Isaias 59:11 - Maung A Balita Biblia

¹¹ Ataktakot tan maerermen itayo. Pampipirawatan tayon say Dios ilaban to itayod kakairapan tan kalalames tayo, balet anggapoy naalagar tayo.

Maung a Balita Biblia

¹¹ Ataktakot tan maerermen itayo. Pampipirawatan tayon say Dios ilaban to itayod kakairapan tan kalalames tayo, balet anggapoy naalagar tayo.

Isaias 59:11 Referans Kwoze

Isaias 38:14

Melmelag tan makapkapoy lay bosis ko, Tan managlem ak a singa malapati. Diad kanenengneng kod tawen naksawan lay matak. Katawan, agwat mo ak pad sayan gunigon.

Ezekiel 7:16

Wala ray ombatik ed kapalandeyan tan singa ra malapatin ataktakot a nanlapud saray patar. Amin da pandageyeman da ray kasalanan da.

Oseas 7:14

Aliwan masimoon so panagpikasi rad siak, no ag ta singa ra paganon mannangis ed dokulan da. No mampikasi ran onkerew na trigo tan alak, singa ra paganon salsalgeren day laman da. Agaylay pananumlang da!

Jeremias 9:1

Bobun na danum la komun yay olok, tan sobul na lua iray matak, pian makapanakis ak ed agew tan labi lapud saray totood bansak ya apatey-patey.

Jeremias 8:15

Nampilalek itayod kareenan, balet anggapoy naalagar tayo; nanalagar—tayoy panaon na pakatambal, balet takot lalaingen so sinmabi.

Isaias 59:9

Saray totoo kuanda, “Amta tayo la natan no akin et ag itayo iyagel na Dios ed saray mamapairap ed sikatayo. Pampipilalekan tayoy liwawan pankurangan, balet bilonget labat ya amin so wala,

Isaias 51:20

Diad suyok na balang dalan mamparogsod kapoy iray totoom; singa ra ulsan narel ed iket na umaanop. Alikna ray sulit na pasnuk na Dios.

Saray Salmo 119:155

Ag nilaban iray totoon maoges, ta ag da oonuren iray ganggan mo.

Saray Salmo 85:9

Peteg a sipaparaay Katawan a mangilaban ed saray mangigagalang ed sikato, et mansiansia ed dalin tayo so manangilaban a kiwawala to.

Saray Salmo 38:8

Makapkapoy ak tan agaylay kesaw ko; nagugunigon ak tan manay-ay ak lad sakit.

Saray Salmo 55:2

Dengel mo ak pa tan ebatan mo ak; makapkapoy ak la, lapud saray pagpagak.

Isaias 59:8

tan maatap so bilay na amin a too no siber-siber kayo. Andid katonungan iray amin a gagawaen yo. Pikewet a dalan so totombuken yo, tan maatap so bilay na amin a manakar ed satan a dalan.

Isaias 59:14

Apaarawi lay inkatonung, tan ag makaasingger lay kaptekan. Niparokul ed plasa so katwaan, tan anggapod may pasen na inkatoor.

Saray Tagleey 3:17

Alingwanan koy kabaliksan na abig-laman tan kareenan tan liket.

Nahum 2:7

Nalan adakep so riyna; maermen iray aripen to, singa ra managlem a malapati, tapok-tapoken dad ermen so kapagewan da.

Saray Salmo 119:150

Manasingger iray maruksan mamapairap ed siak, saray totoon ag balut mangoonur na ganggan mo.

Nahum 2:8

Singa ompapaway a danum ed abwang a dipositoway danum iray totoon ontataynan ed Ninive! “Tonda kayo! Tonda kayo!” kuay eyag—balet anggapoy ompawil.