Isaias 62:4 - Maung A Balita Biblia

⁴ Ag ka la natawag na “Nikaindan,” Odino say dalin mo et natawag na “Say tinaynan ya Asawan Bii.” Say ngaran mo magmaliw a “Makakaliket so Dios ed Sikato.” Say dalin mo natawag na “Maliket a Naasawa,” Lapud makaliliket ed sika so Katawan Tan magmaliw kan singa asawan laki ed dalin mo.

Maung a Balita Biblia

⁴ Ag ka la natawag na Nikaindan, Odino say dalin mo et natawag na Say tinaynan ya Asawan Bii. Say ngaran mo magmaliw a Makakaliket so Dios ed Sikato. Say dalin mo natawag na Maliket a Naasawa, Lapud makaliliket ed sika so Katawan Tan magmaliw kan singa asawan laki ed dalin mo.

Isaias 62:4 Referans Kwoze

Sofonias 3:17

Walad sika so Katawan a Dios mo; panaloen ka na pakayari to. Manliket so Katawan ed sika, tan lapud panangaro to itdan to kay balon bilay Mankanta tan manliket ed sika,

Isaias 62:12

Natawag kayo na “Saray Masanton Totoo Na Dios,” “Saray Totoon Inlaban na Katawan.” Say Jerusalem natawag na “Say Siudad Ya Inaro Na Dios,” “Say Siudad Ya Ag Pinaolyan Na Dios.”

Jeremias 32:41

Panliketan koy panggawak na kamaungan ed sikara, tan pansiansiaen ko ran iletneg ed sayan dalin.

1 Pedro 2:10

Nen saman, aliwa kayon totooy Dios, balet natan totoo to ki la. Ag yo ni naawat so panangasi na Dios nen saman, balet natan naawat yo la.

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Saray Salmo 149:4

Naliliketay Katawan ed saray totoo to; papagalangan to ray mapaabeba diad pangiiter tod sikaray pananalo.

Jeremias 3:14

“Pawil kayo, aliwan matoor a totoo; kayaryan ta kayo. Mangala ak na sakey ed sikayo ed balang baley tan duara ed balang boleg, tan papawilen ta kayo ed Palandey na Sion.

Isaias 54:1

Jerusalem, singa ka biin lepes, balet natan makapankanta tan makapaneyag ka lapud liket. Nawalaan ka natan na saray anak a dakel ni nen saray anak na biin ag balut tinaynan na asawa to.

Isaias 60:15

“Ag ka la nikaindan tan nabosul, Sakey a siudad ya ataynan tan apaolyan. Pagmaliwen ta kan matalonggaring tan marakep, Sakey a pasen a kawalaay gayaga a mansiansia.

Isaias 62:5

Singa sakey a balolakin mangaasawa na sakey a birhin, Say anibokel ed sika asawaen to ka. No panoy panliket na nubio ed nubia to, Ontan met so panliket ed sika na Dios mo.

2 CORINTO 11:2

Singa pangiimon na Dios so pangiimon kod sikayo, ta singa kayo masimsimpit a marikit ya iyaasawak ed saksakey a laki a si Cristo.

Isaias 49:14

Balet inkuan na saray totood Jerusalem, “Inkaindan itayo na Katawan! Alingwanan to tayo.”

Puyan 21:2

Anengneng koy Masanton Siudad, say balon Jerusalem, ya onleleksab a nanlapud tawen tan nanlapud Dios. Onleleksab a singa nobian akaparaan ta akapales la ya onabet ed asawa to.

Juan 3:29

Say nubia kayaryan na nubio. Manalalagey ya ondengel so kaaro na nubio, tan manliket na baleg no narengel to lay bosis na nubio. Ontan to met a nagnap lay liket ko.

Saray Hebreo 13:5

Nepeg ya aliwa kayon lupay kuarta, tan pasarag yoy walad sikayo. Ta inkuay Dios, “Ag ta kan balut paolyan o taynan.”

Isaias 60:18

Ag la narengel iray tanul na panamairap; Anggapo lay nagawan panagderal ed dalin mo. Magmaliw ak a singa padir a mangyagel ed sika. Idayew mo ak lapud inlaban ta ka.

Isaias 62:2

Jerusalem, nanengneng na amin a bansa so panalom! Nanengneng na amin ya ari ra so kagalangan mo. Natawag kad balon ngaran, Sakey a ngaran ya inter na dilin Katawan.

Isaias 65:19

Manliket ak met lapud Jerusalem tan saray totoo to. Anggapo lad man naaniy manaakisan tan say ontawag ya onkerew na tulong.

Jeremias 33:9

Say Jerusalem et magmaliw a panlapwan na liket, galang, tan dayew ko; tan amin a bansa ed intiron mundo ontakot tan onggiwgiw ira no narengelan da ray nipaakar ed maabig a bengatlan gagawaen kod saray totood Jerusalem, tan say aligwas ya iiter kod siudad.”

Malakias 3:12

Insan saray totoo ed amin a bansa tawagen da kayo a maliket, lapud magmaliw a marakep a panayaman so dalin yo.

Deuteronomio 30:9

Say Katawan paaligwasen to kayo ed amin a gawaen yo; nawalaan kayo na amayamay ya anak tan amayamay ya ayayep, tan makaani kayo na daakan ed saray alog yo. No kaonungay impanliket to ya amaaligwas ed saray lalaki yo, ontan met so panliket ton mamaaligwas ed sikayo,

Saray Salmo 16:3

Agaylay inkamaung da ray matoor a totoo na Katawan! Pakaliliketan kon maung a nakaiba ra.

Ezekiel 36:35

Salitaen na balang sakey no panon a sayan siudad, a nen saman sakey a kalawakan, et nagmaliw a singa Tanamanan na Eden, tan no panon a panaayaman la tan apaliberan la na padir iray siudad ya ageba-geba, ataynan, tan aderal-deral nen saman.

Oseas 2:21

Diad satan a panaon ebatan ko ray pikakasi na saray totook ya Israel. Papelagen koy oran ed tapew na dalin, et say dalin mangiter na trigo, ubas tan oliba.