Isaias 60:17 - Maung A Balita Biblia

¹⁷ “Balituk so iyakar kod sika, aliwan gansa, Pilak tan gansa, aliwan balatyang tan kiew, Balatyang, aliwan bato. Ag ka la pairapen na saray manoley mo; Panoleyen ko ra ed inkatonung tan kareenan.

Maung a Balita Biblia

¹⁷ Balituk so iyakar kod sika, aliwan gansa, Pilak tan gansa, aliwan balatyang tan kiew, Balatyang, aliwan bato. Ag ka la pairapen na saray manoley mo; Panoleyen ko ra ed inkatonung tan kareenan.

Isaias 60:17 Referans Kwoze

Saray Hebreo 11:40

ta angiparaay Dios na magmaung a planon para sikatayo. Say getma to say ag da pagmaliw ya ayadyari no ag da itayo kaiba.

Zacarias 12:8

Diad satan a panaon iyagel na Katawan iray manaayam ed Jerusalem, et anggan say sankakapoyan ed sikara magmaliw a mabiskeg a singa samay kinabiskeg nen David. Saray kabyangay boleg nen David et mangipangulo ran singa anghil na Katawan, singa say Dios a dili.

Isaias 30:26

Say bulan magmaliw a maliwawan singa agew, tan say agew magmaliw a mamimpitoy kinaliwawa to, a singa kinaliwaway pitoran agew a nankakasakey. Nagawa ra yan amin no berberen tan paabigen na Katawan iray sinusugat tod saray totoo to.

Isaias 1:26

Itdan ta kayo na saray pangulo tan saray sumisimbawa yo a singa nen saman. Diad ontan, say Jerusalem natawag a matonung tan matoor a siudad.”

2 Pedro 3:13

Balet onung ed sipay Dios, manalagar itayoy balon katawenan tan balon dalin a panayamay katonungan.

Saray Salmo 147:14

Pansiasiansiaen tod kareenan iray ketegan mo tan pepeneken to kay sankaabigan a trigo.

Isaias 60:16

Talimaen ka na saray bansa tan saray arari A singa pangaasikaso na ina ed anak ton melag. Naamtaan mo a siak, so angilaban ed sika, Ya ibobolus ka na makapanyarin Dios na Israel.

Isaias 60:18

Ag la narengel iray tanul na panamairap; Anggapo lay nagawan panagderal ed dalin mo. Magmaliw ak a singa padir a mangyagel ed sika. Idayew mo ak lapud inlaban ta ka.

Daniel 11:20

“Insan onsalat ed sikato so sakey ya ari a mangibaki na sakey ya opisyal a mamairap ed saray totoo diad pansingil toy atatagey a buis, pian ondakel so kayamanan na nanarian. Ag mabayag napatey iman ya ari balet aliwan diad arap na karaklan odino diad bakal.”

Aggeo 2:8

Kayaryan kon amin iray pilak tan balituk ed intiron mundo.

1 Saray Arari 6:30

Naokupan met na balituk so anggan datal.

Saray Salmo 72:3

Onaligwas komuy dalin; manari komuy katonungan.

Isaias 55:13

Ontubo ray kiew a sipris ed pasen a kawalaan da ray sabitan natan; ontubo ray kiew a mirtil ed pasen a totobuan natan na saray ambabaing. Sikato yay tanda a mansiansia lawas, sakey a tanda a mangipanunot ed ginawak, siak a Katawan.”