Isaias 60:2 - Maung A Balita Biblia

² Nakobutan na bilonget iray arum a bansa, Balet onsinag ed sika so silew na Katawan; Mansiansiad sikay liwawa na kiwawala to.

Maung a Balita Biblia

² Nakobutan na bilonget iray arum a bansa, Balet onsinag ed sika so silew na Katawan; Mansiansiad sikay liwawa na kiwawala to.

Isaias 60:2 Referans Kwoze

COLOSAS 1:13

Inlaban to itayon nanlapud kabilongetan tan inyalis to itayod panarian na inararo ton Anak.

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.

Saray Gawgawa 26:18

Ibaki ta kad sarayan totoo a mangilokas na saray mata ra, mamaasingger ed sikarad liwawa manlapud bilonget, mamaasingger ed sikarad Dios manlapud pakayari nen Satanas! Diad panamegley na pananisia rad siak, napirdona ray kasalanan da tan makapibiang irad saray totoon piniliy Dios!’”

Malakias 4:2

Balet sikayo ran mangoonur ed siak, singa agew ya ombutay ed sikayo so pakayarik a mangilaban tan mangyakar na panamaabig a singa saray rayos na agew. Magmaliw iran bolus tan maliket a singa saray kilaw na baka ya akapaway ed koral.

2 CORINTO 3:18

Natan ta nakal lay sakbung ed lupa tayo, sikatayo lan amiy mangipatnag na marlang a kagalangay Katawan. Saman met lamlamang a marlang a kagalangan a manlapud Katawan a sikatoy Ispiritu so mangoman na nengneng tayo pian magmaliw a lalon marmarlang, anggad makapipara tayod sikato.

Saray Gawgawa 17:23

ta diad pampapasiar kod siudad yo tan pannenengneng kod saray pasen a pampipikasian yo, akanengneng ak na sakey ya altar a nisulat so onya: ‘Para Dios ya ag Kabat.’ Satan ya igagalang yo, anggaman ya ag yo kabat, sikatoy ipulong kod sikayo natan.

Saray Gawgawa 14:16

Nen saman, pinaolyan na Dios a manggaway labalabay da iray amin a totoo.

Juan 8:55

Ag yo ni akabatan, balet kabkabat ko. No ibagak ya ag ko kabat, matila ak met a singa sikayo. Balet kabkabat ko tan oonuren koy salita to.

Juan 1:18

Anggapo nin balut so akanengneng ed Dios, balet sikatoy impaamta na bogbogtung ya Anak a Dios ya inararon maung na Ama.

Juan 1:14

Nagmaliw a too so Salita tan akiayam ed sikatayo. Anengneng miy kagalangan to a napnoy aro tan katwaan. Inawat to yan kagalangan ed Ama, ta sikatoy bogbogtung ya Anak.

Ezekiel 10:4

Inmatagey a nanlapud saramay pinalsa so kagalangay Katawan, insan dinmere ed lolooban na Timplo. Insan pinano na lorem imay Timplo, tan napno na liwawa imay patio.

Saray Bilang 16:19

Insan si Core tinipon to ray amin ya Israelita, tan nanalagey iran akaarap ed kindi Moises tan Aaron diad lolooban na Tulda. Kabebekta pinmatnag ed amin a katoowan so kagalangan na Katawan;

Levitico 9:23

Si Moises tan si Aaron linmoob irad dalem na samay Tuldan Ayamay Katawan; nen pinmaway ira binindisionan da ray katoowan tan pinmatnag ed amin a totoo so kagalangan na Katawan.

Juan 1:1

Diad gapoy gapo wala la so Salita. Say Salita kaibay Dios tan sikatoy Dios.

Mateo 23:19

Agaylay inkabulag yo! Antoy manona, say imbagat o say altar a mamapasantod imbagat?

Mateo 15:14

Paolyan yo ra labat. Bulag iran manangiwanwan; et no itabin na bulag so kapara ton bulag, napelag iran duad banawang.”

Jeremias 13:16

Pagalangan yoy Katawan a Dios yo, kasakbayan a mangyakar na kabilongetan, tan natumtumba kayod kapalandeyan; kasakbayan a pagmaliwen ton ambilbilonget so iilaloan yon liwawa.

Saray Salmo 80:1

Dengel mo kami pa, O Pumapastol na Israel; talineng mo kami pa, sika a pangulo da ray karnirom. Sika a manyodyorung ed tronom diad tagey da ray kirubin,

1 Saray Arari 8:11

Ag ira makapawil a manggawa na saray susumpalen da, lapud pinano na kagalangan na Katawan so Timplo.

Mateo 23:24

Bubulag a manangiwanwan! Sasapiten yoy apangat ed iinomen yo, balet aakmunen yoy kamilyo!

Saray Salmo 102:16

No ipaalagey lamet na Katawan so Sion, ipaamta toy kagalangan to.

Isaias 2:5

Sikayo ran kabyangay boleg nen Jacob, mankurang itayod liwawan iiter ed sikatayo na Katawan!

Isaias 4:5

Insan diad tagey na Palandey na Sion tan diad tagey na saray totoon nantitipon diman, ibaki na Katawan so lorem no agew, tan say asewek tan say marlang ya apoy no labi. Say kagalangan na Dios sakbungan tan iyagel toy intiron siudad.

Isaias 58:10

no itdan yoy nakan iray narasan tan iter yoy nakaukolan da ray walad pankaukolan, magmaliw a singa liwawad kaagwan so bilonget ed liber-liber yo.

Isaias 66:11

Manliket kayod aligwas to, a singa sakey ya ogaw a melag a maliket a mansususod ina to.

Isaias 8:22

odino onnengneng irad dalin, balet anggapoy arum a nanengneng da no ag say gunigon tan kabilongetan, say makapataktakot a kabilongetan ya akaibantakan da.

Isaias 58:8

“Diad satan say panangasik onwandag ed sikayo a singa ibutay na agew ed kabwasan tan onabig a tampol iray sugat yo. Wala ak lawas ed dikingan yo a mangilaban ed sikayo; say kiwawalak et iyagel to kayo ed anggan iner a pasen.

Isaias 62:1

Mansalita ak a pamabiskeg kod linawa na Jerusalem; Ag ak mampainawa ya anggad sikatoy nilaban, Tan onsinag a singa baleg a silew ed labi so pananalo to.