Isaias 60:8 - Maung A Balita Biblia

⁸ Anto ra yan bapor a singa lorem so panlalayag da? Singa ra malapatin onsesempet la?

Maung a Balita Biblia

⁸ Anto ra yan bapor a singa lorem so panlalayag da? Singa ra malapatin onsesempet la?

Isaias 60:8 Referans Kwoze

Puyan 7:9

Kasumpal to ya, anengneng koy balbaleg a dagop na katoowan ya anggapoy makabilang lapud karakel da. Nanlapu rad amin a bansa, tribu, totoo, tan salita. Manalalagey irad arap na trono tan samay Kordiro. Akakawes iray ampoti tan sankabembenan da ray palapa na palma.

Lucas 13:29

Onsabi ray totoon manlapud bokig tan sagur, abalaten tan baybay, tan ondongo rad lamisaan ed Panariay Dios.

Saray Hebreo 12:1

Aliber itayoy amayamay a tasi, kanyan ikaindan ti la ray amin a makaskasbel ed sikatayo, tan say kasalanan ya ompepeket a malet ed sikatayo. Anosan tayon ituloy so batiken tayo ni.

Isaias 60:4

Nengneng kad kaliber-liber mo, tan imanom no antoy nagagawa: Mantitipon iray totoom ya onsempet la! Manlapud arawin pasen iray anak mon lalaki; Naawit a singa ogogaw iray anak mon bibii.

Isaias 49:21

Insan mo ibaga satan ed sikan dili, ‘Siopay angyanak ed sarayan anak a para siak? Abalang ko ray anak ko tan ag ak la makaanak. Nibantak tan apataynan ak ed arawin dalin— siopay amabaleg ed sarayan anak? Atilak ak a bukbukor— iner so nanlapwan na sarayan anak?’”

Isaias 45:22

“Pawil kayod siak natan, et nilaban kayo, amin yon totoo ed intiron mundo! Siak labat so Dios, anggapo lay arum.

Oseas 11:11

Manlapud Egipto maples iran onsabin singa manok, tan manlapud Asiria onsabi ran singa malapati. Iyakar ko ra lamet ed kaabungan da. Siak, say Katawan, so nansalita.”