ed sikara tan inter tod sikaray Ganggan. Walad sikaray matwan panagdayew ed Dios, tan inawat da ray sipan na Dios.

Saray Gawgawa 15:17

Et diad onya ondagod siak ya amin iray katoowan, amin da ray Hintil a tinawag kon kayaryanen.

Saray Gawgawa 14:16

Nen saman, pinaolyan na Dios a manggaway labalabay da iray amin a totoo.

Amos 9:12

Kanyan naala na saray totood Israel so akeraan ed dalin na Edom tan amin da ray bansan kayaryan ko ra nen saman,” kuay Katawan a mangyabuloy a nagawa ra ya.

Isaias 65:1

Say Katawan kuanto, “Sipaparaan ak ya ondengel ed saray pikakasi da ray totook, balet ag ira nampikasi. Sipaparaan ak a naalmo ra, balet ag da anggan sinaliy nananap. Ag nampikasid siak so bansa, anggaman ya akaparaan ak ya onebat na ‘Wadya ak ya ontulong ed sikayo.’

Saray Salmo 135:4

Pinili ton para sikaton dili si Jacob, saray totood Israel.

Saray Salmo 79:6

Pampasnukan mo pa ray bansan ag mangigagalang ed sika, saray totoon ag mampipikasid sika.

Jeremias 10:25

Idapom pa so pasnuk mo ed saray totoon ag mangigagalang ed sika, tan diad saray totoon mangipopolisay ed sika. Pinapatey da ray totoom; sigput da kamin dinederal, tan dinederal day bansa mi.

Isaias 63:18

Sikami ran masanton totoom et apataynan kami ya agano na saray kalaban mi; ginagatinan day santuariom.

Isaias 64:1

Akin et ag mo gaygayen so tawen, insan ka onlasur? Nanengneng ka na kapalandeyan tan onyegyeg irad takot da.

Jeremias 14:9

Akin et singa ka toon abiglaan, singa sakey a sondalon ag makatulong? Andi-duaruwan wala kad sikami, Katawan! Sikami ray totoom; ag mo kami pa ikakaindan.’”

Deuteronomio 28:10

Diad satan nanengneng na amin a katoowan ed intiron mundo a say Katawan pinili to kayon dilin totoo to, et ontakot irad sikayo.

Saray Huis 5:4

Katawan, nen tinaynan moy kapalandeyan na Seir, nen pinmaway ka ed dalin na Edom, ayegyeg so dalin, tan pinmelag so oran a nanlapud tawen. On, nikalbo so danum a nanlapud saray lorem.

Saray Huis 5:5

Saray kapalandeyan ayegyeg ira ed arap na Katawan na Sinai, diad arap na Katawan a Dios na Israel.

2 Samuel 22:10

Inlokiab toy tawen insan inmakseb, walay makapal a lorem ed silong na saray dapan to.

Saray Salmo 18:10

Kinmabayod kirubin to, insan tinmikyab; linmogan ed saray payak na dagem.

Daniel 9:18

Dengel mo kami pa, O Dios; nengneng mo kami tan imanom so gunigon mi tan say paniirap na siudad ya atawag ed ngaran mo. Mampipikasi kamid sika, aliwan lapud matonung kami no ag ingen lapud mapangasi ka.

Daniel 9:19

Katawan, dengel mo kami pa. Katawan, pirdona mo kami pa. Katawan, talineng mo kami pa tan galaw ka pa! Ag ka pa manaabala, O Katawan, pian naamtaan na amin a totoo a sika so Dios! Kayaryan mo yan siudad tan sarayan totoo.”