Isaias 63:11 - Maung A Balita Biblia

¹¹ Balet kabebekta anunotan da ray apalabas ya agew nen Moises ya aripen na Katawan, tan tinepet da, “Iner natan so kawalaan na Katawan ya angilaban na saray pangulo da ray totoo to ed kalener dad dayat? Kawalaan na Katawan ya angiter ed kinen Moises na ispiritu to?

Maung a Balita Biblia

¹¹ Balet kabebekta anunotan da ray apalabas ya agew nen Moises ya aripen na Katawan, tan tinepet da, Iner natan so kawalaan na Katawan ya angilaban na saray pangulo da ray totoo to ed kalener dad dayat? Kawalaan na Katawan ya angiter ed kinen Moises na ispiritu to?

Isaias 63:11 Referans Kwoze

Saray Bilang 11:17

Onakseb ak tan mitongtong ak ed sikad man, insan mangala ak ed ispiritun inter kod sika tan iter kod sikara. Diad satan natulongan da kan mangasikaso ed sarayan totoo, et ag mo la bukor so mangasikaso.

Aggeo 2:5

Nen pinmaway kayod Egipto insipan kon siak so kaiba yo lawas. Siak ni so kaiba yo, kanyan ag kayo natatakot.

Saray Salmo 77:20

Diad panangipangulo di Moises tan Aaron, singa ka pumapastol ya angiwanwan ed saray totoom.

Saray Bilang 11:25

Insan inmakseb a walad lorem so Katawan tan akisalitad kinen Moises. Angala ed ispiritu ya inter tod kinen Moises tan inter tod sikara. Nen dinmapod sikara so ispiritu, ginapwan day inmeyag a singa saray propita, balet ag nambayag.

Exodo 14:22

tan nanakar ed amagan dalin iray Israelita diad imbaliw dad dayat; dinmalan irad nampegleyan na duaran padir a danum.

Zacarias 4:6

Samay anghil imbaga tod kinen Zorobabel ira yan salita na Katawan: “Mampalabo ka, aliwan lapud pakapanyari na saray sondalo odino lapud dilin biskeg mo, no ag ingen lapud ispirituk.

Saray Bilang 11:29

Inmebat si Moides, “Nununoten mo so pankaabigan ko? Oy la komun a say Katawan et iter tod amin a totoo to so ispiritu to tan paeyagan to ran amin a singa saray propita!”

Daniel 4:8

Insan linmoob si Daniel. (Beltsasar met so tawag ed sikato; niboluy ed dios ko.) Walad sikato so ispiritu na saray masanton diriyos, kanyan imbagak ed sikato so akogip ko. Inkuankod sikato:

Jeremias 2:6

Inekal da ak lad kanunotan da, anggaman a siak so angyagel ed sikarad Egipto tan angiwanwan ed sikarad kalawakan: sakey a dalin na kalawakan tan kaabutan, sakey a dalin ya amaga tan walay kaatapan, sakey a dalin ya anggapoy ondadalan tan anggapoy anggan manayam.

Isaias 63:15

Katawan, manlapud tawen a panaayaman mo ed inkasantom tan kagalangan mo, nengneng mo kami pa. Iner so kawalaay baleg a panangimasakit mod sikami? Iner so kawalaay pakayarim? Kawalaay panangarom tan panangasim? Ag mo kami pa ibebeneg.

Saray Salmo 143:5

Nanununotan koy linmabas iran agew; dadalepdepen ko ray amin a ginagawam, momotekteken ko ray amin a gawgawam.

Saray Salmo 25:6

Katawan, nunot mo pay panangasim tan say ag mangoman a panangarom ya abayag mo lan impanengneng.

Nehemias 9:20

Lapud kaabigan mo imbagam, so nepeg dan gawaen; initdan mo ray mana a kanen da, tan danum ya inomen da.

Exodo 14:30

Diad saman ya agew inyagel na Katawan iray Israelita ed saray Egipsio, tan anengneng na saray Israelita a kibalatar ya inaatey ed gilig na dayat iray Egipsio.

Saray Hebreo 13:20

Say Dios a panlapway kareenan so amaolid bilay ed Katawan tayon Jesus, a sikatoy Matalonggaring a Pastol da ray karniro, lapud dala ton amaneknek na andi-anggaan a sipanan.

Saray Salmo 51:11

Ag mo ak pa patataynanen ed arap mo; ag mo pa eekalen ed siak so masanton ispiritum.

Saray Salmo 106:9

Ginanggan toy Dayat ya Ambalanga, et minmaga; inwanwan ton binmaliw ed ekat iray totoo to.

Saray Salmo 106:44

Anggaman ontan, dinengel iray Dios nen tinmawag ira, tan inimano toy kairapan da.

Saray Salmo 106:45

Lapud sikara, anunotan toy impisipanan to, tan lapud baleg a panangaro to nansalat na kanunotan.

Isaias 43:16

Nen saman a panaon, say Katawan nanggaway dalan a binmeltang ed dayat, say dalan ed madaluyon a danum.

Isaias 63:10

balet sinumpa ra tan pinaermen da so masanton ispiritu to. Kanyan nagmaliw a kalaban da so Katawan tan nilabanan to ra.

Oseas 12:13

Say Katawan angibaki na sakey a propita a mangyagel ed saray totoo ton Israelita diad pakakaaripen dad Egipto tan mangasikasod sikara.

Amos 9:11

Say Katawan kuanto, “Onsabiy agew ya ipawil koy gendat a kipapasen na nanarian nen David, a kaparpara toy sakey ya abung ya aderal-deral ed inkageba to. Apigeren ko ray padir to tan ipaalagey kon singa gendat.

Saray Huis 6:13

Inkuanen Gedeon ed sikato, “No walad sikamiy Katawan, akin sirin et onyay agawad sikami? Onung na tinongtong na saray atateng mi, say Katawan impaway to rad Egipto. Akin et anggapo lay singa onman a gawaen natan na Katawan? Inkaindan to kami la tan pinaolyan to kamin ooleyan na saray Madianita.”

Saray Salmo 77:12

Dalepdepen kon amin iray kimey mo; omamengen kon amin iray makapanyarin ginagawam.

Saray Salmo 78:52

Insan singa sakey a pumapastol, impaway to ray totoo to; tan inwanwan to ran singa poluk na karniro diad imbeltang dad kalawakan.