Isaias 63:14 - Maung A Balita Biblia

¹⁴ Say Katawan impanpainawa to ra tan singa ra bakan niakar ed patar a malambut a pastolan. Inwanwan to ray totoo to tan diad onya apagalangan so ngaran to.

Maung a Balita Biblia

¹⁴ Say Katawan impanpainawa to ra tan singa ra bakan niakar ed patar a malambut a pastolan. Inwanwan to ray totoo to tan diad onya apagalangan so ngaran to.

Isaias 63:14 Referans Kwoze

Isaias 63:12

Kawalaan na Katawan a diad pakayari to et nanggawa na saray ankabaleg a pakelaw diad panamegley nen Moises, binelsay toy danum ed dayat tan inwanwan ton binmaliw iray totoo to ed aralem a danum, pian makagamur na ag manganggan kagalangan to?” Diad panangiwanwan na Katawan, singa ra kabayod katakelan ya ag balut natumba.

Josue 23:1

Kalabas na abayag a panaon kasumpal to ya, impanari na Katawan so kareenan ed dalin na Israel. Masikesiken lad saman si Josue,

TAGA-EFESO 1:12

Sikami sirin ya onaan a nanilalod Cristo, itanduro miy kagalangan na Dios!

TAGA-EFESO 1:6

Igalang tayo lapud makapakelaw a panangaro ton inter tod sikatayo diad panamegley na inararo ton Anak!

Lucas 2:14

“Galang ed Dios ed tawen a sankatageyan, tan diad dalin kareenan ed saray totoon pakaliliketan to!”

Nehemias 9:5

Saray onggendan a Levita tinawag dan mangigalang iray totoo: Jesua, Cadmiel, Bani, Hasabnias, Serebias, Hodias, Sebanias, tan Petahias. Inkuanda: “Alagey kayo tan idayew yoy Katawan a Dios yo; idayew yo ed ando lan ando! Idayew komun na balang sakey a too sa mapagalang a ngaran to, anggaman ya aliwan nagnap so panangigalang na too.”

1 Saray Awaran 29:13

Pisalamatan mi ka natan, O Dios mi, tan idayew mi so mapagalang a ngaran mo.

2 Samuel 7:23

Anggapoy arum a bansa diad tapew na dalin a miparad Israel. Inyagel mod inkaaripen iray Israelita tan ginawam ira a totoom. Diad panamegley na saray ankabaleg tan makapakelaw a ginagawam para sikara, kinmayat ed intiron mundo so dayew mo. Pinataynan mo ray taga arum a bansa tan saray diriyos da legan a mankukurang iray totoom, saray totoon impaway mod Egipto pian nakayaryan mo ra.

Josue 22:4

Onung na insipan na Katawan a Dios yo initdan to na kareenan iray kapara yon Israelita. Sempet kayo natan sirin ed dalin a kayaryan yo, say dalin ed bokig na Jordan ya inter ed sikayo nen Moises ya aripen na Katawan.

Saray Bilang 14:21

Balet isipan ko a legan a mabilay ak tan legan a papanoen na kagalangan ko so mundo,

Saray Bilang 9:23

Inlira tan inyalis day kampo ra diad panangonur dad saray ganggan na Katawan diad panamegley nen Moises.

Deuteronomio 32:12

Say Katawan a bukor so angiwanwan ed saray totoo to ya anggapoy tinmulong a dios na arum a bansa.

Josue 21:44

Say Katawan impanari to so kareenan ed intiron dalin onung na insipan tod saray lalaki ra. Anggapoy anggan sakey ed amin a kalaban da ray Israelita so analod sikara, ta impanalo ra na Katawan.

Isaias 55:13

Ontubo ray kiew a sipris ed pasen a kawalaan da ray sabitan natan; ontubo ray kiew a mirtil ed pasen a totobuan natan na saray ambabaing. Sikato yay tanda a mansiansia lawas, sakey a tanda a mangipanunot ed ginawak, siak a Katawan.”

Jeremias 32:20

Nanggawa ka na saray milagro tan pakelaw ed dalin na Egipto. Itutuloy mo ra yan gagawaen ya anggad sarayan agew, diad Israel tan diad saray arum a bansa, kanyan anggan iner a pasen kabat ka na saray totoo.

Aggeo 2:5

Nen pinmaway kayod Egipto insipan kon siak so kaiba yo lawas. Siak ni so kaiba yo, kanyan ag kayo natatakot.