Isaias 62:10 - Maung A Balita Biblia

¹⁰ Sikayon totood Jerusalem, paway kayod siudad Tan manggawa kayoy dalanen na saray ompapawil a totoo yo! Mangiparaan kayoy maawang a dalan; ekalan yo na saray bato! Mangyan kayo na saray tanda, pian naamtaan na saray bansa

Maung a Balita Biblia

¹⁰ Sikayon totood Jerusalem, paway kayod siudad Tan manggawa kayoy dalanen na saray ompapawil a totoo yo! Mangiparaan kayoy maawang a dalan; ekalan yo na saray bato! Mangyan kayo na saray tanda, pian naamtaan na saray bansa

Isaias 62:10 Referans Kwoze

Isaias 57:14

Say Katawan kuanto, “Papawil yod siak iray totook. Ekal yo ray amin a makasbel ed dalanen da! Manggawa kayoy dalan tan iparaan yo!

Isaias 40:3

Sakey a bosis so mankelyaw, “Iparaan yod kalawakan so sakey a dalan a para Katawan! Linisan yo so dalan ed kalawakan a para Dios tayo!

Saray Hebreo 12:13

Manakar kayod maptek a dalan, pian ag natuloyan a napiley iray sali yon alikda, no ag ingen onabig ira.

Isaias 49:22

Say Katawan a Dios kuantod saray totoo to: “Sinsayan ko ray bansa et pasempeten da ray anak yo.

Isaias 11:10

Onsabiy agew a say balon ari a nanlapud saray manarin kabyangay boleg nen David et magmaliw a sakey a tanda ed saray bansa. Mantitipon irad panaarian ton siudad tan sikatoy igalang da.

Mateo 22:9

Kanyan lakayod saray nansasangaay dalan tan imbitaan yo ray amin a nanengneng yo.’

Isaias 18:3

Dengel kayo, amin yon manaayam ed tapew na dalin. Nengneng yoy tandan bandiran nipaalagey ed saray toktok na palandey! Dengel yoy itanul na trumpita!

Isaias 11:12

Say Katawan mangyatagey na tanda a mangipanengneng ed saray bansa a titiponen to lamet iray nikaykayat a totood Israel tan Juda, tan papapawilen to ran manlapud apatiran sokung na mundo.

Exodo 17:15

Amaalagey na altar si Moises tan tinawag to na “Say Katawan so Bandirak.”

Isaias 52:11

Ag yo sasaewen a taynan so Babilonia, amin yon umaawit na saray kagawaan na Timplo. Ag yo didiwiten so antokaman a marotak onung ed ganggan; pansiansia yon masanto so sikayon dili tan taynan kayo.

Isaias 48:20

Paway kayod Babilonia, taynanan yo man a pasen! Maliket yon ibawag so balita; ipaamta yod amin a pasen: “Dinondon la na Katawan so aripen ton Israel!”

Isaias 60:11

Agew-labin silolokas naani iray puirtam, Pian saray ararid bansa Nayarin iyakar dad sika iray kayamanan da.

Isaias 11:16

Walay nagawan maawang a dalan a manlapud Asiria, a dalanen na saray totood Israel a nipaliis ed patey diman, a singa inkiwalay dalan a dinalan na saray lalaki ra nen tinaynan day Egipto.

Saray Salmo 68:4

Kantaan yoy Dios, kantaan yo na panangidayew so ngaran to; iparaan yoy dalanen na manloglogan ed saray lorem. Yahweh so ngaran to—manliket kayod arap to!

Isaias 19:23

No onsabiy tan a panaon, nagawa so maawang a dalan a manlapud Egipto ya anggad Asiria. Makaonlad satan ed Asiria iray Egipsio tan makaonlad Egipto iray taga Asiria. Mankasakey ira yan duan bansa a mangigalang ed Katawan.

Isaias 26:1

Onsabiy agew a saray totooy Dios et kantaen dad dalin na Juda yan kanta: Mabiskeg so siudad tayo! Say Dios a dili so mangyaagel ed saray padir to!

Isaias 26:2

Lokasan iray puirta na siudad tan palooben so matoor a bansa, say bansa a matonung so gagawaen da ray totoo to.

Isaias 35:8

Niwalad satan so sakey a maawang a dalan a tatawagey, “Say Dalan na Inkasanto.” Anggapoy makasalanan a manakar ed saman a dalan; anggapo rad may makulang-kulang a mangibalang ed saray ondalan.

Isaias 49:11

“Manggawa ak na maawang a dalan ya ombeltang ed kapalandeyan tan iparaan koy dalan a panakaran na saray totook.

Isaias 60:18

Ag la narengel iray tanul na panamairap; Anggapo lay nagawan panagderal ed dalin mo. Magmaliw ak a singa padir a mangyagel ed sika. Idayew mo ak lapud inlaban ta ka.

Isaias 66:19

tan nakabatan da a siak so manudusad sikara. “Balet mangikera ak na pigarad sikara tan ibakik irad saray bansa tan diad saray ararawin dalin ya ag da ni nadngel so inkabantug ko odino anengneng so inkatalonggaring ko tan pakayarik: diad Espanya, Libia, tan Lidia a pati saray marunong a pumapana to, tan diad Tubal tan Grecia. Diad sarayan bansa ibawag day inkatalonggaring ko.

Jeremias 4:6

Itoro yoy dalan ya ompogtad Sion! Batik kayod pasen ya arawid kaatapan! Ag kayo la manaabala! Say Katawan mangipasabi na segsegang tan baleg a deral a manlapud baybay.

Jeremias 18:15

Balet nilingwanan ak na saray totook; mampopool iray insinso ed saray talintaoy diriyos. Niparokul irad dalan a nepeg dan dalanen, ag da la dadalanen iray gendat a dalan; ondadalan irad saray dalan ya anggapo ray tanda.

Ezekiel 26:2

Inkuanto, “Sika a toon ompatey, dengel mo yay ibagak. Sikato yay pakaliliketan na saray totood siudad na Tiro. Iyeeyag da, ‘Aderal-deral so Jerusalem! Naandi la so pakayari to ed nigosio! Ag lan balut nayarin kakompitinsia!’

Saray Salmo 24:7

Ilokas yoy maawang iray puirta, ilokas yo ray kadaanan a kaput, ta onloob so matalonggaring ya ari!

Isaias 35:9

Anggapo rad may niwalan lion; anggapoy ondalan diman a masebeg ya ayep. Diad ipawil na saray totoon inyagel na Katawan ondalan irad saman a dalan.

Isaias 40:4

Tabunan yo so kapag patar; patar yo so kapag palandey. Saray pokdul magmaliw iran patar, tan say matibagkul a kaomaan et magmaliw a palanas.