Isaias 63:15 - Maung A Balita Biblia

¹⁵ Katawan, manlapud tawen a panaayaman mo ed inkasantom tan kagalangan mo, nengneng mo kami pa. Iner so kawalaay baleg a panangimasakit mod sikami? Iner so kawalaay pakayarim? Kawalaay panangarom tan panangasim? Ag mo kami pa ibebeneg.

Maung a Balita Biblia

¹⁵ Katawan, manlapud tawen a panaayaman mo ed inkasantom tan kagalangan mo, nengneng mo kami pa. Iner so kawalaay baleg a panangimasakit mod sikami? Iner so kawalaay pakayarim? Kawalaay panangarom tan panangasim? Ag mo kami pa ibebeneg.

Isaias 63:15 Referans Kwoze

Jeremias 31:20

“Israel, sikay pinablik ya anak, say anak kon inararo. Kapag bitlaen koy ngaran mo, nununoten ta ka a katekep na panangaro. Milmilay linawak ed sika; andi-duaruwan kasian ta ka.

Deuteronomio 26:15

Manlapud tad masanton pasen ed tawen osdungan mo pa ray totoom ya Israelita tan bindisionan mo ra; bindisionan mo pa met so mayaman tan mataban dalin ya inter mod sikami onung na insipan mod saray lalaki mi.’

Oseas 11:8

“Panon toy isawak ed sika, Israel? Panoy pangikaindan kod sika? Nayarian ta ka kasin deralen a singa ginawak ed Adma, tan Zeboim? Ag iyabuloy na pusok a gawaen ko ya! Lalon onlalaknab so panangarok ed sika.

Saray Salmo 123:1

Katawan, ontatangay ak ed sika, ditad tawen a panooleyan mo.

Saray Salmo 80:14

Lingaw mo kami pa, O Dios a Makapanyarin-amin! Manlapud tawen osdungan mo kami pa; gala pa ta ilaban mo ray totoom!

Saray Salmo 33:14

Manlapud panooleyan ton pasen, uusdongan ton amin iray manaayam ed tapew na dalin.

1 Juan 3:17

No mayaman so sakey a too tan sankanengneng ton maniirap so agi to et ag to kasian a tulongan, panoy pangibaga ton inaro toy Dios?

FILIPOS 2:1

Pabibiskegen kayo kasiy bilay yod Cristo? Liligliwaen kayo kasiy aro to? Wala kasiy pikakasakey yod Ispirito? Mankakasiyan tan manaarowan kayo kasi?

Lucas 1:78

Maaro tan mapangasiy Dios tayo. Iwandag toy maliwliwawan agew na kilalaban ed sikatayo,

Saray Tagleey 3:50

Ya anggad osdungan a nengnengen itayo na Katawan a walad tawen.

Isaias 66:1

Say Katawan kuanto, “Say tawen so tronok tan say dalin so toonan na salik. Anton klasiy abung sirin so ipaalagey yon para siak, anton klasiy pasen so panayaman ko?

Isaias 63:9

amin a kairapan da. Aliwan anghil, no ag ta say Katawan, so angilaban ed sikara. Lapud panangaro tan panangasi to dinondon to ra. Nen imbeneg iran panaon inaasikaso to ra lawas,

Isaias 59:17

Isolung ton singa kawes a mital ed pagew to so inkatonung, tan singa hilmit so pakayarin mangilaban. Kawesan toy sikaton dili na ontan lan pampilalek a mametek ed saray pikewet tan say panusa tan pamales ed saray maoges a paniirapan na saray totoo.

Isaias 57:15

“Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Isaias 49:15

Kanyan say Katawan oneebat, “Nalingwanan ta na ina so mansususon anak to tan ag to aroen so ogaw ya inyanak to? Anggan nalingwanan na ina so anak to, siak ag ta kayon balut nalingwanan.

Isaias 26:11

Ag amta na saray kalaban mo a dusaen mo ra. Katawan, ipelag mo pa rad kababaingan tan panliknam pa ray kairapan; ipaliknam ed sikaray dusan imparaan mo. Ipanengneng mo pad sikara so ontan lan panangarom ed saray totoom.

Isaias 9:7

Onlaknab lan onlaknab so pakaoley ton ari, mansiansian mareen so panarian to, Manoley a kasalat nen Ari David, tan iletneg tod kaptekan tan katonungan so pakayari to, manlapud natan ya anggad angga. Andi-saew a sumpalen ya amin na Makapanyarin-amin a Katawan.

Saray Salmo 89:49

Katawan, kawalaan da ray pakapatnagay panangarom nen saman? Kawalaan da la ra may insipan mod kinen David, lapud inkatoor mo?

Saray Salmo 25:6

Katawan, nunot mo pay panangasim tan say ag mangoman a panangarom ya abayag mo lan impanengneng.

2 Saray Awaran 30:27

Kinerew na saray papari tan saray Levita a bindisionan komun na Katawan iray totoo. Nadngel na Dios a manaayam ed tawen so pikakasi ra et inawat to ra.

1 Saray Arari 8:27

“Balet tua kasin makapanayam ka ed tapew na dalin, O Dios? Ag ka nakarga na anggan say intiron tawen; panon ko sirin a kargaen na sayan Timplon impaalagey ko?

Saray Salmo 68:5

Say Dios a manaayam ed masanton Timplo to et aasikasoen to ray olila tan iyaagel to ray bibiin balo.

Isaias 16:11

Manoogaog ak ed ermen lapud agawad Moab tan Kir-hareset.

Isaias 37:32

Wala ray mansiansian mabilay a totood Jerusalem tan Palandey na Sion, ta ginetma la na Makapanyarin-amin a Katawan a gawaen to yan andi-saew.”

Isaias 42:13

Say Katawan ompapaway a milaban a singa sondalon mibabakal; akaparaan tan mampilalek a mibakal. Oneeyag na eyag na bakal; ipapanengneng toy pakayari to sumpad saray kalaban to.

Isaias 64:12

Katawan, ag natenyeg so pusom lapud saraya? Anggapoy gawaen mo tan panirapen mo kami na mapalalo?

Joel 2:18

Insan say Katawan impanengneng toy panagnunot tod dalin to; walay panangasi tod saray totoo to.

Saray Salmo 77:10

Insan inkuanko, “Say paneermenan kon tuloy et saya: aliwa lan makapanyari so Dios.”

Saray Salmo 80:15

Gala pa ta ilaban mo yan ubas ya intanem mo, sayan malangwer nin ubas a pinabaleg mon mabisbiskeg!