Isaias 62:8 - Maung A Balita Biblia

⁸ Say Katawan sinambaan ton insipan, Tan lapud pakayari to sumpalen to yan sipan to: “Ag la magmaliw a tagano na saray kalaban yo iray bungay tanaman yo, Tan ag la inomen na saray sangkaili so alak yo.

Maung a Balita Biblia

⁸ Say Katawan sinambaan ton insipan, Tan lapud pakayari to sumpalen to yan sipan to: Ag la magmaliw a tagano nan saray kalaban yo iray bungay tanaman yo, Tan ag la inomen na saray sangkaili so alak yo.

Isaias 62:8 Referans Kwoze

Deuteronomio 28:33

Saray totoo na sakey a bansan ag yo amta et alaen na da ray bunga na saray tanaman a nansagputan yon pinabaleg, balet panamairap tan panamasegsegang labat so awaten yo lawas.

Deuteronomio 28:31

Napatas ed arap yo ray baka yo, balet ag yo natawayan so karni ra. Sankanengneng yon nigayugoy iray asno, balet ag la ra nipawil ed sikayo. Niiter ed saray kalaban yo iray karniro yo, balet anggapoy siopaman ya ontulong ed sikayo.

Ezekiel 20:5

Salitam ed sikara so ibabagak. Nen pinilik so Israel, walay insipan kod sikara. Impaamtak so siak a dili ed sikara diad Egipto tan inkuankod sikara: Siak so Katawan a Dios yo.

Jeremias 5:17

Kanen da ray bungay tanaman yo tan saray tagano yo; pateyen da ray anak yon lalaki tan bibii. Kanen da ray karniro yo tan saray baka yo; deralen da ray kaubasan tan saray kaigosan yo. Deralen na saray sondalo ra iray panmamatalkan yon siudad ya aliber na padir.

Isaias 1:7

Nagmaliw ya apaolyan so bansa yo tan tinemek na apoy iray siudad yo. Sankanengneng yon sasakopen na saray taga arum a bansa so dalin yo tan dederalen day amin a bengatla.

Deuteronomio 32:40

Legan a siak so mabilay a Dios, iyatagey koy limak tan sambaan ko

Levitico 26:16

dusaen ta kayo. Ipadalan kod sikayoy deral—saray ag natambal a sakit tan say petang na laman a mamulag ed sikayo tan kalkalnan ton oyusey bilay yo. Mantanem kayo balet anggapoy nagonggona yo, ta saray kalaban yo so mangalad saray intanem yo.

Isaias 45:23

Tua so sipan ko, tan ag balut naoman. Sasambaan kod siak a dili; Ondagod siak so balang sakey tan ontalimukor irad arap ko tan sambaan dan matoor irad siak.

Isaias 54:9

“Nen panaon nen Noe insipan ko ya ag ko la delapen so intiron mundo. Isipan ko natan ya ag ak la mampasnuk ed sika; ag ta ka la pampasnukan odino dusaen.

Isaias 55:2

Akin et gagastosen yoy kuarta yo ed antokaman ya ag makapenek? Akin et gagastosen yoy suildo yo, et siansian narasan kayo? Dengel yo ak tan gawa yoy ibabagak, et manliket kayo ed sankananaman iran kakanen.

Deuteronomio 28:30

“Misipanan kayon mangasawa—balet sananey iray mangikasal ed sikara. Mamaalagey kayo na abung, balet ag yo napanayaman. Mantanem kayo na ubas, balet ag yo natawayan so bunga to.

Isaias 59:16

Mankelaw ed impakanengneng to ya anggapoy ontulong ed saray napapairap. Kanyan ipakana toy dilin pakayari to ed pangyagel tod sikara tan say panalo to.

Jeremias 31:5

Taneman yo lamet iray kaubasan ed toktok na kapokdulan na Samaria, tan saray mantanem kanen da ray bungay kaubasan.

Amos 9:14

Ipawil kod dalin da iray totook. Pasimbaloen dan ipaalagey iray aderal-deral a siudad da tan manayam irad man; mantanem ira na saray ubas tan inomen da ray alak da; mantanem ira na saray tanaman tan kanen da ray bunga ra.