Isaias 63:12 - Maung A Balita Biblia

^12-13 Kawalaan na Katawan a diad pakayari to et nanggawa na saray ankabaleg a pakelaw diad panamegley nen Moises, binelsay toy danum ed dayat tan inwanwan ton binmaliw iray totoo to ed aralem a danum, pian makagamur na ag manganggan kagalangan to?” Diad panangiwanwan na Katawan, singa ra kabayod katakelan ya ag balut natumba.

Maung a Balita Biblia

^12-13 Kawalaan na Katawan a diad pakayari to et nanggawa na saray ankabaleg a pakelaw diad panamegley nen Moises, binelsay toy danum ed dayat tan inwanwan ton binmaliw iray totoo to ed aralem a danum, pian makagamur na ag manganggan kagalangan to? Diad panangiwanwan na Katawan, singa ra kabayod katakelan ya ag balut natumba.

Isaias 63:12 Referans Kwoze

Exodo 15:16

Takot tan kebyew so niwalad sikara. Nanengneng day biskeg mo, O Katawan, et mampotiy bosaleg dan mantanyareg, anggad makadalan iray totoom ya inagwat mod inkaaripen.

Saray Salmo 78:13

Binelsay toy dayat tan pinadalan to ra; pinaalagey ton singa padir so danum.

Josue 3:16

tinmondan onagos so danum na ilog tan agilon ed bandad tagey so danum, diad Adan, say siudad a kaabay na Zaretan. Say agos a mampalasur ed Inatey a Dayat et sigput a tinmonda kanyan saramay totoo et akabaliw irad abay na Jerico.

Isaias 55:13

Ontubo ray kiew a sipris ed pasen a kawalaan da ray sabitan natan; ontubo ray kiew a mirtil ed pasen a totobuan natan na saray ambabaing. Sikato yay tanda a mansiansia lawas, sakey a tanda a mangipanunot ed ginawak, siak a Katawan.”

Saray Salmo 80:1

Dengel mo kami pa, O Pumapastol na Israel; talineng mo kami pa, sika a pangulo da ray karnirom. Sika a manyodyorung ed tronom diad tagey da ray kirubin,

Nehemias 9:11

Benelsay mo so dayat para saray totoom insan mo ra impanakar ed pinamagam a dayat. Impalner mod aralem a danum iray angosil ed sikara; singa ra baton linmereg ed madaluyon a dayat.

Isaias 11:15

Say Katawan paekatan toy Dayat na Suez tan mangyakar na ampetapetang a mabiskeg a dagem a mamaekat na Ilog na Eufrates; pitoran ankekelag a kolus labat so nakeraan, kanyan nayarin manakar ya ombaliw so siopaman.

Exodo 15:13

Saray totoom ya inyagel mo et inwanwan mo ra lapud ag mangoman a panangarom; diad panamegley na biskeg mo inwanwan mo ran amaarap ya anggad masanton dalin mo.

Exodo 15:6

“Say kawanan a limam, O Katawan, et walaan na makapakebyew a pakayari; bingbingkasen to ray kalaban.

Saray Taga Roma 9:17

Ta onung ed Masanton Sulat say Dios kuantod ari na Egipto, “Ginawa ta kan ari, pian diad panamegley mo, nipanengneng koy pakayarik tan nibawag so ngaran ko ed intiron mundo.”

Exodo 6:6

Kanyan ibagam ed saray Israelita a sayay kuankod sikara, ‘Siak so Katawan; iyagel ta kayo tan ibolus ta kayo ed pangaaripen na saray Egipsio. Ipakanak so pakapanyarik diad pangiter kod sikara na makapataktakot a dusa, balet iliktar ta kayo.

Isaias 43:16

Nen saman a panaon, say Katawan nanggaway dalan a binmeltang ed dayat, say dalan ed madaluyon a danum.

Isaias 51:10

Sika met so amaekat ed dayat tan nanggawa kay dalan a binmeltang ed dayat, pian makadalan ira may iyaagel mo.

Jeremias 31:32

Aliwan singa samay impisipanan kod saray lalaki ra nen intabin ko ran impaway ed Egipto. Aliwa ran matoor ed saman a sipanan, anggaman ya alimbawak so sakey ya asawan laki ed sikara.

Jeremias 32:20

Nanggawa ka na saray milagro tan pakelaw ed dalin na Egipto. Itutuloy mo ra yan gagawaen ya anggad sarayan agew, diad Israel tan diad saray arum a bansa, kanyan anggan iner a pasen kabat ka na saray totoo.

Nehemias 9:10

Nanggagawa ka na saray makapakelaw a milagro sumpad ari na Egipto, sumpad saray opisyal to tan saray totood nanarian to lapud amtam no panoy impamapairap dad saray totoom. Binmantug kad saman tan bantug ka ni ya anggad natan.

Isaias 44:27

Diad sakey a ganggan ko namamagaan so dayat.

Jeremias 32:21

Diad panamegley na saray milagro tan pakelaw ya anaktakot ed saray kalaban mi, inkanam so pakayarim tan biskeg mo diad impangipaway mod Egipto na saray totood Israel.