Isaias 58:14 - Maung A Balita Biblia

¹⁴ narumog yod satan so liket ya iter na panlingkur ed siak. Pagmaliwen ta kayon galgalangen na sankamundoan, tan manliket kayo ed panayam yo ed dalin ya inter kod laki yon Jacob. Siak, say Katawan, so nansalita.”

Maung a Balita Biblia

¹⁴ narumog yod satan so liket ya iter na panlingkur ed siak. Pagmaliwen ta kayon galgalangen na sankamundoan, tan manliket kayo ed panayam yo ed dalin ya inter kod laki yon Jacob. Siak, say Katawan, so nansalita.

Isaias 58:14 Referans Kwoze

Deuteronomio 32:13

“Inabuloyan ton manoley ira ed saray atagey a pasen, tan impanbilay day bunga na saray tanaman ed kaalogan. Nanaala ray dilo ed saray sengat na saray ankakabaleg a bato; malambut a tinmobod kabatowan iray kakiewan dan oliba.

Say Libro nen Job 22:26

Diad ontan manmatalek ka lawas ed Dios tan narumog mo a sikatoy sobul na gayagam.

Isaias 33:16

Diad satan niarawi kayod kaatapan ya aliling yoy walad dalem na tirinsira. Nawalaan kayoy kanen tan inomen.

Deuteronomio 33:29

Israel, agaylay liket mon bansa! Anggapoy mipara sika, sakey a bansan inliktar na Katawan. Say Katawan a dili so samper tan ispadam, a mangyagel ed sika tan mangiter ed sikay pananalo. Ondagon mikasid sika iray kalaban mo, et gatin-gatinan mo ra.

Isaias 40:5

Insan nipaamta ed satan so kagalangan na Katawan, tan nanengneng na amin a katoowan. Say Katawan a dili so angisipan ed saya.”

Saray Salmo 37:4

Say Katawan so pananapan moy liket mo, et iter tod sika ray pampipilalekan na pusom.

Saray Salmo 36:8

Panliliketan miy ag nasabsabaan a kakanen ya iiter mo; paniinomen mo kamid ilog na kaabigan mo.

FILIPOS 4:4

Manliket kayo lawas ed Katawan. Oliten ko: manliket kayo!

Jeremias 3:19

Say Katawan kuanto, “Israel, nilabay ko ya awaten ta kan anak, tan itdan ta ka na makapaliket a dalin, say sankaabigan a dalin ed intiron mundo. Nilabay ko a tawagen mo ak na ama, tan ag mo ak la ikaindan.

1 Pedro 1:8

Anggaman ya ag yo anengneng, aaroen yo. Anggaman ya ag yo nanenengneng natan, manisia kayod sikato. Kanyan manlepwad puso yoy baleg a liket ya ag nayarin ibalikas,

Mikias 4:4

Say balang sakey a too et manayam ed kareenan diad kawalaan da ray kaubasan tan saray kakiewan ton igos, et anggapo lay manaktakot ed sikato. Say Katawan a Makapanyarin-amin so angisipan ed saya.

Say Libro nen Job 27:10

Nampilalekan to komun so liket ya iiter na Dios, tan nampikasi lawas komun ed sikato.

Mateo 24:35

Naandipat so tawen tan dalin, balet ag balut naandipat iray salitak.”

Saray Salmo 136:21

Inter to ray dalin da ed saray totoo to; andi-anggaan so panangaro to;

Saray Salmo 135:12

Inter to ray dalin da ed saray totoo to; inter to rad Israel.

Saray Salmo 37:11

Balet nakayaryan na saray mapaabeba so dalin; manliket ira lapud maaligwas tan mareen so bilay da.

Say Libro nen Job 34:9

Ibabaga to ya anggapon balut so naalan kaabigan diad pangonur na linaway Dios.

Isaias 34:16

Sokimat yod libro na Katawan a nipaakar ed saray mabilay a pinalsa tan basa yoy ibabaga to. Anggapoy anggan sakey ed sarayan pinalsa so nabalang, tan walay asawa so balang sakey ed sikara. Say Katawan a dili so angiganggan ed saya; say ispiritu to so manipon ed sikara.

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Ezekiel 36:2

siak a Katawan a Dios: Saray kalaban na Israel kuanda, ‘Maung, anggan sarayan abaybayag lan kapokdulan et kayaryan tayo la ra!’