Isaias 58:9 - Maung A Balita Biblia

⁹ No mampikasi kayo, ebatan ta kayo. No ontawag kayod siak, eselan ta kayo. “No patondaen yoy panamairap yod kapara yon totoo, say panangipanengneng yoy panagbosul yo, tan say panagsalita yoy maoges;

Maung a Balita Biblia

⁹ No mampikasi kayo, ebatan ta kayo. No ontawag kayod siak, eselan ta kayo. No patondaen yoy panamairap yod kapara yon totoo, say panangipanengneng yoy panagbosul yo, tan say panagsalita yoy maoges;

Isaias 58:9 Referans Kwoze

Saray Salmo 50:15

Tawag kayod siak no onsabiy gunigon; ilaban ta kayo, et idayew yo ak.”

Isaias 65:24

Anggan ag ni ra asumpal a mampipikasi ed siak, ebatan ko la ray pikakasi ra.

Saray Salmo 91:15

No ontawag irad siak ebatan ko ra; no wala rad gunigon ibaan ko ra. Iyagel tan pagalangan ko ra.

Isaias 1:15

“Onlingaw ak ed biek no itagey yo ray lima yo a mampikasi. Ag ta kayo dengelen anggan mansosoldungay pikakasi yo, lapud dala ya amin so lima yo.

Probirbio 6:13

Mankindat tan mansinyas ira pian napalikdo da ka,

Saray Salmo 118:5

Diad kasesegsegang ko, tinmawag ak ed Katawan; inebatan to ak tan imbolus to ak.

Saray Salmo 12:2

Mantitilaan la ray totoo; manlolokowan tan mampapalikdowan ira.

Saray Salmo 37:4

Say Katawan so pananapan moy liket mo, et iter tod sika ray pampipilalekan na pusom.

Isaias 58:6

“Say labay kon panagayuno saya: Okbar yoy golunggolung na panamairap tan ekal yoy pako na panagpikewet yo ed inkatonung, tan ibolus yo ray napapairap.

Isaias 57:4

Siopay luludlureyen yo? Sikayon matitila, siopay kakantiawan yo?

Zacarias 10:2

Saray totoo et mangipapanon irad saray talintaoy diriyos tan diad saray pumaparles, balet tila tan andi-kakanaan iray nanaala ran ebat. Pigarad sikaray mangipapatalus na saray kogip, balet papalikdoen da kayo labat; andi-kakanaan iray iiter dan ligliwa. Kanyan mantawtawataw iray totoon singa ra abalang a karniro. Nagugunigon ira lapud anggapoy pangulo ra.

Genesis 27:18

Insan linmay Jacob ed kinen ama to tan inkuanto, “Ama!” “On,” ebat to. “Siopa kan anak ko?”

Ezekiel 13:8

Kanyan say Katawan a Dios kuantod sikara, “Tila ray salita yo, tan aliwan tua ray pasingayew yo. Sumpa ak ed sikayo.

Isaias 59:13

Sinmumpa kamid sika, impolisay mi ka, tan ag mi ka inonur. Pinapairap mi ray arum tan inmarawi kamid sika. Pikewet iray kanunotan mi; tila ray salita mi.

Isaias 30:19

Ag kayo la onakis, sikayo ran totoon manaayam ed Jerusalem. Mapangasi so Katawan, et no onkerew kayod sikato na tulong, ebatan to kayo.

Say Libro nen Job 22:27

No mampikasi ka, ebatan to ka, et diad ontan sumpalen mo ray sipan mo.

Saray Salmo 20:6

Natan amtak a say Katawan et panataloen toy pinili ton ari; eebatan to manlapud masanton tawen, tan diad panamegley na pakayari to, iitdan to na saray baleg a pananalo.

Isaias 55:6

Pawil kayod Katawan tan mampikasi kayod sikato, natan ta asingger ni.

Isaias 59:1

Ag yo nununoten a say Katawan et makapoy, kanyan ag to kayo nilaban odino telek, kanyan ag to kayo narengel no onkerew kayoy tulong!

Daniel 9:20

Intuloy ko so nampikasi; impatwak iray kasalanan ko tan saray kasalanan da ray totook ya Israel, tan kinerew kod Katawan a Dios ko ya ipawil to la komun ed gendat a kipapasen so masanton Timplo to.

Zacarias 13:9

Suboken ko ray akeraan a kakatlo tan linisan ko ran singa kalinisan na pilak ed apoy. Suboken ko ran singa kasubok na balituk. Insan ira mampikasi ed siak, et ebatan ko ra. Ibagak ed sikara a sikaray totook, tan ibawag dan siak so Dios da.”

Saray Salmo 145:18

Asingger ed amin da ray ontatawag ed sikato, saray tua so itatawag dad sikato.

Saray Tagleey 3:57

Inebatan mo ak tan imbagam ed siak ya ag ak ontakot.