Isaias 59:12 - Maung A Balita Biblia

¹² “Katawan, amayamay iray kaogsan a ginagawa mi sumpad sika. Aakusaen kami na saray kasalanan mi. Malinew so pakaamta mid saray kasalanan mi.

Maung a Balita Biblia

¹² Katawan, amayamay iray kaogsan a ginagawa mi sumpad sika. Aakusaen kami na saray kasalanan mi. Malinew so pakaamta mid saray kasalanan mi.

Isaias 59:12 Referans Kwoze

Esdras 9:6

Inkuan ko, “Ambaing ak a mangitangway olok ed arap mo, O Dios. Atagey nen saray olo mi so bontun na saray kasalanan mi; toktokdulen da lay katawenan.

Oseas 5:5

Say panagpaatagey na saray totood Israel so mangaakusa ed sikara. Saray kasalanan da so makasengeg na katalo ra, tan kaiba ra met a natalo so Juda.

Oseas 4:2

Mansisipan iray totoo, balet ag da lamlamang totooren; mantitila ra, mampapatey iray totoo, mantatakew ira, tan mankakalugoran ira. Mandakel so nagagawan krimin, tan mantotombukay panagpatey na too.

Ezekiel 5:6

Balet sinumpa na Jerusalem iray ganggan ko tan impanengneng to a lalon maoges ni nen saray arum a bansa, lalon aliwan maonur nen saray bansan walad kaliber-liber to. Impolisay to ray ganggan ko tan ag to binirbir iray bilin ko.

Jeremias 14:7

Ontatawag ed siak iray totook, ‘Anggaman ya aakusaen kami na saray kasalanan mi, tulongan mo kami pa, Katawan, onung na insipan mo. Amimpiga kamin inmarawid sika; nankasalanan kamid sika.

Isaias 1:4

Nadudusa ka, sika a makasalanan a bansa, sikayon marotak tan maoges a totook! Ikokotep ka na saray kasalanan mo! Impolisay moy Katawan a masanton Dios na Israel tan imbeneg mo.

Oseas 7:10

Say panagpaatagey na saray totood Israel et mantatasi sumpad sikara. Anggan anto so agawa, ag ira pinmawil ed siak a Katawan a Dios da.

Ezekiel 7:23

“Agewgew ya amiy bengatla—pateyan ed amin a sokung na bansa tan napno na inkaruksa iray siudad.

Jeremias 3:2

Tangwa kad toktok na kapokdulan tan nengneng ka; wala tad may pasen ya ag mo angipasenay sikan dili a singa marotak a bii? Diad gilig na dalan nanaalagar ka na saray manangaro; singa ka sakey ya Arabe a mantatalaran ed kalawakan na saray pairapen to. Dinotakan moy bansa lapud pikakaloguran mo.

Isaias 3:9

Nisingil ed sikara so panaglabi ra. Maparontal iran mankakasalanan a singa impankasalanan na saray totood Sodoma. Pangaskasiyan ira. Sikara met ni lamlamang so nanlapwan na pakadusa ra.

Nehemias 9:33

Maptek so ginawam diad impanusam ed sikami; matoor ka lawas, anggaman a nankasalanan kami.

Esdras 9:13

Anggan kayari na impakadusa mi lapud saray maoges tan makapoy a ginagawa mi, amta mi, O Dios mi, a daiset nen say kanepegan min dusa so inter mod sikami tan inyabuloy mo ingen a makapambilay kami ni.

Saray Bilang 32:23

Balet no ag yo sumpalen so sipan yo, pasakbayan ta kayo a mankasalanan kayod Katawan. Andi-duaruwad satan a nadusa kayo lapud kasalanan yo.

Saray Salmo 51:3

Bibirbiren ko ray maoges a ginagawak; lawas walad kanunotan ko ray kasalanan ko.

Isaias 58:1

Say Katawan kuanto, “Eyag kayod anggaay nayarian yo! Ibaga yod saray totook ya Israelita iray kasalanan da!

Habacuc 1:4

Maletey tan anggapoy kana so ganggan, tan ag balut natotombuk so katonungan. Lalamesen na saray totoon maoges iray matonung, kanyan napipikewet so inkatonung.

Isaias 64:4

Anggapo niy akanengneng odino akadngel na nipaakar ed Dios a singa sika, a manggagawa na onman iran gawa para saray maniilalod sika.

Ezekiel 7:16

Wala ray ombatik ed kapalandeyan tan singa ra malapatin ataktakot a nanlapud saray patar. Amin da pandageyeman da ray kasalanan da.